Jean 15:25 - Nouveau Testament en Gulay 2004

²⁵ Nè dé ra titeke bè tede kade tà nè ke dé ndang kêm magtub gute-ndu’t le de d’ede nè: «D’ɔr’m njêt karè bè» nga, aw’n loon’t deĵ.

Jean 15:25 ပူးပေါင်းရင်းမြစ်များ

Matthieu 10:8

Ɔri ratur ra njératurge a, adi njé ke weii tɔsi ndeli in-in a, ɔri banje ra njébanjege’t a, i rɔi ndilge ke majelé kêm dooge’t kɔke a tɔ. Man m’ade sei tɔgmong nè nga kade i rai se dooge karè tite man m’ade sei karè nga tɔ.

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Jean 10:34

Jésu tel deje de ede nè: – Kété kuwe man m’ede sei m’ede nè: «Sei sei kum gute tà Nube.» Ké dé ndang tà nè nga kêm Magtub mann-ra le si ke mari’t lé wa?

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 19:36

Nyange nè teei titeke bè tede kade tà ke Magtub ke tò se ninn’n tam kété nga aw’n loon’t deĵ. Dé ndang kêm magtub’t d’ede nè: «D’a tête kinge’n karé bè géa dann madege’t lé.»

Nje Ke Rome 3:19

Tàge malang ke gute-ndu tam nga, jè ger titeke è tam ɔje’n dè njé ke ndii gir gute-ndu’t. Doo karé à teen tà’n le tam’n tà dè rann’t lé. Dooge malang ke dè nang nè nga, tà uwe dè de non Nube’t.

Nje Ke Rome 3:24

Nube ɔr tà dè dooge’t karè takul kêmnoje le’n ke ule’n Jésu-Krist ade ree ɔr’n de dann majelége’t le de.

2 Nje Ke Corinthe 11:7

Kɔge ke ndɔ ke man kuwe m’ɔge ra’m dè nyange ke nal’m m’ile’n mber Tà ke Maje le Nube made sei karè nga, ké è majelé ke m’ra wa? Ké ra ke m’ra ra’m ke ngonn m’ile’n mber Tà ke Maje le Nube m’ade i telii dooge ke bòi nga, ké è majelé á m’ra wa?

Nje Ke Galatie 2:21

Noje le Nube nga, man m’ute mbeng lé. Ke nè á tà ɔr dè doo’t takul gute-ndu ɓaa, Krist wei se ndáng karè.

2 Nje Ke Thessalonique 3:8

Doo karé bè géa ndɔ ke ade jè mapa j’use karè lé. Nè j’ule ra jé ndibe, jè ra kule j’ɔr yàl-yàl ndɔ a, kada a tɔ. Jè ra titeke bè tede le kɔi’n dè doo karé dann si’t lé.

Lookilera’n 21:6

Taɓai, è tel ede’m ede nè: «Girtà gang ɓá ta. Man nga, m’ee ke desêin a, m’ee ke ngeinn’t a tɔ. Man nga m’ee loo kunde gir nyan a, loo tɔl ngang nyan a tɔ. Doo ke kunde on’n ɓaa, m’a m’ade’n ngur mann ndikumgajer kade an-in karè m à ndogo lé.

Lookilera’n 22:17

Ndil Nube se dinye ke njè ngaw kige nga tami edi nè: «I ree.» Doo ke oo tà nè ɓaa, maje kade tam ede nè: «I ree.» Doo ke kunde mann on’n ɓaa, maje kade ree taa mann an-in. Doo ke ndige taa mann kan-in ndii’n kumgajer ɓaa, à inge karé m à ndogo lé.