Jean 15:24 - Nouveau Testament en Gulay 2004

²⁴ Nyanrage ke doo ke rang ra nja karé lé nè nga, ke nè á ndɔ ke m’ra dann dooge’t lé ɓaa, né tà kaiya à ɔr dè de’t. Nè ɗarinè d’an nyanramge ɓá, nè né è bè géa, d’a d’ɔdenan kɔr jè njêt se Bɔ’m kuwe ɓai.

Jean 15:24 ပူးပေါင်းရင်းမြစ်များ

Matthieu 11:5

Njékumtɔge teli an-in loo a, njédɔge metege teli njiyei mong ɗáj-ɗáj a, banje ɔr ra njébanjege’t ndát-ndát a, njémbi mbege teli ooi tà njai-njai a, dooge undei loo teei dann njé ke koo’t a, Tà ke Maje nga géa d’ile mber’n d’ade njéndooge ɓá a tɔ.

Matthieu 21:32

Kerɔte kuwe, Jean ree tɔje sei rebe ra nyan ke se dè naje’n kade i taai kum Nube. Nè sei umi kêm si dènn’t lé; nè njétaa tirge se kaiya-dinyege á umi kêm de dènn’t. Sei an-in nyange ke dé ra nè nga se kum si nè sei i turi hal si le kunde’n kêm si dènn’t lé.

Matthieu 9:33

Loo ke Jésu rɔ ndil ke majelé kɔke kêm dingem’t nè ɓá ɓaa, ke loon’t nè kuwe dingem nè nga unn gir tam tà yàr-yàr. Ndil doobulege tee an-in soin-soin ade tami edi nè: – Ndɔ karé doo an nyan ke titeke bè kêm ɓeekon ke Israel nga ndan lé ɓai.

Marc 2:12

Ke loon’t nè kuwe, dingem nè nga ɔse nang in dɔ, ɓir nyan too’n, unde loo tee tàkum dooge’t malang ade teli ndii giw. Dooge malang ulei ndubra dè Nube’t edi nè: – Jè j’an nyan ke titeke bè nja karé ndan lé ɓai.

Tà ke Maje ke Luc ndang 24:19

Jésu tel deje de ede nè: – Ké nyan rige á teei wa? Dé tel d’ile’n dè’t d’ede nè: – E nyange ke ɔje dè Jésu ke Nazareth, ke è njèribe-dè-tà ke tà Nube’t. Nube se kosdooge malang geri titeke è ra nyange a, tam tàge se tɔgmong a tɔ.

Jean 10:32

Jésu tel ile de dè’t ede nè: – M’ra nyange ke maje bule se tɔgmong le Bɔ’m m’ade an-in ɓá. Ké è tede è ke ra taɓai á a i tilei man se kuberi her tɔli man wa?

Jean 10:37

Ke nè á m’ra nyange se tɔgmong le Bɔ’m lé ɓaa, undei kêm si dèm’t lé.

Jean 12:10

Unn gir kêm ndɔn’t nè nga, maw njékuje nyan-mesege ɔji njáng le kade dé tɔl Lazare kɔke.

Jean 12:45

Nanan ke ter’m maje ɓaa, è an njékule’m nga ɓá ta.

Jean 14:9

Jésu tel ile Philippe dè’t ede nè: – Philippe, man ke m’ndi se si nan’t mari bere nè kuwe i ger’m lé ɓai wa? Doo ke an’m ɓaa, an Bɔ’m tɔ. A ɓaa, ké bain taɓai á i tam se’m ede nè: «I tɔje jè Bɔi wa?»

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Jean 15:22

Ke nè á kété m’ree lé a, m’ede de tà lé a tɔ ɓaa, né tà kaiya à ɔr dè de’t. Nè ɗarinè, loo kede gos dè kaiya’t le de goto ta.

Jean 15:23

Doo ke ɔr’m njêt ɓaa, ɔr Bɔ’m njêt tɔ.

Jean 16:9

E nè nga à ade kum de gang dè kaiya’t tede kunde ke d’unde kêm de dèm’t lé.

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 5:36

Nè man m’aw se njèkɔrgo tà ke bòi dum Jean. Tede kule ke Bɔ’m ade m’ra m’ɔr son’n nga ɔrgo tà le’m titeke Bɔ’m kuwe ule’m.

Jean 6:36

Nè m’ede sei tà nè nga kété ɓá, sei an-in man se kum si kuwe, nè undei kêm si dèm’t lé.

Jean 7:31

Dooge ngain dann doobulege’t umi kêm dè Jésu’t. Ei tami edi nè: – Loo ke ndɔn’t Krist à ree nga, ké à ra nyankɔbege ngain dum ège ke doo nè ra nga wa?

Jean 9:32

Doo ke d’oje’n ke njèkumtɔ nga, doo ade kum’n teen ade j’oo tà’n nja karé bè ndan lé ɓai.

Jean 9:41

Jésu ile de dè’t ede nè: – Ke nè á kété sei njé kum libege kerɔte ɓaa, né tà kaiya ayé kuwe dè si lé. Nè sei tami ɗarinè edi nè: «Jè jè njé kum kan looge.» Gir’n ke nè á tà kaiya uwe’n de si ɗêng-ɗêng ɓai.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Nje Ke Rome 1:30

Dé njé tam tede nange, njé kɔr Nube njêtge, njé taje nduge, njé kan nan ke nyan lége, njé ti ra dege, njékunde gir nyange ke kige ke majilé-majilé, njékaltà tà njékoje dege’t a tɔ.

2 Timothee 3:4

Kem̂ ndɔge ke ngeinn’t nga, dooge à ei njé kunn dè nange a, à ei njé kin kur dè nyange’t bigm ra, à ei njé ndige ranel ke ɔje dè de tá ngain dum ndige Nube.

Jacques 4:4

Sei njé mbate Nubege! Doo ke uwe made nan se nang nè nga è njèban le Nube. Ké sei geri titeke bè lé wa? Doo ke ndige kuwe made nan se nang nè ɓaa, è kuwe tel ra’n ke njèban le Nube ta.