Jean 15:22 - Nouveau Testament en Gulay 2004

²² Ke nè á kété m’ree lé a, m’ede de tà lé a tɔ ɓaa, né tà kaiya à ɔr dè de’t. Nè ɗarinè, loo kede gos dè kaiya’t le de goto ta.

Jean 15:22 ပူးပေါင်းရင်းမြစ်များ

Tà ke Maje ke Luc ndang 12:46

Kuwe’n à tel tee dènn’t pan ndɔ karé se kàde ke è ger lé. Kuwe’n à ide’n nduju reend-reend a, à ra se’n nyan ke d’ade ra se njékaltàge tà Nube’t nga a tɔ.

Jean 12:48

Nanan ke ute’m mbeng taa tàge le’m lé ɓaa, njègangtà dènn’t ndi tutu ɓá ta. Tà le’m ke m’tam nga kuwe à gangtà dènn’t ndɔ ke ngeinn’t.

Jean 15:23

Doo ke ɔr’m njêt ɓaa, ɔr Bɔ’m njêt tɔ.

Jean 15:24

Nyanrage ke doo ke rang ra nja karé lé nè nga, ke nè á ndɔ ke m’ra dann dooge’t lé ɓaa, né tà kaiya à ɔr dè de’t. Nè ɗarinè d’an nyanramge ɓá, nè né è bè géa, d’a d’ɔdenan kɔr jè njêt se Bɔ’m kuwe ɓai.

Jean 16:9

E nè nga à ade kum de gang dè kaiya’t tede kunde ke d’unde kêm de dèm’t lé.

Jean 19:11

Jésu tel ilé dè’t ede nè: – Ke nè á ndɔ ke Nube adi tɔgmong lé ɓaa, ayé ra se’m nyan karé bè lé. Gir’n ke nè á, è ke njè kade d’uwe’m d’ule’m jii’t nga, tà uwe dè’n dum lei ɓai.

Jean 9:41

Jésu ile de dè’t ede nè: – Ke nè á kété sei njé kum libege kerɔte ɓaa, né tà kaiya ayé kuwe dè si lé. Nè sei tami ɗarinè edi nè: «Jè jè njé kum kan looge.» Gir’n ke nè á tà kaiya uwe’n de si ɗêng-ɗêng ɓai.

Nyanra Njekawkulege 17:30

Nyanra dooge kêm ndɔge ke kété mari ke geri Nube lé ɓai nga, Nube unn kum’n mbeng dè’t kɔke. Nè ɗarinè è unn ndu’n ade dooge malang se loo malang kade turi hal de.

Nje Ke Rome 1:20

Tɔgmong ke dum dè loo le Nube se danra Nube nga, ei nyange ke doo ase kan ndan lé. Nè unn gir kété mari loo kunde gir nyange ke dè nang nè nga, tɔgmong le’n se danra’n ke doo ase kan lé nga, tooi nata ndái-ndái ade dooge an-in nin se go nyankundege le’n. Bè ɓaa, loo kede gos le dooge goto ɗarinè ta.

Nje Ke Rome 2:1

I nanan ke i ndi a i gangtà dè dooge ke rang’t nga, i géa ile tà dè rai’t tɔ. Tede nyan ke rai á i gang’n tà dè de’t nè nga, i géa i njè ra nyan nè nga tɔ.

Jacques 4:17

Loo ke doo karé ger nyan ke maje ke kum ra, nè è ra lé ɓaa è ra majelé.

1 Pierre 2:16

I njiyei asinan se dooge ke ndii dè de pal. Edi gos dè ndi dè pal’t le ra’n nyange ke majelé lé. Nè sei i ndii dè si pal le ra ɓer le Nube.