Jean 15:16 - Nouveau Testament en Gulay 2004

¹⁶ E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Jean 15:16 ပူးပေါင်းရင်းမြစ်များ

Matthieu 21:22

Nyan ke rara ke sei deji Nube se kundekêm ɓaa, a ingei nyan nè nga kuwe.

Matthieu 7:7

I kɔi Nube nyan ke awi ndoo’n ɓaa à ade sei a, i sangi nyan ke awi ndoo’n ɓaa a ingei. Undei tàbit kei ɓaa, d’a d’ɔr kade sei ɓai a tɔ.

Tà ke Maje ke Luc ndang 6:13

Loo ke loo ar yerer ɓá ɓaa, Jésu ɓar njékuwe-girnge rann’t. E tɔr njé ke dɔg-gidé-joo nga unde de se ninn de ke njékawkulege.

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 15:19

Ke nè á sei le dè nang nè ɓaa, njé ke dè nang nè ayé ndigi sei tede ei ndigi nyan ke è nyan kinge de tá. Sei nga, sei le dè nè nang lé; nè è man kuwe m’tɔr sei dann de’t kɔke m’unde sei se ninn’n dè nang nè. Gir’n ke nè á njé ke dè nang nè ɔri sei njêt.

Jean 15:5

Man m’ee kage nduu, sei sei balkum kage nduuge. Doo ke nanm kàde’m ade m’nain se’n a tɔ ɓaa, à ann ɗàk-ɗàk. Ke nè á m’nain se si lé ɓaa, sei asi ra nyan karé bè se dè ra si lé.

Jean 6:70

Jésu tel deje de ede nè: – Sei ke dɔg-gidé-joo nè nga, ké è man kuwe á m’tɔr sei lé wa? Nè né è bè géa, è ke karé dann si’t tel è doo le sú ke njèkêmyêr.

Nyanra Njekawkulege 1:24

Taɓai dé malang d’ɔje tà se Nube d’ede nè: – Hei! Kuwe-ɓee, i ger ngarankêm dooge malang, ule jii njung dè doo karé ke i kuwe ɔr’n unde’n se ninn’n dann dooge ke joo nè ade jè.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 10:41

Nè è jè njékɔrgo tàge le’n ke Nube tɔr jè kuwe se kar jè bere á j’an’n. Loo ke Jésu-Krist unde loo tee dann njé ke koo’t nga, jè njékɔrgo tàge le’n j’use se’n a, j’an-in se’n a tɔ.

Nyanra Njekawkulege 22:14

Ananias ede’m ede nè: «Nube le kà jéige ɔri kété mari bere le kade i ger nyan ke kêm’n ndige. E ɔri le kade an njèra nyan se dè naje’n karé bere se kumi a, le kade oo tà tànn’t a tɔ.

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

Nje Ke Rome 1:13

Ngakonmge, man m’ndige le kade i geri titeke m’ɔje le kaw ra si’t nja bule, nè sár ɗarinè m’inge loo kaw lé ɓai. M’ndige le kaw ra se si le kade kundekêm le si ɓeɓer titeke ndɔ ke m’ra’n se dooge ke rang ke ei Juipge lé nga tɔ.

Nje Ke Rome 1:5

Takul Krist á Nube uwe’n se jé noje ade j’ee’n njékawkulege le kade girkoje dooge malang undei kêm de dènn’t a, ilei riɓar dènn’t a tɔ.

Nje Ke Rome 15:4

Nyange malang ke dé ndang tà’n kêm magtub’t kété mari nga, dé ndang de le ndó’n jèi nyan. Magtub ke tò se ninn’n ndó jèi korè tà njak se sɔlkêm ke j’ingei tà’n kêm Magtub’t le Nube tede kade j’undei kêm jéi tchên ke dènn’t.

Nje Ke Rome 9:21

Ké kɔde jó è doo dè hanje le ra se’n nyan ke kêm’n ndige lé wa? Hanje ke karé nè kuwe è ase kube’n jó-rebe éké jó-gɔr. Le Nube géa è titeke bè tɔ.

1 Nje Ke Corinthe 10:11

Nyange nè ke ndɔ ke teei dè kà jéige’t nga, ei nyan-tɔjege. Dé ndang tà’n kêm Magtub’t le Nube kade j’undei kumkunju dè ra jéi’t, tede jè ndii dè kurloo ke ɔje dè ngei nyange malang.

Nje Ke Galatie 1:15

Nè né è bè géa, Nube ɓar’m unde’m se ninn’n se go kem̂noje le’n loo ke ndɔ ke m’nain’n kem̂ konm’t ɓai.

Nje Ke Ephese 2:10

Jèi, jèi dookundege le Nube. E Nube kuwe unde jèi se go kum ke j’um nan’t bɔk se Jésu-Krist tede kade jè rai nyanrage ke maje. Nyanrage ke maje nga Nube uwe dè nja de kété kade jè rai se ndɔ jéi, ndɔ jéi.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.

Nje Ke Colosses 1:6

Loo malang ke Tà ke Maje nè aw tee tutu nga, ule ngire’n nang a, ann ke kété-kété a tɔ. Sei géa, è titeke bè dann si’t, unn gir kem̂ ndɔ ke sei ooi a, i geri kem̂-maje le Nube se go ngarankum tà a tɔ.

1 Timothee 2:7

E tede kɔrgo tà nè á Nube ɔr’m unde’m ke njèkile mber a, ke njèkawkule a tɔ. Man nga Nube ɔr’m unde’m ke njèndó nyan dooge ke ei Juipge lé kade undei kem̂ de dènn’t a, dè ngarankum tà’t a tɔ.

2 Timothee 1:11

Man nga Nube ɔr’m unde’m ke paja mber Tà ke Maje nè nga. Nube ɔr’m unde’m ke njèkawkule a, ke njèndó nyan dooge ke ei Juipge lé a tɔ.

2 Timothee 2:2

Nyange ke ndɔ ke i ndó ram’t tàkum njékɔrgo tàge’t bule nga, inye tà’n ji dingemge’t ke ei ke maje kojege ke asi ndói dooge ke rang.

Tite 1:5

Man m’inyei dè goré loo ke Crète le kade i gɔl nyange ke nain ade aw maje se gonan-gonan. Taɓai man m’inyei le kade i tɔr ngatɔgege se kem̂ ɓee-bòge karé-karé unde de se go ndu’m ke m’unn m’adi.

Hebreuge 11:4

Takul kundekem̂ á Abel ree’n se nyankuje-mese ke maje dum le Cain ade Nube. Takul kundekem̂ á Nube ɔr’n tà dè Abel’t a, tam’n tà ke maje ɔje dè nyankuje-mesege ke è ree’n a tɔ. Abel nga wei mari kuwe, nè takul kundekem̂ le’n á ɓila ndi à ɔdenan tam’n tà ɓai.

Jacques 3:18

Dooge ke dubi kem̂lom dann made dege’t nga a ingei kann nyanra ke ɔje dè nyanra ke se dè naje’n nga tɔ.

1 Pierre 3:15

Krist kuwe karé bere á è Kuwe-ɓee le si. Undei nin se ninn’n dè ɓengre si’t. Uwei dè nja ra si le kade nanan ke deje sei tà ɔje dè kundekem̂ tchên’t le si ɓaa, ɔri gir adi nin.

1 Pierre 3:2

D’a d’unde kem̂ de dè Nube’t takul nyanra ke maje ɔr ndàt ke d’an a, takul kule dè le si a tɔ.

1 Jean 4:10

E jèi á j’in-in se kem̂ jéi jè tári Nube kété lé, nè è Nube kuwe á tár jèi kété. Gir’n ke nè á è ule’n Ngonn’n ke nyankɔr kure majelége le jéi.

1 Jean 4:19

Jèi ɓaa, jè tári Nube tede è kuwe á tár jèi kété.