Jean 15:15 - Nouveau Testament en Gulay 2004

¹⁵ Ɗarinè man m’ɓar sei ngann njéndige gugu lé ta, tede ngonn njèndi nga ger nyanra kuwe’n lé. Man m’ɓar sei kotárge le’m tede nyan malang ke m’oo tà’n ra Bɔm’t nga, m’ribe se si dè m’ade i geri ɓá.

Jean 15:15 ပူးပေါင်းရင်းမြစ်များ

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Tà ke Maje ke Luc ndang 10:23

Loo ke dooge ke rang gotoi se njékuwe-girnge ɓaa, Jésu tel tur ra’n dè de’t ede de ede nè: – Doo ke kum’n an nyan ke sei an-in nè nga ɓaa, ra’n à nel’n.

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Jean 13:16

Kerɔte kuwe, man m’ede sei ndàt, ngonn njèndi à bòi dum dè kuwe’n lé a, ngonn njèkule à dum dè njèkule’n lé a tɔ.

Jean 15:20

Adi kêm si olé dè tà ke kété m’ede sei’t nga: «Ɓer bòi dum dè kuwe’n lé.» Ke nè á dooge rai kum’m ndoo ɓaa, sei géa à rai kum si ndoo tɔ. Ke nè á ei an-in dè tà le’m sêw-sêw ɓaa, sei géa à an-in dè tà le si sêw-sêw tɔ.

Jean 16:12

M’aw se tàge ngain le kede sei ɓai, nè ɗarinè sei asi taai lé.

Jean 17:26

M’ribe se de dè rii m’ade geri nin ɓá, nè né è bè géa m’a m’tel ribe se de dè rii kade geri nin njai. Titeke bè á tár ke i tár’m nga, à urkei kêm de’t tede kade man géa m’um’n se de nan’t bɔk a tɔ.

Jean 20:17

Jésu tel ede Marie ede nè: – Ɔde ra’m lé tede m’in m’aw ra Bɔm’t lé ɓai. Nè i ɓaa, i tel aw ede ngakonmge ede nè m’ndi m’aw ke ra Bɔ’m Nube’t. Bɔ’m Nube nga, è Bɔ si sei a, è Nube le si a tɔ.

Jean 4:19

Dinye nè nga tel ede Jésu ede nè: – Dingem, m’an titeke i njèribe-dè-tà ke tà Nube’t.

Jean 8:26

M’aw se tàge ngain ke ɔji dè si le tam a, m’aw se tàge ngain le gang dè si’t a tɔ. Nè njèkule’m nga tam ngarankum tà. Tàge ke m’oo tann’t á m’ede dooge ke dè nang nè.

Nyanra Njekawkulege 20:27

Kerɔte kuwe, m’ɓɔyɔ se si dè nyan karé bè lé, nè nyan malang ke Nube ɔje nga m’ede sei m’ade ooi mbak.

Nje Ke Rome 7:15

Nyan ke m’ndi m’ra nga, m’ger kuju’n lé. Nyan ke m’ndige le ra nga m’ra lé, nè nyan ke m’ɔr’n njêt tá m’ra.

1 Nje Ke Corinthe 2:16

Magtub ke tò se ninn’n tam ede nè: «Ké nan ger tàgir le Kuwe-ɓee wa? Ké nan ase ndó’n nyan wa? Nè jè ɓaa, j’aw se tàgir le Krist kuwe.

Nje Ke Galatie 4:6

Sei sei ngann kem̂ Nube kerɔte kuwe. Gir’n ke nè á Nube ule’n Ndil Ngonn’n ade ndii’n dè ɓengre jèi’t. Takul Ndil nè nga á jè tami tà se ndu jéi ke bòi j’edi nè: «Abba, Bɔ jé.»

Nje Ke Ephese 1:9

Nube ade jè geri nyan-maje ke tò loo ɓɔyɔn’t káráng. E uwe dè nja nyan ke tò loo ɓɔyɔn’t nga kété mari se go kem̂ndige le’n è kuwe.

Nje Ke Ephese 3:5

Nyan ke tò loo ɓɔyɔn’t nè nga, Nube ribe dè ade dooge ke kété mari gerii lé. Nè ɗarinè, è ribe dè se go Ndil’n ade njékawkulege se njéribe-dè-tàge ke tànn’t ke tooi se ninn de gai se go Ndil.

Nje Ke Colosses 1:26

Tà le Nube nga kété mari è nyan ke tò loo ɓɔyɔn’t tede le dooge ke ndi dè nang nè. Nè ɗarinè Nube ribe dè ade njé ke ei lennge.

Philemon 1:16

Tel ke i tel inge’n nga, maje kade an’n asenan se ɓer karè lé ta, nè è soo’t dum ɓer. Maje kade ɗarinè ɓaa i an’n ke kotár le’m man kuwe mbain. I géa, maje kade an’n ke kotár lei gir danra’t a, è kotár lei ke njètaakem̂-Krist madi.

Jacques 1:1

Man Jacques, ɓer kule le Nube se Kuwe-ɓee Jésu-Krist, m’ndang magtub nè m’ade girkàge le Israel ke dɔg-gidé-joo ke yali nan karé-karé m’ra’n de lapya.

Jacques 2:23

Tà ke dé ndang kem̂ Magtub’t d’ede nè: «Abraham unde kem̂’n dè Nube’t. Gir’n ke nè á Nube an’n ke doo ke tà ɔr dènn’t a, ɓar’n made’n a tɔ» nga, aw loon’t deĵ.

1 Pierre 1:11

Ndil Krist ndi kem̂ de’t ede tà nyankem̂konge ke ayé ra Krist se ndubra ke ayé kutu go nyankem̂kon nè nga kade ooi. Dé ter loo le ger ké ndɔ ke ra á nyan nè nga à tee wa? Njéribe-dè-tàge ke tà Nube’t teri loo le geri ké nyan nè nga à tee titeke bain wa?

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.

Lookilera’n 1:1

Nyange ke tooi loo ɓɔyɔn’t ke Nube ribe dè ade Jésu-Krist. Jésu-Krist ribe dè nyange ke tooi loo ɓɔyɔn’t nè nga ade ɓer kulege le’n. Nyange ke Nube ade Jésu-Krist ribe dè ade ɓer kulege le’n nga, gar-gar ei nyange ke à reei ngɔr kuwe. Jésu-Krist ule doo le’n ke danrán karé ade ree tɔje Jean ɓer le’n nyange nè nga.