Jean 15:14 - Nouveau Testament en Gulay 2004

¹⁴ Ke nè á i rai nyange ke m’unn ndu’m m’ade sei nga ɓaa, sei kotárge le’m kerɔte kuwe.

Jean 15:14 ပူးပေါင်းရင်းမြစ်များ

Matthieu 12:50

Nanan ke ra nyan ke kêm Bɔ’m ke danrán ndige ɓaa, è nè nga è tite ngokon’m ke dingem se kon nann’m se kon’m ke get a tɔ.

Tà ke Maje ke Luc ndang 12:4

Jésu ede de ede nè: – Sei ke sei mademge kerɔte nga, m’ede sei ndàt: Dooge ke asikum tɔli danra si nè go’t gugu asikum rai se si nyan ke rang lé nga, i ɓeli de lé.

Jean 13:17

Ɗarinè sei geri nyange nè nga ɓá. Ke nè á i rai de se ndɔ si-ndɔ si ɓaa, ra si à nel sei kuwe.

Jean 14:15

Ke nè á i tári man ɓaa, an-in dè ndukunnge le’m sêw-sêw.

Jean 14:21

Doo ke aw se ndukunnge le’m an dè de sêw-sêw ɓaa, è nè nga tár’m kerɔte. Nanan ke tár’m ɓaa, Bɔ’m à tár’n tɔ. Nanan ke tár’m ɓaa, man géa m’a m’tár’n a, m’a m’ɔrgir ra’m kade ger’m njai a tɔ.

Jean 14:28

M’a m’aw nè m’a m’tel ree ra si’t ɓai. Kété kuwe m’ede sei tà nè nga m’ade ooi ɓá. Ke nè á ndɔ ke i tári man ɓaa né a i rai ranel dè tel ke m’a m’tel kaw ra Bɔm’t nga, tede è bòi dum’m.

Jean 2:5

Kon Jesu ede ngann njéra kulege ede nè: – Nyan malang ke n’a n’deje sei nga i rai.

Jacques 2:23

Tà ke dé ndang kem̂ Magtub’t d’ede nè: «Abraham unde kem̂’n dè Nube’t. Gir’n ke nè á Nube an’n ke doo ke tà ɔr dènn’t a, ɓar’n made’n a tɔ» nga, aw loon’t deĵ.

1 Jean 5:3

Tár Nube nga ɔje dè kan dè ndukunnge le’n sêw-sêw. Ndukunnge le Nube nga doo asekum kan dè de sêw-sêw karè.