Jean 15:13 - Nouveau Testament en Gulay 2004

¹³ Kade doo karé inye ra’n ade yo tede le madennge nga, è tár ke gar’n goto.

Jean 15:13 ပူးပေါင်းရင်းမြစ်များ

Tà ke Maje ke Luc ndang 12:4

Jésu ede de ede nè: – Sei ke sei mademge kerɔte nga, m’ede sei ndàt: Dooge ke asikum tɔli danra si nè go’t gugu asikum rai se si nyan ke rang lé nga, i ɓeli de lé.

Jean 10:11

Man m’ee njèkul batege ke get. Njèkul batege ke get ile ra’n kɔke tede batege le’n.

Jean 10:15

Bɔ’m ger’m tede man géa m’ger’n a tɔ. Gir’n ke nè m’ile’n ra’m kɔke tede le batege le’m.

Jean 17:19

Man kuwe m’unn ra’m bere mbak m’adi tede le de. Titeke bè á dé kuwe géa, d’a k’ee’n lei se girson bere se go ngarankum tà.

Nje Ke Ephese 5:2

I njiyei se tár nan titeke Krist tár’n jèi á inye’n ra’n ade Nube tede le jéi è kuwe ke nyan kade noje se nyankuje-mese ke taa kum Nube.

1 Jean 3:16

Ɗarinè, jè geri ngarankum tár nan takul kinye ke Krist inye ra’n ade yo tede le jéi. Gir’n ‘ke nè á, jèi géa, gar-gar j’à kinyei ra jéi kadi yo tede le ngakon jéige tɔ.