Jean 15:11 - Nouveau Testament en Gulay 2004

¹¹ Man m’ede sei tàge nè nga tede kade ranel le’m ur’n kei kêm si’t a, tede kade dè ranel le si ɔr’n njêt a tɔ.

Jean 15:11 ပူးပေါင်းရင်းမြစ်များ

Tà ke Maje ke Luc ndang 15:23

Awi i reei se dalu-mang ke er lɔt-lɔt, i tɔlii adi j’usei a, j’ali ra jéi a tɔ.

Tà ke Maje ke Luc ndang 15:32

Gar-gar è tà le jé le kade j’ade dé ra mur tête tà ɓee kade j’ali ra jéi. Tede ngokoin ke nda nè nga man m’an’n ke doo ke wei ɓá, nè è tel tɔse ndel; man m’an’n ke doo ke ndem oso kɔke nè m’tel m’inge’n.»

Tà ke Maje ke Luc ndang 15:5

Loo ke è inge’n ɓá ɓaa, è à unn’n se ranel le sebe’n bagenn’t.

Tà ke Maje ke Luc ndang 15:9

Loo ke è inge nar ke oso kɔke nè ɓá ɓaa, è ɓar dinye madennge se njémade-tà-keige le’n ɔse nja de nan’t ede nè: «Ade jè rai ranel tede nar le’m karé ke tee dann madege’t oso kɔke nga, m’inge ɓá ta.»

Jean 16:24

Sár ɗarinè sei deji nyan karé bè se ri’m lé ɓai. I deji nyan ɓaa a ingei, titeke bè á dè ranel le si à ɔr’n njêt.

Jean 16:33

Man m’ede sei tàge nè nga titeke bè tede kade ingei kêmlom umi se’m nan’t bɔk. A ingei nyantosowur dè nang nè kuwe, nè oréi tà si njak tede man nga m’tête rɔ njé ke dè nang nè ɓá ta.

Jean 17:13

Ɓɔ’m ɗarinè m’ndi m’a m’aw ke rai’t nú. Nè m’tam tà nè titeke bè loo ke m’nain dè nang nè ɓai tede kade d’inge’n ranel le’m se girson’n bere mbak.

Jean 3:29

Doo ke dinye njè ngaw kige ɔje dè’n nga, è ngaw’n. Nè made njè taa dinye kige nda kɔtenn’t oo tà le’n. Ndu njè taa dinye kige ke made’n oo nga ade’n made’n ranel ngain. Man géa, m’ɔr son ranel le’m ɓila titeke bè tɔ.

Nje Ke Rome 15:13

Maje kade Nube ke j’undei kêm jéi tchên dènn’t ade sei ranel se kêmlom ke deri takul kêm si ke undei dènn’t nga. Titeke bè á kundekêm tchên le si à ra’n tɔge ke kété-kété se go tɔgmong le Ndil-Kêmnda.

2 Nje Ke Corinthe 1:24

Jè ndige kon sei njanm-njanm dè kundekêm’t le si nga lé. Nè jè ɓaa, jè njé ra se si kule dè ranel’t le si tede sei ndai njáng dè kundekêm’t le si nga ɓá.

Nje Ke Ephese 5:18

Adi yibe ule mbe dè si’t lé. Tede yibe aw se doo ke loo nyanra ke pás-pàs’t kade tuju. Nè adi Ndil tá taa kem̂ si pel-pel.

Nje Ke Philippes 1:25

M’ger kem̂’t mbak titeke m’a m’ndi se si, m’a m’ra ɓee se si malang dè nang nè mbɔr ɓai, tede le kade awi kum si ke kété-kété a, le kade ingei ranel dè kundekem̂’t le si a tɔ.

1 Nje Ke Thessalonique 5:16

I rai ranel se ndɔ si-ndɔ si.

1 Pierre 1:8

Jésu-Krist nga, sei an-in nin lé ɓai nè sei tári nin. Ɗarinè sei an-in nin lé ɓai nè sei undei kem̂i si dènn’t a tɔ. Gir’n ke nè á sei ndii dann bò ranel ke maje ɔr njêt’t.

1 Jean 1:4

Jè ndang tà nyange nè nga j’ade sei tede kade dè ranel le jéi ɔr’n njêt.

2 Jean 1:12

M’aw se nyange bule ngain le ndang kade sei. Nè m’ndige le ndang tà’n kem̂ magtub’t lé. Nè m’unde kem̂’m tchên le kaw ra si’t kɔje se si tà se tà’m njan-njan. Titeke bè á dè ranel le jéi à maje kɔr’n njêt.