Jean 14:9 - Nouveau Testament en Gulay 2004

⁹ Jésu tel ile Philippe dè’t ede nè: – Philippe, man ke m’ndi se si nan’t mari bere nè kuwe i ger’m lé ɓai wa? Doo ke an’m ɓaa, an Bɔ’m tɔ. A ɓaa, ké bain taɓai á i tam se’m ede nè: «I tɔje jè Bɔi wa?»

Jean 14:9 ပူးပေါင်းရင်းမြစ်များ

Marc 9:19

Jésu deje njékuwe-girnge ɓai ede nè: – Sei dooge ke i ndii dè nang nè ɗarinè nga, ké sei doo rige á kundekêm le si goto bè wa? Ké m’a ndi se si dè nang nè ndɔ kandang ɓita kundekêm le si à tò ɓai wa? Ké m’a kile kêm’m dè si’t nja kandang wa? I reei se ngonn nè nga ram’t laa.

Tà ke Maje ke Luc ndang 12:56

Sei njékede gosge, sei geri loo ter nyan ke nange ke dè nang nè se ke danrán a tɔ. Nè ké bain á sei mbati teri nyange ke teei ɗarinè nga wa?

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 10:30

Man se Bɔ’m jè karé.

Jean 12:45

Nanan ke ter’m maje ɓaa, è an njékule’m nga ɓá ta.

Jean 14:20

Kêm ndɔn’t nè ɓita a i geri titeke m’um nan’t bɔk se Bɔ’m a, sei umi nan’t bɔk se’m a, man géa m’um se si nan’t bɔk a tɔ.

Jean 14:7

Ke nè á i geri man ɓaa a i geri Bɔ’m tɔ. Unn gir ɗarinè sei geri nin ɓá a, sei an-in nin ɓá a tɔ.

Jean 8:19

Pharisienge teli deji Jésu edi nè: – Ké Bɔi nga è ra wa? Jésu tel ile de dè’t ede nè: – Sei geri man lé a, Bɔ’m géa i geri nin lé a tɔ. Ke nè á né i geri man ɓaa, ayé geri Bɔ’m nga tɔ.

1 Nje Ke Corinthe 15:12

J’ile mber j’ede nè: Krist unde loo tee dann njé ke koo’t ɓá. A ɓaa, ké bain á njé ke nange dann si’t tami edi nè: «Dooge à undei loo teei dann njé ke koo’t ndan lé» wa?

Nje Ke Philippes 2:6

Jésu-Krist nga è kum gute tà Nube kété mari ke desêin sàk-sàk. E uwe ra’n gan-gan ke njè kase nan se Nube lé.

Nje Ke Colosses 1:15

Krist Ngonn le Nube nga, è kum gute tà bɔ’n Nube ke doo asekum kan’n se kum’n lé. E ndi se Nube kété mari desêin sàk-sàk ɓita Nube unde nyange malang ɓai.

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.