Jean 14:4 - Nouveau Testament en Gulay 2004

⁴ Loo ke m’ndi m’aw ke tutu nga sei geri rebe’n mbak ɓá ta.

Jean 14:4 ပူးပေါင်းရင်းမြစ်များ

Tà ke Maje ke Luc ndang 24:26

Krist ke Nube ule’n nga, gar-gar nyantosowur à ra’n ɓita à ɔte kur kák kaw dann ndubra’t le’n ɓai. Ké sei geri bè lé wa?

Jean 10:9

Man nga m’ee tàbit kei rebe. Ke nè á doo ree se rebe ke ram’t ɓaa, d’a d’aje’n. Doo nè nga à aw kei a, à unde loo tee nata a tɔ. Taɓai doo nè nga à inge nyan kul ra’n a tɔ.

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Jean 13:3

Jésu ger titeke Bɔ’n um nyange malang jinn’t. E ger titeke in ra Bɔ’n Nube’t a, à tel kaw rann’t gugu a tɔ.

Jean 14:2

Kêm kei le Bɔ’m nga loo ndi tò tutu ngain. Ke nè á è titeke bè lé ɓaa, né m’a kede sei ndàt.

Jean 14:28

M’a m’aw nè m’a m’tel ree ra si’t ɓai. Kété kuwe m’ede sei tà nè nga m’ade ooi ɓá. Ke nè á ndɔ ke i tári man ɓaa né a i rai ranel dè tel ke m’a m’tel kaw ra Bɔm’t nga, tede è bòi dum’m.

Jean 14:3

M’a m’aw le gɔl loo ndi si. Loo ke m’aw m’gɔl loo ndi si gir gang ɓá ɓaa, m’a m’tel ree le koto si kàdem’t tede kade loo ke m’a m’ndi tutu ɓaa, sei géa a i ndii se’m nan’t tutu tɔ.

Jean 14:5

Thomas deje Jésu ede nè: – Kuwe-ɓee, jè ger loo ke i ndi a aw tutu nga lé. Ké j’ase ger rebe’n titeke bain wa?

Jean 16:28

Man m’in ra Bɔm’t nú á m’ree dè nang nè. Ɗarinè man m’inye nang nè le tel kaw ra Bɔm’t gugu.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.