Jean 14:27 - Nouveau Testament en Gulay 2004

²⁷ M’inye kêmlom le’m m’ade sei. M’a m’ade sei kêmlom le’m titeke dooge ke dè nang nè d’ade’n nga lé. Adi kêm si tò kekek lé a, adi kêm si tête mann lé a tɔ.

Jean 14:27 ပူးပေါင်းရင်းမြစ်များ

Matthieu 10:26

I ɓeli dooge nè nga ndan lé. Nyan karé ke tò loo ɓɔyɔn’t ɗarinè ke d’a nal tee se gir’n ke nata goto a, nyan karé ke tò loo ngeinn’t ɗarinè ke d’a nal kuje gir’n ke nata ndát-ndát goto a tɔ.

Tà ke Maje ke Luc ndang 1:79

Lookar nè nga à ndogó dè njé ke ndii dann tilkus’t se njé ke ndii tà yo’t. Lookar nè nga à ɔr non jéi dè rebe ndi se kêmlom dann nan’t a tɔ.

Tà ke Maje ke Luc ndang 10:5

Kêm kei ke rara ke a awi tutu nga, edi dooge ke kêm kei nè titeke bè kété edi nè: «Maje kade ndutɔr nain se si.»

Tà ke Maje ke Luc ndang 12:4

Jésu ede de ede nè: – Sei ke sei mademge kerɔte nga, m’ede sei ndàt: Dooge ke asikum tɔli danra si nè go’t gugu asikum rai se si nyan ke rang lé nga, i ɓeli de lé.

Tà ke Maje ke Luc ndang 2:14

– Maje kade dooge ulei ndubra dè Nube ke njèndi sêm danran’t. Maje kade kêmlom le Nube nain se dooge ke taai kêm’n dè nang nè a tɔ.

Jean 14:1

Jésu ede njékuwe-girnge ede nè: – Adi kêm si olé bɔt-bɔt lé. Undei kêm si dè Nube’t a, undei kêm si dè’m man’t a tɔ.

Jean 16:33

Man m’ede sei tàge nè nga titeke bè tede kade ingei kêmlom umi se’m nan’t bɔk. A ingei nyantosowur dè nang nè kuwe, nè oréi tà si njak tede man nga m’tête rɔ njé ke dè nang nè ɓá ta.

Jean 20:19

Loo sɔlé kêm ndɔ ke njè kutu go ndɔ taa kebe, loo ke ndɔ il ɓá ɓaa, njékuwe-gir-Jésuge kebi nan kêm kei uti tà rebe dè de’t kák-kák tede ɓeli Juipge. Jésu tee hɔi, nda dann de’t ede de ede nè: – Maje kade kêmlom nain se si.

Jean 20:21

Jésu tel ede de ede nè: – Maje kade kêmlom nain se si. Ɗarinè, man géa m’ule sei titeke kété Bɔ’m ule’m nga tɔ.

Jean 20:26

Ndɔ sɔsɔ gugu ɓai, njékuwe-gir-Jésuge teli kebi nan kêm kei karé’t. Ei uti tà rebege dè de’t kák-kák. Thomas è se de nan’t kêm ndɔn’t nè nga. Nè né è bè géa, Jésu tee hɔi, nda dann de’t ede de ede nè: – Maje kade kêmlom nain se si.

Nyanra Njekawkulege 10:36

Jésu-Krist nga, è Kuwe-ɓee le Juipge se dooge ke rang malang. E è kuwe á ndɔ ke Nube ule’n ra kosdooge ke Israel ade ile mber Tà ke Maje le kêmlom ade de.

Nyanra Njekawkulege 18:9

Ndɔ karé bè, Kuwe-ɓee ede Paul dann ndɔɔ se nyanpinde ede nè: – I tam tà kumi ke kété-kété m i ɓel lé!

Nje Ke Rome 1:7

Sei malang ke kêm ɓee-bò ke Rome nga Nube tár sei á ɓar sei kade sei dooge le’n ke i tooi se ninn si. Maje kade Bɔ jéi Nube se Kuwe-ɓee Jésu-Krist adi sei kêmnoje se kêmlom.

Nje Ke Rome 15:13

Maje kade Nube ke j’undei kêm jéi tchên dènn’t ade sei ranel se kêmlom ke deri takul kêm si ke undei dènn’t nga. Titeke bè á kundekêm tchên le si à ra’n tɔge ke kété-kété se go tɔgmong le Ndil-Kêmnda.

Nje Ke Rome 5:1

Oiyo, Nube ɔr tà dè jéi’t se go kundekêm le jéi. Gir’n ke nè á jè ndii se’n se kêmlom ɗarinè takul Kuwe-ɓee le jéi Jésu-Krist.

Nje Ke Rome 5:10

Kerɔte kuwe, kété jéi njébange le Nube. Nè ɗarinè, Nube um jéi nan’t se’n takul kwei le Ngonn’n. Ke nè á j’um nan’t se Nube ɓá ɓaa, Nube à aje jéi takul ndikumgajer le Ngonn’n nga tɔ.

Nje Ke Rome 8:6

Ke nè á danra á è njèkɔr non tàgir le doo ɓaa à aw se’n kile’n tà yo’t. Ke nè á Ndil-Kêmnda á è njèkɔr non tàgir le doo ɓaa à aw se doo loo ndi kumgajer’t se kêmlom.

1 Nje Ke Corinthe 1:3

Maje kade Bɔ jéi Nube a, Kuwe-ɓee le jéi Jésu-Krist adi sei kêmnoje se kêmlom.

Nje Ke Galatie 1:3

Maje kade kem̂noje se kem̂lom ke in ra Bɔ jéi Nube’t se ra Kuwe-ɓee’t le jéi Jésu-Krist nain se si.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Galatie 6:16

Dooge ke njiyei se go tà ke m’ndó sei nè nga têr-têr ɓaa, maje kade kem̂lom se kem̂kanm nain se de. Maje kade kem̂lom se kem̂kanm nain se kosdooge le Nube malang.

Nje Ke Philippes 4:7

Kem̂lom le Nube ke dum dè tàgir malang à an-in ngang tàgirge le si ke dè ɓengre si’t sei malang ke umi nan’t bɔk se Jésu Krist.

Nje Ke Colosses 1:2

jè ndang magtub nè j’ade sei ngakon jé ke njétaakem̂-Kristge ke tooi se ninn de ke i ndii kem̂ ɓee-bò ke Colosses. Maje kade kem̂-maje se kem̂lom ke in ra Bɔ jéi Nube’t nain se si.

Nje Ke Colosses 1:20

Takul Krist á nyange malang ke danrán se ke dè nang nè umi nan’t se Nube. Nube unde gir kem̂lom takul mese Ngonn’n Krist ke ndɔ ke tò se ninn’n.

Nje Ke Colosses 3:15

Maje kade kem̂lom le Krist on ɓee dè ɓengre si’t. Sei nga, Nube ɓar sei le kade kem̂ si tò lom a, le kade sei danra ke karé bere a tɔ. Adi kem̂ si olé dè kem̂-maje’t le Nube, i rai nin oiyo se ndɔge malang.

2 Nje Ke Thessalonique 1:2

Maje kade Bɔ jéi Nube se Kuwe-ɓee le jéi Jésu-Krist adi sei kem̂-maje se kem̂lom.

2 Nje Ke Thessalonique 3:16

Maje kade è Kuwe-ɓee ke njè kem̂lom kuwe ade sei kem̂lom se ndɔge malang se loo malang. Maje kade Kuwe-ɓee nain se si malang.

2 Timothee 1:7

Ndil-Kem̂nda ke Nube ade jèi nga, è tede kade jèi njé ɓelge lé. Nè è Ndil ke ade jèi tɔgmong se tár nan a, se kumkunju a tɔ.

Hebreuge 13:20

Nube ke njè kade jèi kem̂lom, è ade Kuwe-ɓee le jéi Jésu unde loo tee dann njé ke koo’t. Nube ɔr’n unde’n ke maw njèkul batege. Jésu unde gir mann-ra ke à tò sár se non se mese’n è kuwe.

Hebreuge 7:2

Nyan malang ke Abraham in’n loo rɔ’t nga, ke nè á è dɔg ɓaa è ɔr tà karé-karé ade Melkisédec. Melkisédec nga tel se tà koje jéi è «ngar ke njè ra nyan se dè naje’n». Melkisédec è ngar ke kem̂ ɓee ke Salem. Salem nga, kɔr gir’n se tà koje jéi ɓaa è «ngar ke njè kade dooge kem̂lom».

Lookilera’n 1:4

Man Jean, m’ndang magtub m’ade njékebe nange le Nube ke gir ji sejimute ke ndii kem̂ ɓeekon ke Asie. Maje kade Nube ade sei kem̂noje se kem̂lom. E nga ndi tutu kété mari sár ɗarinè. E ndi à ree sei non a tɔ. Maje kade ndilge ke ji sejimute ke ndai non kutu-ngar’t le Nube adi sei kem̂noje se kem̂lom.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»