Jean 14:26 - Nouveau Testament en Gulay 2004

²⁶ Ndil-Kêmnda ke njè ra se si ke Bɔ’m à ule’n se ri’m nga à ndó sei nyange malang a, à olé kêm si dè nyange malang ke m’ede sei ɓá nga a tɔ.

Jean 14:26 ပူးပေါင်းရင်းမြစ်များ

Matthieu 1:18

Koje Jésu-Krist nga è titeke bè. Kon’n Marie nga, è njènong le Joseph. Marie ndann ngonn se go tɔgmong le Ndil-Kêmnda kété ɓita dé se Joseph dé ger nan ke dinye se dingem ɓai.

Matthieu 1:20

Nè loo ke Joseph ndi à gir tà dè nyan’t nè nga bè ɓai ɓaa, an! doo ke danran ke Kuwe-ɓee ule’n tee dènn’t pan ede’n tà se nin ede nè: – Joseph, ngonn David, i ɓel le taa Marie ke neein lé, tede ngonn ke tò kêmn’t nga in ra Ndil-Kêmnda’t.

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Marc 12:36

E David nga géa, Ndil-Kêmnda ɔse’n balang-balang ade tam ede nè: «Nube ede Kuwe-ɓee le’m ede nè: I ndi dè jikonm’t sár le kade m’ade njébange lei teli nyan-sure-nja kum lei.»

Marc 13:11

Loo ke d’ade tuwe sei kaw se si non njékonɓeege’t le kade gangi tà dè si’t ɓaa, adi kêm si tò kekek dè tà ke a i tami nga lé. Nube kuwe à ule tà ke a i tami tà si’t kêm ndɔn’t nè nga. E Ndil-Kêmnda á à ule tà tà si’t kade i tami.

Tà ke Maje ke Luc ndang 1:15

Tede à è doo ke bò tàkum Kuwe-ɓee’t. E à kain yibe nduu ke ate éké yibe ke ate karé ke rang lé a tɔ. Loo ke è nain kêm konn’t ɓai kuwe Ndil-Kêmnda taa kêm’n pel-pel.

Tà ke Maje ke Luc ndang 1:35

Doo ke danran nè nga ile Marie dè’t ede nè: – Ndil-Kêmnda à ra kule rai’t a, tɔgmong le Nube Njèdum dè nyange malang à sebe dèi’t titeke ndil oso’n dè doo’t bè. Gir’n ke nè á, ngonn ke tò se ninn’n ke a oje’n nga d’a ɓar’n Ngonn Nube.

Tà ke Maje ke Luc ndang 1:41

Loo ke Elisabeth oo ndu Marie ke ra’n lapya ɓaa, ngonn ke kêmn’t unn gir tɔse’n gùl-gùl. Ke loon’t nè kuwe Ndil-Kêmnda taa kêm Elisabeth pel-pel.

Tà ke Maje ke Luc ndang 1:67

Ndil-Kêmnda taa kêm Zacharie bɔ ngonn nè nga pel-pel ade ɔr’n gir nyan ke Nube tɔje’n ede nè:

Tà ke Maje ke Luc ndang 11:13

Sei ke njékêmyêrge gé ɓai á i geri kade nyange ke maje ngannge nè a, ké bɔ jéi ke ndi danrán à asekum kade Ndil-Kêmnda njé ke dejii lé wa?

Tà ke Maje ke Luc ndang 2:25

Dingem karé bè, ri’n nè Siméon, è ndi kêm ɓee-bò ke Jérusalem. Dingem nè nga, è njè ra nyan se dè naje’n tàkum Nube’t a, è njè kile koje dènn’t a tɔ. E ndi ngine è ke njèkaje ngannkà Israel nga tchên. Ndil-Kêmnda nain se Siméon.

Tà ke Maje ke Luc ndang 24:49

Nyan ke Bɔ’m unn’n ndu’n ade sei nga, an-in! man kuwe m’a m’ule’n kade sei. Nè sei ɓaa, i ndii kêm ɓee-bò’t nè kuwe sár kade ingei tɔgmong ke à in ra Nube’t ɓita.

Tà ke Maje ke Luc ndang 3:22

Ndil-Kêmnda ree uwe dènn’t ade d’an tò asenan se der-nda bè. Ndu Nube ɓar danrán nú ede nè: – I nga i ngonn’m ke m’tári ngain. Ra’m nel’m dè kɔr ke m’ɔri’t nga ngain a tɔ.

Jean 1:33

Man m’ger’n kété lé ɓai, nè è ke njèkule’m kade m’ule dooge manné njonm nga ede’m ede nè: «E ke Ndil à in dɔ le ree ndi dènn’t nga á è njèkɔr dooge kunde de se ninn’n gai takul Ndil-Kêmnda.»

Jean 12:16

Nyan ke Jésu ra nè nga, njékuwe-girnge geri gir ke loon’t nè lé ɓai. Nè ndɔ ke d’ule ndubra dènn’t pa ɓita kêm de à olé dè’t titeke tà nè nga dé ndang d’ɔje’n dè’n. Unn gir kêm ndɔn’t nè nga ɓita njèkuwe-gir-Jésuge geri titeke nyange ke dooge rai se’n nga awi nan’t deĵ se tà ke dé ndang d’ɔje’n dè’n ɓai.

Jean 14:16

Man m’deje Bɔ’m le kade ade sei njè ra se si ke rang. E nè nga à nain se si sár se non.

Jean 14:25

Man m’ede sei tàge nè nga loo ke m’ndii’n se si ɓai.

Jean 15:26

Ndil-Kêmnda le ngarankum tà ke à in ra Bɔm’t nga, à è njè ra se si. Loo ke m’a m’ule’n kade ree ɓaa, è kuwe à è njèkɔrgo tà le’m.

Jean 16:7

Nè né è bè géa, man m’ede sei ngarankum tà: Kaw’m è soo’t tede le si. Ke nè á m’aw lé ɓaa, njè ra se si nga à ree ra si’t lé. Nè ke nè á m’aw ɓaa, m’a m’ule’n kade ree inge sei.

Jean 2:22

Ndɔ ke rang Nube à ade Jésu à unde loo tee dann njé ke koo’t. Ndɔ’n nè ɓita kêm njékuwe-girnge à olé dè tà ke ndɔ ke ede de kété. Gir’n ke nè á umi kêm de dè tà ke tò kêm magtub’t ke tò se ninn’n a, dè tà ke ndɔ ke kété Jésu tam a tɔ.

Jean 20:22

Loo ke è tam tà nè nga titeke bè ɓá ɓaa, è tó kebe dè de’t puu ede nè: – I taai Ndil-Kêmnda!

Jean 6:45

Njéribe-dè tàge ke tà Nube’t ndangi tà kêm Magtub’t le’n edi nè: «Nube kuwe á è njèndó dooge malang nyan.» Doo ke rara ke ur mbi’n oo’n tà le Bɔ’m a, inyei ra’n ade ndó’n nyan a tɔ ɓaa, doo nè nga à ree ram’t.

Jean 7:39

E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.

Nyanra Njekawkulege 1:2

sár tee’n kêm ndɔ ke Nube unn’n aw’n se’n danrán. Jésu unn ndu’n se go tɔgmong le Ndil-Kêmnda ade njékawkulege ke è tɔr de unde de se ninn de.

Nyanra Njekawkulege 1:4

Ndɔ karé bè, Jésu ndi se de nan’t tà nyankuse’t, è unn ndu’n ade de le kade d’inye ɓee-bò ke Jérusalem d’aw rang lé. E ede de ede nè: – I ndii Jérusalem nè kuwe i nginei ndukunn le Bɔ’m ke ndɔ ke m’ede sei tà’n kété nga.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 11:16

E á kêm olé’n dè tà ke ndɔ ke Kuwe-ɓee tam ede nè: « Ndɔ ke Jean ule dooge manné njonm, nè sei ɓaa d’a d’ɔr sei kunde sei se ninn si se Ndil-Kêmnda.»

Nyanra Njekawkulege 13:2

Ndɔ karé bè, d’ɔge kêm de ɓo a, d’an-in mann lé a tɔ. Loo ke dé ndi d’a d’ɔje tà se Nube ɓaa, Ndil-Kêmnda ede de ede nè: – Ɔri Barnabas se Saul undei de se ninn de adi man ɔje dè kule ke m’ɓar de tede nga.

Nyanra Njekawkulege 13:4

Ndil-Kêmnda ule Barnabas se Saul ade awi kêm ɓee-bò ke Séleucie. Taɓai ei ndai ke loon’t nè ali kêm bato’t awi kum de ke Chypre.

Nyanra Njekawkulege 15:28

Ndil-Kêmnda ɔr non jé ade j’an titeke è soo’t le kunde nyankoto ke wɔi ke rang dè si’t lé ta. Nè nyange ke j’à j’ede sei nè kuwe á i rai ɓaa, ase bè.

Nyanra Njekawkulege 15:8

Nube ke njè ger ngarankêm dooge tɔje titeke uwe njé ke ei Juipge lé ke rann’t. Gir’n ke nè á è ade’n de Ndil-Kêmnda titeke ndɔ ke kété ade’n jéi nga tɔ.

Nyanra Njekawkulege 16:6

Paul se Silas undei kêm ɓeekonge ke Phrygie se Galatie gangi se nja de dɔ tede Ndil-Kêmnda ɔge de kile mber tà le Nube kêm ɓeekon ke Asie.

Nyanra Njekawkulege 2:33

Nube unn ndu’n kété mari ede nè n’a n’ule se Ndil-Kêmnda kade dooge. Loo ke è unn Ngonn’n Krist mbeng ade aw ndi dɔ dè jikon’t ɓá ɓaa, è ade’n Ndil-Kêmnda nga. Taɓai Krist in ke kété ule se Ndil-Kêmnda nga ade yal nan dè jéi’t karé-karé malang. E nè nga, è nyan ke sei an-in se kum si a, ooi tà’n se mbi si ɗarinè ɓá ta.

Nyanra Njekawkulege 2:4

Dé malang, Ndil-Kêmnda taa kêm de pel-pel ade d’unn gir tam tà tam dooge ke rang gai-gai se go tà ke Ndil ade de le kade dé tam.

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Nyanra Njekawkulege 20:35

M’ndó sei titeke bè ɔje dè nyan malang, kade ulei ra si ndibe loo ra kule’t gar-gar tede le ra’n se njétɔg gotoge. Adi kêm si olé dè tàge’t ke Kuwe-ɓee Jésu kuwe tam ede nè: «Kunn nyan kade è ranel ngain dum taa nyan.»

Nyanra Njekawkulege 28:25

Dé naje nan tà ngain ade ndu de um nan’t lé. Loo ke d’ade gang nan ɓaa, Paul ede de tà karé bere ede nè: – Tà ke ndɔ ke Ndil-Kêmnda ade Esaie, njèribe-dè-tà ke tà Nube’t ede kà sige nga aw loon’t deĵ.

Nyanra Njekawkulege 5:3

Nè Pierre deje Ananias ede nè: – Ananias ke bain á inye loo ade Sú tà loo ke dè ɓengrei’t ɔge wa? I ede Ndil-Kêmnda tà lanm, tede ɔr’n tà nar loo lei ndêin bè tá i ree’n.

Nyanra Njekawkulege 7:51

Etienne tam tà se njégangtàge ede nè: – Sei njé dum nange se njékêmnderge se njé mbi koo tà lége. Sei teli sei njé kile rɔ kade Ndil-Kêmnda tite kà sige kuwe ɓai-ɓai.

Nyanra Njekawkulege 7:55

Nè Etienne nga Ndil-Kêmnda taa kêm’n pel-pel. E an loo ke danran sêw-sêw ɓaa, an ndubra le Nube. Taɓai è an Jésu nda se nja’n dɔ dè jikon Nube’t.

Nje Ke Rome 14:17

Kerɔte kuwe, konɓee le Nube nga tò tede nyankuse éké nyankain lé. Konɓee le Nube nga tò ɔje dè nyanra ke se dè naje’n a, se kêmlom a, se ranel ke Ndil-Kêmnda ade jèi.

Nje Ke Rome 15:13

Maje kade Nube ke j’undei kêm jéi tchên dènn’t ade sei ranel se kêmlom ke deri takul kêm si ke undei dènn’t nga. Titeke bè á kundekêm tchên le si à ra’n tɔge ke kété-kété se go tɔgmong le Ndil-Kêmnda.

Nje Ke Rome 15:16

Nube tel’m ke ngonn njèkule le Jésu-Krist tede le dooge ke ei Juipge lé. Nube ɔr’m unde’m se ninn’n tede kade m’ile mber Tà ke Maje le’n m’ade dooge ke ei Juipge lé. Titeke bè á Ndil-Kêmnda à ɔr’n njé ke ei Juipge lé kunde’n de se ninn de kade taai kum Nube.

Nje Ke Rome 5:5

kundekêm tchên nga á ile rasɔl dè jéi’t lé, tede Nube tár jéi ade Ndil-Kêmnda ree urkei kêm ɓengre jéi’t.

1 Nje Ke Corinthe 12:3

Gir’n ke nè á man m’ede sei ndàt: ke nè á doo tam ede nè Jésu è doo ke majelé ɓaa, è Ndil-Kêmnda á ule tà nè tànn’t ade tam lé. Ke nè á doo tam ede nè Jésu è Kuwe-ɓee ɓaa, è Ndil-Kêmnda á ule tà nè tànn’t ade tam bè.

1 Nje Ke Corinthe 6:19

Nube ade sei Ndil-Kêmnda ade ndi kêm si’t ɗarinè. Danra si è gile kei ndi ke tò se ninn’n le Ndil-Kêmnda. Ké sei geri titeke bè lé wa? Bè ɓaa, sei sei kuwe ra si lé,

2 Nje Ke Corinthe 6:6

Jè tɔje ra jé j’ade dooge an-in jè ke njémade kulege le Nube se go kêmnda a, se go nyanger a, se go korè tà njak a, se kêm-maje a, se go Ndil-Kêmnda a, se go tár nan se kêmnda káng le jé a tɔ.

Nje Ke Ephese 1:13

Takul Krist á sei géa ooi ngarankum tà, ke è Tà ke Maje ke aje sei. Takul kundekem̂ ke sei undei kem̂ si dè Krist’t á Nube unde’n nyankorji le’n ke è Ndil-Kem̂nda ra si’t, titeke ndɔ ke è unn’n ndu’n kété mari ade sei nga.

Nje Ke Ephese 1:17

Man m’ra titeke bè le kade Nube le Kuwe-ɓee le jéi Jésu-Krist, è Bɔ jéi ke ndubra è le’n ade sei kumkunju le Ndil. Titeke bè á kum si à gang’n dè Nube’t le kade i geri nin njai-njai.

Nje Ke Ephese 4:30

I rai kum Ndil-Kem̂nda ndoo lé. Nube ɔr sei unde sei se ninn’n ke kosdooge le’n takul Ndil-Kem̂nda. E nyankorji ke Nube uje ra si’t le tɔje’n sei titeke à ɔr sei dann kaiyage’t le si njing se non ndɔ ke rang.

1 Nje Ke Thessalonique 4:8

Gir’n ke nè á doo ke ute tàge nè nga mbeng ɓaa, è dooge á ute de mbeng lé. Nè è Nube ke njè kade sei Ndil-Kem̂nda le’n kuwe á ute’n mbeng.

2 Timothee 1:14

Nyan ke maje ke d’um jii’t nga, an dè sêw-sêw se go tɔgmong le Ndil-Kem̂nda ke ndi kem̂ jéi’t.

Tite 3:5

Nube aje jèi tede nyanra jé ke se dè naje’n ke ndɔ ke jè ra nga lé. Nè è aje jè se go kem̂kanm le’n. E tel jè ke dooge ke koje kige se koje ke Ndil-Kem̂nda tel oje jè rang.

Hebreuge 10:15

Ndil-Kem̂nda géa ede jèi tà nè nga titeke bè tɔ. E tam tà nè kété ke desêin ede nè:

Hebreuge 2:4

Nube kuwe géa ra nyan-tɔjege se nyange ke dum kum a, se nyankɔbege gai-gai le kade njékɔrgo tàge an-in tà tam de ke ngarankum tà le’n è Nube kuwe. Taɓai, Nube kai nyan-nojege le Ndil-Kem̂nda se go kem̂ndige le’n è kuwe.

Hebreuge 3:7

Gir’n ke nè á Ndil-Kem̂nda tam’n ede nè: «Ke nè á ɓila ooi ndu Nube ɓaa,

Hebreuge 9:8

Ke nè á kem̂ kei kubu ke desêin ke dé ɓar’n loo ke tò se ninn’n nè nga goto lé ɓai ɓaa, Ndil-kem̂nda tɔje jèi ade jè geri titeke tà rebe kaw gile kei ke tò se ninn’n gai’t nga tò se kutu’n bere ɓai.

1 Pierre 1:12

Nyange ke njéribe-dè-tàge ke tà Nube’t ribei dè kété nga, Nube tee se gir ade geri titeke nyange ke è ade dé ribe dè nga ɔje dè de lé, nè ɔje dè si sei. Nyange ke njéribe-dè-tàge ke tà Nube’t ribei dè kété mari nga, ɗarinè njékile mber Tà ke Majege ilei mber’n adi sei se go Ndil-Kem̂nda ke d’ule’n danrán d’ade de. Dooge ke danrán kuwe géa, ngur ter nyange nè nga ra de pênn-pênn.

2 Pierre 1:21

Oiyo, tà ke in tà Nube’t nga è se go kem̂ndige le doo karé ndan lé. Nè Ndil-Kem̂nda á ɔse dooge balang-balang ade ilei mber tà ke in tà Nube’t.

1 Jean 2:20

Nè sei ɓaa, sei dooge ke è Krist kuwe ndum wubu dè si’t unde sei gai. Gir’n ke nè á sei malang i geri Nube ke get.

1 Jean 2:27

Nè sei ɓaa, wubu ke Krist ndum dè si’t nga nain ra si’t ɓai. Gir’n ke nè á sei awi ndoo kade doo karé ndó sei nyange lé ta. Nè Ndil-Kem̂nda le’n ke ade sei nga ndó sei nyange malang. Nyange ke Ndil-Kem̂nda ndó sei nga, ei nyange ke kerɔte m ei tàge ke lanm lé. Bè ɓaa, umi nan’t bɔk se Krist titeke Ndil-Kem̂nda ndó’n sei nga.

1 Jean 5:7

Njékɔrgo tàge nè nga ei mute.

Jude 1:20

Nè sei kotárge le’m ɓaa, sei kuwe ulei dingem kem̂ nan’t, awi kum si ke kété dè kundekem̂’t le si ke tò se ninn’n nga. Ɔji tà se Nube se go Ndil-Kem̂nda.

Lookilera’n 2:11

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, yo ke njèkon’t joo à ra kum de ndoo ndan lé.»