Jean 14:23 - Nouveau Testament en Gulay 2004

²³ E Jude á deje tà nè m è Judas Iskariot lé. Jésu ile’n dè’t ede nè: – Ke nè á doo karé tár’m ɓaa à an dè tà le’m sêw-sêw a, Bɔ’m à tár’n ngain a tɔ. Jè se Bɔ’m j’à ree rann’t le kur kei le jé kêmn’t a tɔ.

Jean 14:23 ပူးပေါင်းရင်းမြစ်များ

Jean 10:30

Man se Bɔ’m jè karé.

Jean 14:15

Ke nè á i tári man ɓaa, an-in dè ndukunnge le’m sêw-sêw.

Jean 14:17

Njè ra se si ke rang nga è Ndil ke get ke dooge ke dè nang nè asikum kuweii ke ra de’t lé. D’ase kuwe’n ke ra de’t lé tede d’an’n lé a, dé ger’n lé a tɔ. Nè sei ɓaa, i gerii tede è ra ɓee se si a, ndi kêm si’t a tɔ.

Jean 14:21

Doo ke aw se ndukunnge le’m an dè de sêw-sêw ɓaa, è nè nga tár’m kerɔte. Nanan ke tár’m ɓaa, Bɔ’m à tár’n tɔ. Nanan ke tár’m ɓaa, man géa m’a m’tár’n a, m’a m’ɔrgir ra’m kade ger’m njai a tɔ.

Jean 14:24

Doo ke tár’m lé nga an dè tà le’m sêw-sêw lé. Tà ke sei ooi nè nga in ra’m man’t lé, nè in ra Bɔ’m ke njèkulem’t nga kuwe.

Jean 15:10

Man m’an dè ndukunnge le Bɔ’m sêw-sêw á m’nain’n dann tár’t le’n. Sei géa, ke nè á an-in dè ndukunnge sêw-sêw ɓaa, a i nain-in dann tár’t le’m tɔ.

Jean 16:27

Bɔ’m kuwe tár sei tede sei géa i tári man tɔ. Umi kêm si dèm’t titeke man m’in ra Nube’t.

Jean 6:56

Doo ke use danra’m a, an-in mese’m a tɔ ɓaa, um se’m nan’t bɔk a, man géa m’um se’n nan’t bɔk a tɔ.

Jean 8:51

Kerɔte kuwe, man m’ede sei ndàt, ke nè á doo karé an dè tà le’m sêw-sêw ɓaa, à wei ndan lé.

Jean 8:52

Juipge edi Jésu edi nè: – Ɗarinè jè ger titeke kumen tò kêmi’t kerɔte kuwe. Abraham wei ɓá, njéribe-dè-tàge ke tà Nube’t géa weii ɓá a tɔ. Nè i ɓaa i tam ede nè: «Ke nè á doo karé an dè tà le’m sêw-sêw ɓaa, yo à tɔl’n ndan lé.»

2 Nje Ke Corinthe 6:16

Ké gile kei ke tò se ninn’n le Nube se kei mage polége à umi nan’t titeke bain wa? Jèi jèi gile kei ke tò se ninn’n le Nube ke Njèndi kumgajer. Nube kuwe tam ede nè: «M’a m’ndi dann de’t a, m’a m’ringe dann de’t a tɔ. M’a m’ee Nube le de, dé géa d’a dé kosdooge le’m a tɔ.»

Nje Ke Ephese 3:17

M’deje Nube le kade ade Krist urkei dè ɓengre si’t takul kem̂ si ke undei dènn’t. Man m’deje Nube le kade ade ulei ngire si nang janm-janm dè tár ke Krist tár jèi’t nga.

1 Jean 2:24

Nè sei ɓaa, tà ke ndɔ ke ooi kété mari ke desêin nga, adi urkei kem̂ si’t. Ke nè á tà nè urkei kem̂ si’t ɓaa, sei umi nan’t bɔk se Krist a, se Bɔ’n Nube a tɔ.

1 Jean 2:5

Nè doo ke an dè tà le Nube sêw-sêw ɓaa, è tár Nube kerɔte kuwe. Titeke bè á j’à geri titeke j’umi nan’t bɔk se’n.

1 Jean 4:4

Ngannemge, sei têti rɔ njétête tà kunde tà Nube’t tede k’ee ke sei lennge a, tede Ndil le’n ke ndi kem̂ si’t a tɔ. Ndil Nube ke ndi kem̂ si’t nga á tɔg’n dum dè le njè kem̂ majelé ke ndi kem̂ dooge ke dè nang nè.

1 Jean 5:3

Tár Nube nga ɔje dè kan dè ndukunnge le’n sêw-sêw. Ndukunnge le Nube nga doo asekum kan dè de sêw-sêw karè.

2 Jean 1:6

Ke nè á jè tári Nube kerɔte ɓaa, ade jè tári nan. E ke nè á è ndukunn le Nube ke ndɔ ke j’ede sei tà’n.

Lookilera’n 21:22

M’an kei ke tò se ninn’n le Nube kem̂ ɓee-bò’t nè nga lé, tede Nube ke njè tɔgmong a, Ngonn Bate a tɔ nga kuwe á ei kei ke tò se ninn’n le Nube.

Lookilera’n 21:3

M’oo ndu doo ɓar beng se ke dè kutu-ngar’t ede nè: «An! kei kubu le Nube nga è dann dooge’t! Nube à ra ɓee se dooge a, d’a dé kosdooge le’n a tɔ. E Nube kuwe á nain se de a, à è Nube le de kuwe a tɔ.

Lookilera’n 22:3

Nyan karé bè ke à ade Nube à gangtà dè dooge ke kem̂ ɓee-bò’t nè nga goto ta. Kutu-ngar le Nube se le Ngonn bate à tò kem̂ ɓee-bò’t nè nga. Ɓer kulege le Nube à ɗɔyi nin.