Jean 14:21 - Nouveau Testament en Gulay 2004

²¹ Doo ke aw se ndukunnge le’m an dè de sêw-sêw ɓaa, è nè nga tár’m kerɔte. Nanan ke tár’m ɓaa, Bɔ’m à tár’n tɔ. Nanan ke tár’m ɓaa, man géa m’a m’tár’n a, m’a m’ɔrgir ra’m kade ger’m njai a tɔ.

Jean 14:21 ပူးပေါင်းရင်းမြစ်များ

Tà ke Maje ke Luc ndang 11:28

Nè Jésu ile’n dè’t ede nè: – Nè dooge ke ra de à nel de ke get-get nga, è njé ke ooi tà le Nube a, an-in dè sêw-sêw a tɔ.

Jean 14:15

Ke nè á i tári man ɓaa, an-in dè ndukunnge le’m sêw-sêw.

Jean 14:18

M’a m’inye sei se kar si tite ngann halge lé, nè m’a m’tel ree ra si’t ɓai.

Jean 15:14

Ke nè á i rai nyange ke m’unn ndu’m m’ade sei nga ɓaa, sei kotárge le’m kerɔte kuwe.

Jean 16:14

E nè nga à ule ndubra dèm’t tede à taa tàge le’m kaw’n kede sei.

Jean 16:27

Bɔ’m kuwe tár sei tede sei géa i tári man tɔ. Umi kêm si dèm’t titeke man m’in ra Nube’t.

Jean 17:23

Man m’um se de nan’t bɔk titeke i um’n se’m nan’t bɔk bè tɔ tede kade dé malang d’um nan’t bɔk-bɔk. Titeke bè á dooge ke dè nang nè à geri titeke è i kuwe á ule’m. Maje kade njé ke dè nang nè geri titeke i tár de titeke i tár’m bè tɔ.

Nyanra Njekawkulege 22:18

«I tee kalang kêm ɓee-bò ke Jérusalem kɔke. Dookêmɓeege à taai tà le’m ke a ede de nga lé.»

2 Nje Ke Corinthe 12:8

M’ra ndoo ra Kuwe-ɓee’t ase nja mute le kade ɔr konn nè nga ram’t kɔke.

2 Nje Ke Corinthe 3:18

Jèi malang ke d’ɔr tà kubu nè kum jéi’t kɔke nga, j’adi ndubra le Kuwe-ɓee kile ra’n ke nata asenan se kuturam bè. Jèi nga dé tel jèi ke kum gute tà Kuwe-ɓee. E nga ndubra le’n ke in dè made’t ke kété-kété nga tel è ndubra le jéi. E ke nè á è kule ra Ndil Kuwe-ɓee ke ra tede le jéi.

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

2 Nje Ke Thessalonique 2:16

Bɔ jéi Nube tár jéi, è sɔl kem̂ jéi sár se non ade jèi kundekem̂ tchên ke maje ngain. Jè deje Bɔ jéi Nube a, jè deje Kuwe-ɓee le jéi Jésu-Krist a tɔ,

2 Timothee 4:22

Maje kade Kuwe-ɓee nain sei. Maje kade kem̂noje le Nube nain se si tɔ.

1 Jean 2:5

Nè doo ke an dè tà le Nube sêw-sêw ɓaa, è tár Nube kerɔte kuwe. Titeke bè á j’à geri titeke j’umi nan’t bɔk se’n.

1 Jean 3:1

An-in! tár ke bò ke Bɔ jéi Nube tár jèi á ɓar’n jèi ke ngannenge. Jèi jèi ngannenge kerɔte kuwe. Gir’n ke nè á dooge ke dè nang nè geri jèi ke ngann’n lé. Dé ger jèi ke ngann Nube lé tede Nube géa dé ger’n lé.

1 Jean 5:3

Tár Nube nga ɔje dè kan dè ndukunnge le’n sêw-sêw. Ndukunnge le Nube nga doo asekum kan dè de sêw-sêw karè.

2 Jean 1:6

Ke nè á jè tári Nube kerɔte ɓaa, ade jè tári nan. E ke nè á è ndukunn le Nube ke ndɔ ke j’ede sei tà’n.

Lookilera’n 2:17

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, m’a m’ade de mur ke tò loo ɓɔyɔn’t ke ri’n nè manne kade on-in. M’a m’ade’n ngonn her ke nda kade ɔr’n tà dè dooge’t. Ri ke kige ke dé ndang tu ngonn her ke nda’t nè nga, doo ke rang karé bè géa ger lé. Nè doo ke inge ngonn her ke nda nè kuwe se kár’n bere á ger.»

Lookilera’n 22:14

Njé ke togoi kubu le de ke bòi yul-yul nga, ra de à nel de kuwe. Ei asikum kuse kann kage ke doo à ndii’n kumgajer nga a, à asi kingei tà rebe kaw kem̂ ɓee-bò’t nè nga a tɔ.

Lookilera’n 3:20

An! m’nda tà kei’t nata m’unde tà kei. Ke nè á doo karé oo ndu’m á ɔr tà kei ade’m ɓaa, m’a m’aw kem̂ kei goon’t, m’a m’use se’n nyan a, è géa à use se’m nyan a tɔ.