Jean 14:20 - Nouveau Testament en Gulay 2004

²⁰ Kêm ndɔn’t nè ɓita a i geri titeke m’um nan’t bɔk se Bɔ’m a, sei umi nan’t bɔk se’m a, man géa m’um se si nan’t bɔk a tɔ.

Jean 14:20 ပူးပေါင်းရင်းမြစ်များ

Jean 10:38

Ke nè á undei kêmi si dè’m man’t lé géa, undei kêm si dè nyange ke ndɔ ke m’ra se tɔgmong le Bɔ’m. Titeke bè á a i geri nja karé ke ngang’n titeke Bɔ’m um se’m nan’t bɔk a, man géa m’um se’n nan’t bɔk a tɔ.

Jean 14:10

Ké i unde kêmi dè’t titeke man se Bɔ’m jè karé bere lé wa? Ké i ger titeke m’um se’n nan’t bɔk a, è géa um se’m nan’t bɔk a tɔ lé wa? Tàge ke m’ede sei nga, è man kuwe á m’in se dè ra’m m’ede sei lé, nè è Bɔ’m ke um se’m nan’t bɔk kuwe á ra kulege le’n.

Jean 14:11

M’um se Bɔ’m nan’t bɔk, Bɔ’m géa um se’m nan’t bɔk tɔ. Ke nè á umi kêm si dè tà’t le’m lé géa, undei kêm si dè nyange ke m’ra kété m’ade an-in nga.

Jean 16:23

Kêm ndɔn’t nè nga, a i teli deji man tà dè nyan karé’t ndan lé ta. Kerɔte kuwe, man m’ede sei ndàt, ke nè á i deji Bɔ’m nyan karé se ri’m ɓaa, à ade sei nyan nè nga kuwe.

Jean 16:26

Kêm ndɔn’t nè nga sei a deji nyan se ri’m. Nè man m’ede sei titeke m’a m’deje nyan Bɔ’m tede le si lé ta.

Jean 17:11

Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.

Jean 17:26

M’ribe se de dè rii m’ade geri nin ɓá, nè né è bè géa m’a m’tel ribe se de dè rii kade geri nin njai. Titeke bè á tár ke i tár’m nga, à urkei kêm de’t tede kade man géa m’um’n se de nan’t bɔk a tɔ.

Jean 17:7

Ɗarinè, dé ger titeke nyan malang ke ade’m nga in rai’t kuwe.

Jean 6:56

Doo ke use danra’m a, an-in mese’m a tɔ ɓaa, um se’m nan’t bɔk a, man géa m’um se’n nan’t bɔk a tɔ.

Nje Ke Rome 16:7

I rai Andronikus se Junias njénojege le’m lapya adi man. Dé nga, ndɔ ke dé made dangaige le’m. Adronikus se Junias nga ei njékawkulege ke ri de ɓar ngain dann made dege’t. Dé dooge ke d’unde kêm de dè Krist’t kété ɓita man ɓai.

Nje Ke Rome 8:1

Njé ke umi nan’t bɔk se Jésu-Krist nga, ɗarinè tà karé bè géa uwe dè de lé ta.

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

2 Nje Ke Corinthe 12:2

M’ger dingem karé ke njètaakêm-Krist. Dingem nè nga Nube uwe’n wont ɔr’n aw se’n kêm danran ke ngeinn’t, ɗarinè ase ɓal dɔg-gidé-sɔ ta. Dingem nè nga Nube uwe’n wont ɔr’n se danra’n éké anje danra’n géa man m’ger lé ta, nè Nube ɓaa ger mbak.

2 Nje Ke Corinthe 13:5

I nain ra si sei an-in ké i ndii dann kundekêm’t ɓai wa? I teri kêm si sei kuwe an-in ké i geri njai titeke Jésu Krist ra ɓee kêm si’t kuwe wa? Ke nè á sei kuwe i nan-in kundekêm le si an-in lé ɓaa, ndɔn’t a i ndi dann rasɔl’t.

2 Nje Ke Corinthe 5:17

Ke nè á doo karé um nan’t bɔk se Krist ɓaa, è tel è doo-kunde ke kige. Ɓuge nyange ke mari tugei gangi ɓá, an! nyange malang teli ei ke kige.

2 Nje Ke Corinthe 5:19

Oiyo, è Nube kuwe á um se dooge ke dè nang nè nan’t bɔk tàkul Krist. E mbate tute go majelége le de. Kule kum dooge ke dè nang nè nan’t bɔk se’n á è Nube um ji jé’t.

Nje Ke Galatie 2:20

Man nga, dé tɔl’m kade kage-ke-dese’t se Krist’t nan’t. Ke nè á m’ndi kumgajer ɓai ɓaa, è man lé ta, nè è Krist á ndi kumgajer kem̂’t. Ke nè á danra’m ndi kumgajer ɗarinè ɓaa, è tede kem̂’m ke m’unde dè Ngonn le Nube ke tár’m. Ngonn le Nube inye ra’n ade yo tede’m.

Nje Ke Ephese 2:10

Jèi, jèi dookundege le Nube. E Nube kuwe unde jèi se go kum ke j’um nan’t bɔk se Jésu-Krist tede kade jè rai nyanrage ke maje. Nyanrage ke maje nga Nube uwe dè nja de kété kade jè rai se ndɔ jéi, ndɔ jéi.

Nje Ke Colosses 1:19

Nube ndige kum nan’t bɔk-bɔk se Ngonn’n.

Nje Ke Colosses 1:27

Njé ke ei le Nube ke tooi se ninn de nga, Nube ndige kade kum de gang dè nyanbaw le’n ke maje ngain ke tò loo ɓɔyɔn’t tede le dooge ke ei Juipge lé. Nyanbaw le’n ke maje ngain ke tò loo ɓɔyɔn’t nga, è Krist ke ndi kem̂ si’t. Takul è kuwe karé luk-luk á ndɔn’t a ingei ndubra le Nube.

Nje Ke Colosses 2:9

Nube urkei kem̂ Krist’t a, taa ra’n pel-pel a tɔ.

1 Jean 4:12

Doo karé bè géa an Nube se kum’n ndan lé ɓai. Nè ke nè á jè tári nan ɓaa, Nube um jèi nan’t bɔk a, tár ke è tár jéi nga maje ɔr njêt.