Jean 14:17 - Nouveau Testament en Gulay 2004

¹⁷ Njè ra se si ke rang nga è Ndil ke get ke dooge ke dè nang nè asikum kuweii ke ra de’t lé. D’ase kuwe’n ke ra de’t lé tede d’an’n lé a, dé ger’n lé a tɔ. Nè sei ɓaa, i gerii tede è ra ɓee se si a, ndi kêm si’t a tɔ.

Jean 14:17 ပူးပေါင်းရင်းမြစ်များ

Matthieu 10:20

Tà ke à tee tà si’t kêm kàdenn’t nè nga, è sei á a in-in se dè si tami lé. Nè è tà ke Bɔ si á ade Ndil-Kêmnda ule tà si’t.

Jean 14:16

Man m’deje Bɔ’m le kade ade sei njè ra se si ke rang. E nè nga à nain se si sár se non.

Jean 14:23

E Jude á deje tà nè m è Judas Iskariot lé. Jésu ile’n dè’t ede nè: – Ke nè á doo karé tár’m ɓaa à an dè tà le’m sêw-sêw a, Bɔ’m à tár’n ngain a tɔ. Jè se Bɔ’m j’à ree rann’t le kur kei le jé kêmn’t a tɔ.

Jean 15:26

Ndil-Kêmnda le ngarankum tà ke à in ra Bɔm’t nga, à è njè ra se si. Loo ke m’a m’ule’n kade ree ɓaa, è kuwe à è njèkɔrgo tà le’m.

Jean 16:13

Loo ke Ndil ke get à ree ɓaa, è à ɔr non si dann ngarankum tà’t bere mbak. E à kin se dè ra’n kede sei tà lé. Nè à ede sei tà nyange ke à oo a, tà nyange ke ndii à reei ɓai a tɔ.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

1 Nje Ke Corinthe 14:15

A ɓaa, ké ri á m’a ra ta wa? M’a kɔje tà se Nube se ndil’m, nè m’a kɔje tà se Nube se tàgir le’m tɔ. M’a kɔse pa se ndil’m, nè m’a kɔse pa se tàgir le’m tɔ.

1 Nje Ke Corinthe 2:14

Doo ke karé ke Ndil Nube ndi kêmn’t lé ɓaa asekum taa nyan le Ndil Nube lé. Nyan le Ndil Nube tò asenan se nyan mbe tàkumn’t m è asekum ger gir lé. Oiyo, Ndil le Nube è njè kade doo ter nyange ger gir.

1 Nje Ke Corinthe 3:16

Kerɔte kuwe, sei sei gile kei ke tò se ninn’n le Nube a, Ndil Nube ndi kêm si’t a tɔ. Ké sei geri titeke bè lé wa?

1 Nje Ke Corinthe 6:19

Nube ade sei Ndil-Kêmnda ade ndi kêm si’t ɗarinè. Danra si è gile kei ndi ke tò se ninn’n le Ndil-Kêmnda. Ké sei geri titeke bè lé wa? Bè ɓaa, sei sei kuwe ra si lé,

2 Nje Ke Corinthe 13:5

I nain ra si sei an-in ké i ndii dann kundekêm’t ɓai wa? I teri kêm si sei kuwe an-in ké i geri njai titeke Jésu Krist ra ɓee kêm si’t kuwe wa? Ke nè á sei kuwe i nan-in kundekêm le si an-in lé ɓaa, ndɔn’t a i ndi dann rasɔl’t.

2 Nje Ke Corinthe 6:16

Ké gile kei ke tò se ninn’n le Nube se kei mage polége à umi nan’t titeke bain wa? Jèi jèi gile kei ke tò se ninn’n le Nube ke Njèndi kumgajer. Nube kuwe tam ede nè: «M’a m’ndi dann de’t a, m’a m’ringe dann de’t a tɔ. M’a m’ee Nube le de, dé géa d’a dé kosdooge le’m a tɔ.»

Nje Ke Galatie 4:6

Sei sei ngann kem̂ Nube kerɔte kuwe. Gir’n ke nè á Nube ule’n Ndil Ngonn’n ade ndii’n dè ɓengre jèi’t. Takul Ndil nè nga á jè tami tà se ndu jéi ke bòi j’edi nè: «Abba, Bɔ jé.»

Nje Ke Ephese 2:22

Takul kum nan’t bɔk se Kuwe-ɓee á dé rɔte’n sei bere mbak tà nan’t le kade i teli sei kei ndi Nube se go Ndil’n.

Nje Ke Ephese 3:17

M’deje Nube le kade ade Krist urkei dè ɓengre si’t takul kem̂ si ke undei dènn’t. Man m’deje Nube le kade ade ulei ngire si nang janm-janm dè tár ke Krist tár jèi’t nga.

Nje Ke Colosses 1:27

Njé ke ei le Nube ke tooi se ninn de nga, Nube ndige kade kum de gang dè nyanbaw le’n ke maje ngain ke tò loo ɓɔyɔn’t tede le dooge ke ei Juipge lé. Nyanbaw le’n ke maje ngain ke tò loo ɓɔyɔn’t nga, è Krist ke ndi kem̂ si’t. Takul è kuwe karé luk-luk á ndɔn’t a ingei ndubra le Nube.

2 Timothee 1:14

Nyan ke maje ke d’um jii’t nga, an dè sêw-sêw se go tɔgmong le Ndil-Kem̂nda ke ndi kem̂ jéi’t.

1 Jean 2:27

Nè sei ɓaa, wubu ke Krist ndum dè si’t nga nain ra si’t ɓai. Gir’n ke nè á sei awi ndoo kade doo karé ndó sei nyange lé ta. Nè Ndil-Kem̂nda le’n ke ade sei nga ndó sei nyange malang. Nyange ke Ndil-Kem̂nda ndó sei nga, ei nyange ke kerɔte m ei tàge ke lanm lé. Bè ɓaa, umi nan’t bɔk se Krist titeke Ndil-Kem̂nda ndó’n sei nga.

1 Jean 3:24

Doo an dè ndukunnge’t le Nube sêw-sêw ɓaa, è um nan’t bɔk se Nube a, Nube géa um se’n nan’t bɔk a tɔ. Jè ger titeke Nube um se jéi nan’t bɔk takul Ndil-Kem̂nda ke è ade jèi nga.

1 Jean 4:4

Ngannemge, sei têti rɔ njétête tà kunde tà Nube’t tede k’ee ke sei lennge a, tede Ndil le’n ke ndi kem̂ si’t a tɔ. Ndil Nube ke ndi kem̂ si’t nga á tɔg’n dum dè le njè kem̂ majelé ke ndi kem̂ dooge ke dè nang nè.

1 Jean 4:6

Nè jèi ɓaa, jèi le Nube. Doo ke ger Nube ɓaa à ur mbi’n le koo’n tà le jéi. Doo ke ger Nube lé ɓaa à ur mbi’n koo’n tà le jéi lé. E ke nè á j’à ger’n ngarankum Ndil ke in ra Nube’t se ndil ke in ra njè kem̂ majelé’t ke njè kade dooge ndemi rebe ke maje’t nga.

1 Jean 5:7

Njékɔrgo tàge nè nga ei mute.

Lookilera’n 2:17

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, m’a m’ade de mur ke tò loo ɓɔyɔn’t ke ri’n nè manne kade on-in. M’a m’ade’n ngonn her ke nda kade ɔr’n tà dè dooge’t. Ri ke kige ke dé ndang tu ngonn her ke nda’t nè nga, doo ke rang karé bè géa ger lé. Nè doo ke inge ngonn her ke nda nè kuwe se kár’n bere á ger.»