Jean 14:13 - Nouveau Testament en Gulay 2004

¹³ Nyange malang ke a i deji nin se ri’m nga, m’a m’ra kade dooge geri tɔgmong le Bɔ’m takul’m.

Jean 14:13 ပူးပေါင်းရင်းမြစ်များ

Matthieu 21:22

Nyan ke rara ke sei deji Nube se kundekêm ɓaa, a ingei nyan nè nga kuwe.

Matthieu 7:7

I kɔi Nube nyan ke awi ndoo’n ɓaa à ade sei a, i sangi nyan ke awi ndoo’n ɓaa a ingei. Undei tàbit kei ɓaa, d’a d’ɔr kade sei ɓai a tɔ.

Marc 11:24

Gir’n ke nè á man m’ede sei: nyan malang ke sei deji Nube loo ke ɔjii se’n tà nga, ke nè á umi kêm si dè’t titeke a ingei nga nyan nè nga kerɔte kuwe ɓaa, d’a d’ade sei nyan nè kuwe.

Tà ke Maje ke Luc ndang 11:9

Nè man m’ede sei: I kɔi nyan ke awi ndoo’n ɓaa, d’a d’ade sei. I sangi nyan ke awi ndoo’n ɓaa, a ingei. Undei tàbit kei ɓaa, d’a d’ɔr kade sei a tɔ.

Jean 10:30

Man se Bɔ’m jè karé.

Jean 12:44

Jesu tam se ndu’n ke bòi beng ede nè: – Nanan ke unde kêm’n dèm’t ɓaa è man á unde kêm’n dèm’t lé, nè è njékule’m kuwe á è unde kêm’n dènn’t non.

Jean 13:31

Loo ke Judas unde loo tee nata ɓá ɓaa, Jésu tam ede nè: – Ɗarinè d’ule ndubra dè’m man Ngonn doo’t ɓá ta. Nube géa d’ule ndubra dènn’t takul’m man Ngonn doo a tɔ.

Jean 14:14

Ke nè á i deji man nyan karé se ri’m ɓaa, m’a m’ra nyan nè nga kade sei kuwe.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Jean 15:7

Ke nè á i nanmi kàdem’t a, tàge le’m urkei kêm si’t a tɔ ɓaa, nyan ke sei ndigi á i deji nga a ingei.

Jean 16:23

Kêm ndɔn’t nè nga, a i teli deji man tà dè nyan karé’t ndan lé ta. Kerɔte kuwe, man m’ede sei ndàt, ke nè á i deji Bɔ’m nyan karé se ri’m ɓaa, à ade sei nyan nè nga kuwe.

Jean 16:26

Kêm ndɔn’t nè nga sei a deji nyan se ri’m. Nè man m’ede sei titeke m’a m’deje nyan Bɔ’m tede le si lé ta.

Jean 16:7

Nè né è bè géa, man m’ede sei ngarankum tà: Kaw’m è soo’t tede le si. Ke nè á m’aw lé ɓaa, njè ra se si nga à ree ra si’t lé. Nè ke nè á m’aw ɓaa, m’a m’ule’n kade ree inge sei.

Jean 4:10

Jésu tel ile dinye nè nga dè’t ede nè: – Ke nè á i ger noje ke Nube uwe sei karè nè nga a, i ger doo ke deji ede nè: Ade’m mann m’an-in a tɔ nga ɓaa, né i kuwe a in kété le deje’n mann kain, ayé kadi mann ke an-in kutch-kutch kade an-in i ndii’n kumgajer.

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 5:19

Jesu tel unn tà tam ede de ede nè: – Kerɔte kuwe, man m’ede sei ndàt, Ngonn asekum ra nyan karé bè se dè ra’n lé, nè nyan ke è an ra Bɔn’t á è ra. Tede nyan malang ke Bɔ ngonn ra nga, ngonn’n géa à ra titeke bè tɔ.

Jean 7:37

Ngei ndɔ ra nan kei kamge nga, è ndɔ ke bò dum madege. Jésu in nda dɔ non doobulege’t kêm kei le Nube ede de tà se ndu’n ke bòi ede nè: – Ke nè á kunde mann ra doo ɓaa, maje kade ree ram’t taa mann an-in.

1 Nje Ke Corinthe 14:13

Gir’n ke nè á doo ke tam tà tam dooge ke rang nga, gar-gar maje kade deje Nube kade ade’n tɔg kade tel’n gir tà nè nga ade njé ke rang tá.

Nje Ke Ephese 2:18

Oiyo, è se takul Krist á jè Juipge a, sei a tɔ, jèi malang j’ingei tà rebe kaw ra Bɔ jéi’t kem̂ Ndil ke karé bere’t nga.

Nje Ke Ephese 3:12

Takul kum ke j’umi nan’t bɔk se Krist a, takul kem̂ jéi ke j’undei dènn’t á jè ndii dè jéi pal le kaw’n ngɔr ke ra Nube’t se kem̂nda káng.

Nje Ke Ephese 3:14

Gir’n ke nè á m’ɔse’n keje’m nang non Bɔ jéi’t,

Nje Ke Philippes 4:13

M’asekum ra nyange nè malang takul Krist tede è ade’m tɔge’m.

Nje Ke Colosses 3:17

Nyan ke rara ke a i rai, né è tà tam si éké nyanra si géa, i rai se ri Kuwe-ɓee Jésu. I rai Bɔ jéi Nube oiyo se takul’n è Krist.

Hebreuge 13:15

Bè ɓaa, adi tà jéi teen ile riɓar dè Nube’t se ndɔge malang takul Jésu. Pite Nube nga tò asenan se nyankuje-mese ke j’unni j’adi nin bè.

Hebreuge 4:15

Kerɔte kuwe, maw njèkuje nyan-mese le jéi nga ase ra se jéi dè yaige’t le jéi kuwe. Loo ke ndɔ nain dè nang nè ɓai nga, nyange nan’n titeke nan’n jéi bè tɔ, nè è ute kaiya mbeng.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

Jacques 1:5

Ke nè á doo karé dann si’t nal kumkunju ɓaa, maje kade kɔ Nube. Nube è njè kade dooge malang nyan se kem̂ karé anje ndáng de.

Jacques 5:16

Ɔri gir majelé le si adi nan. Ɔji tà se Nube tede nan le kade ratur ɔr’n dè si’t. Doo ke Nube ɔr tà dènn’t nga, nyan ke è deje’n se kundekem̂ ke nunge tchanm nga, è ase ra nyan ke bòi ngain.

1 Pierre 2:5

Sei géa i tooi asinan se kuberi her ke tò kumgajer. Dé rɔte sei tà nan’t d’ade i teli sei kei le Ndil a, i teli njékuje nyan-mesege ke i tooi se ninn si tede kade unni nyankuje-mesege se goo Ndil Nube adi nin. Nube à taa nyankuje-mese nè nga takul Jésu-Krist.

1 Jean 3:22

Nyange malang ke jè kɔi Nube nga, j’à j’ingei tede kan ke j’an-in dè ndukunnge le’n sêw-sêw a, jè rai nyan ke taa kum’n a tɔ.

1 Jean 5:14

Gir’n ke nè á jè ndai kem̂ jéi káng non Nube’t: Ke nè á jè deji nyan se go kem̂ndige le’n ɓaa, jè geri mbak titeke è oo tà le jéi.