Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jean 14:12 - Nouveau Testament en Gulay 2004

12 Kerɔte kuwe, man m’ede sei ndàt, doo ke um kêm’n dèm’t ɓaa à ra nyange ke m’a m’ra nè nga tɔ. Doo nè nga à ra nyange ke bò dum dè ège ke nè ɓai, tede m’a m’tel kaw ra Bɔm’t nú ta.

အခန်းကိုကြည့်ပါ။ ကော်ပီ




Jean 14:12
28 ပူးပေါင်းရင်းမြစ်များ  

Jésu tel ile de dè’t ede nè: – Kerɔte kuwe, man m’ede sei ndàt, ke nè á awi se kundekêm ke get á i naji se ra si dè’t lé ɓaa, a i rai nyan ke m’ra se kage koté nè nga á go karé bere lé, nè ke nè á edi mbal nè edi nè: «Ɔr rai loo ke nè’t i kile oso dann ba’t nú» ɓaa, mbal nè nga à ra titeke bè kuwe tɔ.


Loo ke è unn kum’n ɓaa, è an dè kage koté ite lurr. E tɔ aw giré kade bainléa n’inge kann’n dè’t n’use. Nè loo ke è ree ngɔr ɓaa, è an mbi’n karè tede nan kann le kage koté nain ɓai.


Njé ke d’um kêm de dè Tà ke Maje’t nga, Nube à ade d’ade ra nyankɔbege ke nè: d’a rɔ ndilge ke majelé se ri’m, d’a tam tà tam dooge ke rang.


M’a m’aw nè m’a m’tel ree ra si’t ɓai. Kété kuwe m’ede sei tà nè nga m’ade ooi ɓá. Ke nè á ndɔ ke i tári man ɓaa né a i rai ranel dè tel ke m’a m’tel kaw ra Bɔm’t nga, tede è bòi dum’m.


Nè né è bè géa, man m’ede sei ngarankum tà: Kaw’m è soo’t tede le si. Ke nè á m’aw lé ɓaa, njè ra se si nga à ree ra si’t lé. Nè ke nè á m’aw ɓaa, m’a m’ule’n kade ree inge sei.


Gostà ke dé tam d’ede nè: «Njèndɔr è karé nè njékusege bulei» nga, è kum kerɔte kuwe.


Bɔ ngonn tár ngonn’n ngain. Gir’n ke nè á è tɔje’n nyan malang ke è ra. E à tɔje’n kule rage ke bò dum dè ège ke nè le kade tà ige’n sei sêl.


Jésu tam ndàt ede nè: – M’a m’nain se si mbɔr ɓita m’a m’tel kaw ra njèkulem’t ɓai.


E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.


Juipge ke njétaakêm-Kristge ooi tà tam dooge ke rang ɔji nan tà se njétaakêm-Kristge ke Juipge lé nga pɔt-pɔt ilei riɓar dè Nube’t.


E ra titeke bè kum’n ke kété-kété ase ndɔ bule. Wong ra Paul ade tel tur ra’n dè ndil ke majelé’t ke tò kêm ngonn ke dinye’t nè nga, ede’n ede nè: – M’unn ndu’m se ri Jésu-Krist m’adi, unde loo i tee kêm ngonn ke dinye’t nè kɔke. Kêm kàdenn’t nè kuwe, ndil ke majelé nga unde loo tee.


Dooge awi sár otoi tà kubuge se kubuge ke kule ra’t reei ɔdi ra Paul ɓita awi ilei dè njératurge’t ɓai. Titeke bè á raturge ɔri dè de’t a, ndilge ke majelé undei loo teei kêm de’t kɔke a tɔ.


Nube unn ndu’n kété mari ede nè n’a n’ule se Ndil-Kêmnda kade dooge. Loo ke è unn Ngonn’n Krist mbeng ade aw ndi dɔ dè jikon’t ɓá ɓaa, è ade’n Ndil-Kêmnda nga. Taɓai Krist in ke kété ule se Ndil-Kêmnda nga ade yal nan dè jéi’t karé-karé malang. E nè nga, è nyan ke sei an-in se kum si a, ooi tà’n se mbi si ɗarinè ɓá ta.


Njé ke taai tà le Pierre umi dè madege’t ke kété ade d’ule de manné njonm nga, kɔr de in dè made’t ase aru dɔg loo mute kêm ndɔn’t nè.


– Ké ri á j’à rai se dooge nè nga wa? Kerɔte kuwe, nyankɔbe ke dé ra nè nga tò nata ndái-ndái ade dooge malang ke ndii kêm ɓee-bò ke Jérusalem geri mbak ɓá. A ɓaa ɗarinè loo naje’n le jéi goto ta.


Njékawkulege ɔri go tà kunde loo tee dann njé ke koo’t le Kuwe-ɓee Jésu adi nunge ngain. Ei malang ndii dann bò kêmnoje’t le Nube bɔndum.


Nè né è bè géa, dooge ngain ke nange dann njé ke ooi tàge le de kété, teli ei njétaakêm-Kristge. Kɔr de ase aru dɔg loo mi.


Gir’n ke nè á, dé koto’n njératurge se tuwe tò de a, se tire tò de bere mbak d’unde’n de nata ɗêng-ɗêng ka-rebege’t. Dé ra titeke bè tede kade loo ke Pierre à dere ɓaa, ndil’n ke ɓer kuwe oso dè doo karé dann njératurge’t nè nga.


Tà le Nube ra tɔge ke kété-kété a, kɔr njékuwe-gir-Jésuge in dè made’t ke kété-kété kêm ɓee-bò ke Jérusalem. Kos njékuje nyan-mesege bule géa, teli undei kêm de Kuwe-ɓee Jésu’t tɔ.


Ndilge ke majelé undei loo teei kêm dooge’t bule se non tà de’t kaláng-kaláng. Dooge ngain ke kêl ra de wei tonrin a, se njédɔgemetege nga, Philippe ade ratur ɔr dè de’t ndát-ndá a tɔ.


Pierre ede Enée ede nè: – Enée, Jésu-Krist aji ɓá! Ɔse nang in dɔ i kuwe i gɔl tire lei. Ke loon’t nè kuwe, Enée ɔse nang karkat in dɔ.


Pierre ade dooge malang teei nata. E ɔse keje’n nang ɔje tà se Nube ɓita tel tur ra’n ke dè ninn’t ede nè: – Tabitha ɔse nang in dɔ. Ke loon’t nè kuwe, Tabitha teen kum’n yerer an Pierre. E gɔl ra’n yák-yák in ndi dɔ ngêrêng.


se go tɔgmong le nyankɔbege se nyange ke dum kum a, se go tɔgmong le Ndil-Kêmnda a tɔ. Titeke bè á m’unn’n gir kile mber Tà ke Maje le Krist kêm ɓee-bò ke Jérusalem se ɓeege malang ke an-in dè’n gêrêr sár m’tee’n kêm ɓeekon ke Illyrie. M’ile mber Tà ke Maje le Krist nga m’ɔr son’n njêt kêm ɓeege’t nè nga.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ