Jean 14:11 - Nouveau Testament en Gulay 2004

¹¹ M’um se Bɔ’m nan’t bɔk, Bɔ’m géa um se’m nan’t bɔk tɔ. Ke nè á umi kêm si dè tà’t le’m lé géa, undei kêm si dè nyange ke m’ra kété m’ade an-in nga.

Jean 14:11 ပူးပေါင်းရင်းမြစ်များ

Jean 10:25

Jésu ile de dè’t ede nè: – Tà nè nga m’ede sei kété ɓá, nè unni mbi si dè’t. Nyankɔbege ke Bɔ’m ade’m m’ra se ri’n nga, ɔri go tàge le’m titeke m’ee Krist nga kuwe.

Jean 10:32

Jésu tel ile de dè’t ede nè: – M’ra nyange ke maje bule se tɔgmong le Bɔ’m m’ade an-in ɓá. Ké è tede è ke ra taɓai á a i tilei man se kuberi her tɔli man wa?

Jean 10:38

Ke nè á undei kêmi si dè’m man’t lé géa, undei kêm si dè nyange ke ndɔ ke m’ra se tɔgmong le Bɔ’m. Titeke bè á a i geri nja karé ke ngang’n titeke Bɔ’m um se’m nan’t bɔk a, man géa m’um se’n nan’t bɔk a tɔ.

Jean 14:10

Ké i unde kêmi dè’t titeke man se Bɔ’m jè karé bere lé wa? Ké i ger titeke m’um se’n nan’t bɔk a, è géa um se’m nan’t bɔk a tɔ lé wa? Tàge ke m’ede sei nga, è man kuwe á m’in se dè ra’m m’ede sei lé, nè è Bɔ’m ke um se’m nan’t bɔk kuwe á ra kulege le’n.

Jean 14:20

Kêm ndɔn’t nè ɓita a i geri titeke m’um nan’t bɔk se Bɔ’m a, sei umi nan’t bɔk se’m a, man géa m’um se si nan’t bɔk a tɔ.

Jean 5:36

Nè man m’aw se njèkɔrgo tà ke bòi dum Jean. Tede kule ke Bɔ’m ade m’ra m’ɔr son’n nga ɔrgo tà le’m titeke Bɔ’m kuwe ule’m.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Hebreuge 2:4

Nube kuwe géa ra nyan-tɔjege se nyange ke dum kum a, se nyankɔbege gai-gai le kade njékɔrgo tàge an-in tà tam de ke ngarankum tà le’n è Nube kuwe. Taɓai, Nube kai nyan-nojege le Ndil-Kem̂nda se go kem̂ndige le’n è kuwe.