Jean 14:10 - Nouveau Testament en Gulay 2004

¹⁰ Ké i unde kêmi dè’t titeke man se Bɔ’m jè karé bere lé wa? Ké i ger titeke m’um se’n nan’t bɔk a, è géa um se’m nan’t bɔk a tɔ lé wa? Tàge ke m’ede sei nga, è man kuwe á m’in se dè ra’m m’ede sei lé, nè è Bɔ’m ke um se’m nan’t bɔk kuwe á ra kulege le’n.

Jean 14:10 ပူးပေါင်းရင်းမြစ်များ

Jean 10:30

Man se Bɔ’m jè karé.

Jean 10:38

Ke nè á undei kêmi si dè’m man’t lé géa, undei kêm si dè nyange ke ndɔ ke m’ra se tɔgmong le Bɔ’m. Titeke bè á a i geri nja karé ke ngang’n titeke Bɔ’m um se’m nan’t bɔk a, man géa m’um se’n nan’t bɔk a tɔ.

Jean 11:26

Nanan ke unde kêm’n dèm’t loo ke è ndii’n kumgajer ɓai nga à wei ndan lé. Ké um kêmi dè tà’t nè nga kuwe wa?

Jean 12:49

E man kuwe á m’in se dè ra’m m’tam tàge nè nga lé, nè Bɔ’m ke njèkule’m kuwe á unn ndu’n ade’m ɔje dè tàge ke kum tam se kile mber’n a tɔ.

Jean 14:11

M’um se Bɔ’m nan’t bɔk, Bɔ’m géa um se’m nan’t bɔk tɔ. Ke nè á umi kêm si dè tà’t le’m lé géa, undei kêm si dè nyange ke m’ra kété m’ade an-in nga.

Jean 14:20

Kêm ndɔn’t nè ɓita a i geri titeke m’um nan’t bɔk se Bɔ’m a, sei umi nan’t bɔk se’m a, man géa m’um se si nan’t bɔk a tɔ.

Jean 14:24

Doo ke tár’m lé nga an dè tà le’m sêw-sêw lé. Tà ke sei ooi nè nga in ra’m man’t lé, nè in ra Bɔ’m ke njèkulem’t nga kuwe.

Jean 17:8

Tàge ke i ede’m kété nga, man géa m’ree’n m’ede de a, dé taa a tɔ. Dé ger get titeke man nga m’in rai’t. Kule ke i ule’m nga d’um kêm de dè’t kuwe.

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 5:17

Nè Jésu ede de ede nè: – Bɔ’m ndi ra kule kum’n ke kété-kété sár tee ɗarinè ɓai. Man géa m’ndi m’ra kule kum’m ke kété-kété tɔ.

Jean 5:19

Jesu tel unn tà tam ede de ede nè: – Kerɔte kuwe, man m’ede sei ndàt, Ngonn asekum ra nyan karé bè se dè ra’n lé, nè nyan ke è an ra Bɔn’t á è ra. Tede nyan malang ke Bɔ ngonn ra nga, ngonn’n géa à ra titeke bè tɔ.

Jean 7:16

Jésu tel ile de dè’t ede nè: – Nyan le’m ke m’ndó dooge nga in ram’t lé, nè in ra è njèkulem’t nga.

Jean 8:28

Jésu tel ede de ede nè: – Loo ke ndɔn’t a i ɓeri Ngonn doo dɔ kàde kage-ke-dese’t pa ɓita a i geri titeke man nga m’ee Krist. Kêm ndɔn’t nè tá a i geri titeke man kuwe m’in se dè’m m’ra nyan karé lé, nè nyange ke Bɔ’m ndó’m á m’tam tà’n m’ede sei.

Jean 8:38

Man m’ede sei tà nyange ke m’an ra Bɔm’t, nè sei ɓaa, i rai nyange ke an-in ra bɔ si’t.

Jean 8:40

Nè man njè kede sei ngarankum tà ke m’oo tà Nube’t nga, ɗarinè sei sangi kade dé tɔl’m. Abraham nga ndɔ ke ra nyan titeke bè lé.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

2 Nje Ke Corinthe 5:19

Oiyo, è Nube kuwe á um se dooge ke dè nang nè nan’t bɔk tàkul Krist. E mbate tute go majelége le de. Kule kum dooge ke dè nang nè nan’t bɔk se’n á è Nube um ji jé’t.

Nje Ke Colosses 1:19

Nube ndige kum nan’t bɔk-bɔk se Ngonn’n.

Nje Ke Colosses 2:9

Nube urkei kem̂ Krist’t a, taa ra’n pel-pel a tɔ.

1 Jean 5:7

Njékɔrgo tàge nè nga ei mute.