Jean 14:1 - Nouveau Testament en Gulay 2004

¹ Jésu ede njékuwe-girnge ede nè: – Adi kêm si olé bɔt-bɔt lé. Undei kêm si dè Nube’t a, undei kêm si dè’m man’t a tɔ.

Jean 14:1 ပူးပေါင်းရင်းမြစ်များ

Jean 11:33

Jésu an Marie non a, Juipge ke danni nin géa noin a tɔ. Ke loon’t nè kuwe, Jésu an kumndoo le Marie ɓaa, ɔr tà’n deje de ede nè:

Jean 12:27

Ɗarinè kêm’m tò kekek. Nè ké ri á m’a ra wa? Ké m’a deji Bɔ’m le kade taa’m tà yo’t kêm kàdenn’t nè wa? M’ree tede le kwei ɓaa, m’a m’wei kuwe.

Jean 12:44

Jesu tam se ndu’n ke bòi beng ede nè: – Nanan ke unde kêm’n dèm’t ɓaa è man á unde kêm’n dèm’t lé, nè è njékule’m kuwe á è unde kêm’n dènn’t non.

Jean 13:19

Ɗarinè, man m’ede sei tà nè nga kété ɓita kade nyan’n tee ɓai. Titeke bè á loo ke nyan’n à tee ɓaa, sei a kundei kêm si dèm’t titeke man Ngonn doo nga, m’ee Krist kerɔte kuwe.

Jean 16:24

Sár ɗarinè sei deji nyan karé bè se ri’m lé ɓai. I deji nyan ɓaa a ingei, titeke bè á dè ranel le si à ɔr’n njêt.

Jean 16:3

D’a ra titeke bè tede dé ger Bɔ’m lé a, dé ger’m man lé a tɔ.

Jean 16:6

Kêmkon rusu kêm si tede tàge nè ke m’ede sei nga.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

2 Nje Ke Corinthe 2:7

Ɗarinè ɓaa, adi kêm si tin mbit dènn’t a, i sɔli kêm’n a tɔ. I rai titeke bè tede kade kêmkon tel al dè doo nè nga lé.

Nje Ke Ephese 1:15

Gir’n ke nè á, loo ke m’oo kɔbe kem̂ si ke kundei dè Kuwe-ɓee Jésu’t a, m’oo ser tár ke sei tári njé ke tooi se ninn de malang a tɔ ɓaa,

2 Nje Ke Thessalonique 2:2

le kade in-in kalang adi tàgir le si aw yo-yo nè-nè lé. Adi kem̂ ɓel ke ɔje dè nel tà ke in ra doo karé’t éké tà karé bè, éké magtub karé ke d’ede nè in ra jé jè’t ade bainléa i giri edi nè ndɔ tel ree le Kuwe-ɓee nga tee ɓá ta.

1 Pierre 1:21

E takul’n è Krist á sei undei kem̂ si dè Nube’t ke njè kade unde loo tee dann njé ke koo’t a, ke njè kule ndubra dènn’t a tɔ. Gir’n ke nè á sei undei kem̂ si dè Nube’t a, kem̂ si too’n tchên ke dènn’t a tɔ.