Jean 13:9 - Nouveau Testament en Gulay 2004

⁹ Pierre tel ede Jésu ede nè: – Kuwe-ɓee, ke nè á è bè ɓaa, i togo nja’m se kar’n lé ta, nè maje kade i togo jimge se dè’m nan’t bere mbak ta.

Jean 13:9 ပူးပေါင်းရင်းမြစ်များ

Matthieu 27:24

Loo ke Pilate an titeke nyan ke soo’t goto nè doobulege rai nyan wuu ke kété-kété ɓaa, è unn mann togo’n ji’n tàkum dooge’t malang ede nè: – Man ɓaa, tà le mese njè ra nyan se dè naje’n nè nga uwe dè’m man lé. E tà le si sei kuwe.

Jean 13:10

Jésu tel ede Pierre ede nè: – Doo ke ndogo mann ɓá nga, aw ndoo togo nja’n kuwe karé bere tede ra’n bere mbak è ke unju nyang-nyang ɓá. Sei nga ra si unju ɓá, nè unji malang lé.

Jean 13:8

Pierre ede Jésu ede nè: – Ḿ-m̀, i a i togo nja’m ndan lé. Jésu ede Pierre ede nè: – Ke nè á m’togo njai lé ɓaa, tà bande le jé jè sei à gang nan’t lé njing ta.

Hebreuge 10:22

Bè ɓaa, j’agi ngɔr ke ra Nube’t se kem̂nda káng a, se kundekem̂ ke deri tede Jésu togo se-tàgir ke majelé ke dè ɓengre jéi’t. E togo danra jéi se mann ke unju nyang-nyang ɓá a tɔ.

1 Pierre 3:21

Mann bêlm nè nga è nyan-tɔje ke ɔje dè kule doo manné njonm. Kule doo manné njonm nga è gir kaje ke sei ajii ɗarinè. Kule doo manné njonm nga ɔr nyan ke mine le danra ra si’t lé, nè è ndukunn ke sei unni se tàgir ke maje ke kem̂ si’t adi Nube. Kule doo manné njonm nga aje sei takul kunde ke Krist unde loo tee dann njé ke koo’t.