Jean 13:5 - Nouveau Testament en Gulay 2004

⁵ Go’t gugu è kai mann kêm nyan’t togo’n nja njékuwe-girnge ɓita bɔr se tà kubu ke dɔ’n ɓede’n ɓai.

Jean 13:5 ပူးပေါင်းရင်းမြစ်များ

Tà ke Maje ke Luc ndang 7:38

E ree ndi nang go Jésu’t non sɔk-sɔk uwe’n nja’n. Mann kum’n ke non’n nga tɔl nja Jésu tɔbl. E tise nja Jésu se bin dè’n, taɓai è tête wubu ke ete sununn nè nga njann’t a tɔ.

Tà ke Maje ke Luc ndang 7:44

Jésu tel tur kum’n ke ra dinye’t nè nga ede nè: – Simon, ké an nyan ke dinye nè ra nga wa? M’ree kêm kei lei, nè i ade’m mann m’togo’n nja’m lé. Nè dinye nè togo nja’m se mann kum’n a, tise nja’m se bin dè’n a tɔ.

Jean 13:10

Jésu tel ede Pierre ede nè: – Doo ke ndogo mann ɓá nga, aw ndoo togo nja’n kuwe karé bere tede ra’n bere mbak è ke unju nyang-nyang ɓá. Sei nga ra si unju ɓá, nè unji malang lé.

Jean 13:6

Loo ke Jésu ree à tee dè Simon Pierre’t ɓaa, Pierre ede’n ede nè: – Ké i Kuwe-ɓee kuwe a i togo nja’m wa?

Jean 13:8

Pierre ede Jésu ede nè: – Ḿ-m̀, i a i togo nja’m ndan lé. Jésu ede Pierre ede nè: – Ke nè á m’togo njai lé ɓaa, tà bande le jé jè sei à gang nan’t lé njing ta.

Jean 19:34

Nè né è bè géa, njèrɔ karé dann madennge’t ɔse kêl kade Jésu se ninge dap. Ke loon’t nè kuwe, mese se mann ubei tà’t tir-tir.

Nyanra Njekawkulege 22:16

Ɗarinè ké a i ngine ri ɓai wa? Ɔse nang in dɔ ade d’ulei manné njonm se ri’n ɓaa a inge kêm tin mbit dè kaiyage’t lei.»

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

Nje Ke Ephese 5:26

Krist ndogo mann njékebe nange le Nube tchák-tchák. E ɔr se-kaiyage le de se go ngarankum tà le’n, unde de se ninn’n ade ei le Nube kuwe ɗarinè.

1 Timothee 5:10

Gar-gar, njèkei-kinge à è doo ke d’ɔrgo nyanra’n ke maje a, à è njè koto ngannenge maje a, à è njè ra mba a, à è njè togo nja dooge le Nube a, à è njè ra se njé ke ndii dann nyantosowurge’t a, à è njè ra kulege ke maje malang se ndɔ’n-ndɔ’n a tɔ.

Hebreuge 10:22

Bè ɓaa, j’agi ngɔr ke ra Nube’t se kem̂nda káng a, se kundekem̂ ke deri tede Jésu togo se-tàgir ke majelé ke dè ɓengre jéi’t. E togo danra jéi se mann ke unju nyang-nyang ɓá a tɔ.

1 Jean 1:7

Ke nè á jè njiyei dann lookar’t titeke Nube ndii’n dann lookar’t nga bè ɓaa, j’umi nan’t bɔk a, mese Ngonn’n Jésu-Krist togo kaiya le jéi bere mbak ndát-ndát ɔr kɔke.

1 Jean 5:6

E Jésu-Krist nga ree dè nang nè se mann a, se mese a tɔ. E ree se mann á karé lé, nè è ree se mann a, se mese a tɔ. Ndil-Kem̂nda nga è ngarankum tà. E è kuwe á ɔrgo tà nè nga titeke bè.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.

Lookilera’n 7:14

M’tel m’ile ngatɔge nè nga dè’t m’ede nè: «Kuwe’m, i i ger de mbak.» Ngatɔge nè nga ede’m ede nè: «Dé nè nga d’in dann nyantosowur ke bò’t. Dé togo kubuge le de ke bòi yul se mese Ngonn bate d’ade nda káng-káng.