Jean 13:4 - Nouveau Testament en Gulay 2004

⁴ Jésu ɔse nang in tà nyankuse’t, ɔr kubu le’n ke bòi yul kàdenn’t ɓaa, unn kubu ra kule dɔ’n ɓede’n.

Jean 13:4 ပူးပေါင်းရင်းမြစ်များ

Tà ke Maje ke Luc ndang 12:37

Ngann njéndige nè nga, loo ke kuwe de tel à ree á inge de dè ɓi’t lé ɓaa, ra de à nel de. Kerɔte kuwe, man m’ede sei ndàt, kuwe de à ule kubu ra kule rann’t, à uwe ɓede’n se ndar le ɓar de kade de nyankuse kade d’use a tɔ.

Tà ke Maje ke Luc ndang 17:7

Bainléa doo karé dann si’t an ngonn njèndi le’n ke in ndɔrɔ éké in kul dange’t ree ɓaa, ké à kede’n kede nè: «I ree use nyan» wa?

Tà ke Maje ke Luc ndang 17:8

Ḿ-m̀, è à kede’n kede nè: «Uwe dè nja nyankuse ɓaa, ule kubu ra kule rai’t ade’m nyan m’use a, m’an-in a ɓita i a kuse éké kain nyan ke lei ɓai.»

Tà ke Maje ke Luc ndang 22:27

Bainléa dooge ei joo. E ke karé ndi tà table kuse-nyan’t a, è ke karé è njèkunn nyankuse ree’n a tɔ. Ké nan è doo ke bò dum made’n dann de ei ke joo nè nga wa? Ké è doo ke ndi tà table kuse-nyan’t nè lé wa? Man géa m’ndi dann si’t asenan se ngonn njèndi bè.

Jean 13:12

Loo ke è togo nja de gir gang ɓá ɓaa, è tel unn kubu le’n ke bòi yul ule rann’t gugu, tel aw ndi tà nyankuse’t. Jésu deje njékuwe-girnge ede nè: – Nyan ke m’ra se si nga, ké i geri gir’n kuwe wa?

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.

1 Jean 3:11

I tári nan. E ke nè á è tà ke d’ede sei kété mari ke desêin d’ade ooi ɓá.