Jean 13:34 - Nouveau Testament en Gulay 2004

³⁴ Man m’ade sei ndukunn ke kige. I tári nan titeke man géa m’tár’n sei bè tɔ.

Jean 13:34 ပူးပေါင်းရင်းမြစ်များ

Matthieu 5:44

Nè man m’ede sei ndàt, i tári njébange le si a, ɔji tà se Nube tede njé ke ɔri sei kororoi a tɔ.

Jean 15:17

Nyan ke m’unn ndu’m dè’t m’ade sei á tò nè: I tári nan.

Jean 17:21

Bɔ’m, m’ɔje sei tà le kade dé malang d’um se jé nan’t bɔk titeke i Bɔ’m um’n se’m nan’t bɔk a, man géa m’um’n sei nan’t bɔk a tɔ. Maje kade dé malang d’um nan’t bɔk tede kade dooge ke dè nang nè geri titeke è i kuwe á ule’m.

Nje Ke Rome 12:10

I tári nan tite ngakon nange bè se kêmnda káng. Ilei riɓar dè njé ke rang’t adi dum dè riɓar le si sei.

Nje Ke Rome 13:10

Doo ke tár doo made’n nga à tel ra se’n majelé lé. Tár nan nga, è ra nyan ke gute-ndu ɔje kade ɔr njêt.

Nje Ke Rome 13:8

Adi kure le doo karé bè tò dè si’t lé. Nè adi kure tár nan tá tò dè si’t. Doo ke tár doo made’n ɓaa, è ra nyan ke gute-ndu ɔje nga tɔl mbas ɓá.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

Nje Ke Galatie 6:10

Titeke bè á, loo ke j’ingei kurloo ɓaa, adi jè rai maje se dooge malang. Nè maje kade jè rai maje se ngakon jéige ke undei kem̂ de dè Nube’t j’adi dum dè le dooge ke rang malang.

Nje Ke Galatie 6:2

I taai nyankoto ke wɔi dè nan’t. Titeke bè á a i rai gute-ndu le Krist nga tɔli mbas.

Nje Ke Ephese 5:2

I njiyei se tár nan titeke Krist tár’n jèi á inye’n ra’n ade Nube tede le jéi è kuwe ke nyan kade noje se nyankuje-mese ke taa kum Nube.

Nje Ke Colosses 1:4

J’oo ser kundekem̂ dè Jésu-Krist’t le si se ser tár ke sei tári dooge malang ke ei le Nube nga.

1 Nje Ke Thessalonique 3:12

Maje kade Kuwe-ɓee Nube ade tár nan le si sei se tár ke sei tári dooge malang nga in dè made’t ke kété-kété. Maje kade tár nan le si tanan se tár ke jè tár sei bè tɔ.

2 Nje Ke Thessalonique 1:3

Ngakon jége, gar-gar jè ra Nube oiyo se ndɔge malang tede si. Ra ke jè ra’n oiyo bè nga, è loon’t kuwe tede kundekem̂ dè Nube’t le si se tár ke sei malang i tári nan nga in dè made’t ke kété-kété.

Hebreuge 13:1

I tári nan se ndɔge malang tite ngakon nange bè m ebi’t lé.

Jacques 2:8

Kerɔte kuwe, gute-ndu ngar ke dé ndang kem̂ Magtub’t d’ede nè: «I tár doo ndul madi titeke i tár’n danrai i kuwe bè» nga, ke nè á i rai ɔri son’n njêt ɓaa, sei rai maje.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

2 Pierre 1:7

Utei ra si kalang le rɔti kan nan ke ngakon nange tà kile koje dè Nube’t a, i rɔti tár nan tà kan nan ke ngakon nange a tɔ.

1 Jean 3:11

I tári nan. E ke nè á è tà ke d’ede sei kété mari ke desêin d’ade ooi ɓá.

1 Jean 3:23

Nube unn ndu’n ade jèi le kade j’undei kem̂ jéi dè ri Ngonn’n Jésu-Krist’t a, jè tári nan titeke ndɔ ke Krist unn’n ndu’n ade jèi.

1 Jean 4:21

Doo ke tár Nube ɓaa, gar-gar à tár ngokon’n tɔ. E ke nè á è ndukunn ke Krist kuwe unn ade jéi kété mari.

2 Jean 1:5

Kyria, ɗarinè m’ra ndoo rai’t: ade jè tári nan. E ndukunn ke ndɔ ke j’ingei kété mari ke desêin nga kuwe á m’ndang m’adi m è ke kige lé.