Jean 13:31 - Nouveau Testament en Gulay 2004

³¹ Loo ke Judas unde loo tee nata ɓá ɓaa, Jésu tam ede nè: – Ɗarinè d’ule ndubra dè’m man Ngonn doo’t ɓá ta. Nube géa d’ule ndubra dènn’t takul’m man Ngonn doo a tɔ.

Jean 13:31 ပူးပေါင်းရင်းမြစ်များ

Matthieu 8:20

Jésu tel ile’n dè’t ede nè: – Njange géa bolè tò de tò tutu a, helge géa ndis tò de tò tutu a tɔ. Nè man ke m’ee Ngonn doo nga, m’inge loo kule dè’m tutu taa kebe lé.

Tà ke Maje ke Luc ndang 12:50

Gar-gar nyankêmkon à pujur dè’m tite doo ke d’ule’n manné njonm bè. Nyan nè nga à nder dèm’t sár kade aw’n loon’t deĵ.

Jean 11:4

Loo ke Jésu oo tà nè ɓaa, è tam ede nè: – Ratur nè nga è ratur ke à tɔl Lazare lé, nè è tede kade dooge an-in tɔgmong le Nube. Takul ratur nè á d’a d’an’n tɔgmong ke Nube ade’m man Ngonn doo nga.

Jean 12:23

E ile de dè’t ede nè: – Gar-gar kàde kule ndubra dè’m man Ngonn doo’t nga ase ɓá ta.

Jean 12:28

Bɔ’m, i kile tɔgmong lei ke nata ade dooge geri! Ke loon’t nè kuwe ndu Nube ɓar danrán ede nè: – M’kile tɔgmong le’m ke nata kété ɓá. Nè m’a m’tel kile tɔgmong le’m ke nata kade d’an nja karé ɓai.

Jean 14:13

Nyange malang ke a i deji nin se ri’m nga, m’a m’ra kade dooge geri tɔgmong le Bɔ’m takul’m.

Jean 16:14

E nè nga à ule ndubra dèm’t tede à taa tàge le’m kaw’n kede sei.

Jean 7:39

E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.

Nyanra Njekawkulege 2:36

Pierre ede kosdoo-bulege ede nè: – Maje kade sei kosdooge ke Israel malang, i geri tà nè maje: Jésu nè ke sei ɓeri nin kàde kage-ke-dese’t nga, Nube tel ade è Kuwe-ɓee a, Krist a tɔ.

Nyanra Njekawkulege 3:13

Nube le kà jéige Abraham, Isaac se Jacob ule ndubra dè Jésu Ngonn njèkule’t le’n. Jésu nga, sei ulei nin ji njékonɓeege’t a, i naji se ra si dènn’t tàkum Pilate’t a tɔ; nè è an titeke kinye Jésu dɔ è soo’t.

2 Nje Ke Corinthe 3:18

Jèi malang ke d’ɔr tà kubu nè kum jéi’t kɔke nga, j’adi ndubra le Kuwe-ɓee kile ra’n ke nata asenan se kuturam bè. Jèi nga dé tel jèi ke kum gute tà Kuwe-ɓee. E nga ndubra le’n ke in dè made’t ke kété-kété nga tel è ndubra le jéi. E ke nè á è kule ra Ndil Kuwe-ɓee ke ra tede le jéi.

Nje Ke Ephese 1:12

Jèi dooge ke desêin ke j’undei kem̂ jéi dè Kris’t tchên nga, dé tɔr jèi le kade j’ulei ndubra dè Nube’t.

Nje Ke Ephese 2:7

Kem̂noje le Nube ke ra se jéi nga, gar’n goto. E ra titeke bè le tɔje’n jéi kem̂-maje le’n ke al dè loo kem̂ ndɔge ke à ree takul kum ke j’um nan’t bɔk se Jésu-Krist.

Nje Ke Ephese 3:10

Nè ɗarinè, takul njékebe nange le Nube á njékɔr non dooge se njétɔgmong-ge ke kem̂ danran’t dɔ geri kumkunju le Nube ke se ri’n-ri’n nga.

Nje Ke Philippes 2:11

Kerɔte kuwe, dooge karé-karé malang à tami ndàt kedi nè Jésu-Krist nga è Kuwe-ɓee le kilei riɓar dè Bɔ’n Nube’t.

1 Pierre 1:21

E takul’n è Krist á sei undei kem̂ si dè Nube’t ke njè kade unde loo tee dann njé ke koo’t a, ke njè kule ndubra dènn’t a tɔ. Gir’n ke nè á sei undei kem̂ si dè Nube’t a, kem̂ si too’n tchên ke dènn’t a tɔ.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 4:11

Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.