Jean 13:3 - Nouveau Testament en Gulay 2004

³ Jésu ger titeke Bɔ’n um nyange malang jinn’t. E ger titeke in ra Bɔ’n Nube’t a, à tel kaw rann’t gugu a tɔ.

Jean 13:3 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 13:1

Kété ɓita kade ndɔ ra nan Paque ase ɓai nga, Jésu ger titeke kàde ndɔte ɓee dè nang nè tel ke ra Bɔn’t nga ase ɓá. Njé ke le’n ke kinge’n ke ayé ndii dè nang nè ɓai nga, è tár de ngain. E tár de ade al dè loo’n.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 3:13

Doo karé bè géa in nang nè aw danrán lé ɓai. Nè man Ngonn doo á m’in danrán m’ree nang nè.

Jean 3:35

Bɔ Ngonn tár ngonn’n ngain. E tel se nyange malang um jinn’t.

Jean 7:29

Man ɓaa, m’ger’n tede m’in rann’t. E è kuwe á ule’m.

Jean 7:33

Jésu tam ndàt ede nè: – M’a m’nain se si mbɔr ɓita m’a m’tel kaw ra njèkulem’t ɓai.

Jean 8:14

Jésu tel ile Pharisienge dè’t ede nè: – Né m’tam tà m’ɔje’n dè ra’m man kuwe géa, kɔrgo tà le’m man nga, è ngarankum kɔrgo tà kuwe tede m’ger loo ke m’in tutu á m’ree a, m’ger loo ke m’a m’aw ke tutu a tɔ. Nè sei ɓaa, i geri loo kin-in’m éké loo kaw’m lé a tɔ.

Jean 8:42

Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.

Nyanra Njekawkulege 2:36

Pierre ede kosdoo-bulege ede nè: – Maje kade sei kosdooge ke Israel malang, i geri tà nè maje: Jésu nè ke sei ɓeri nin kàde kage-ke-dese’t nga, Nube tel ade è Kuwe-ɓee a, Krist a tɔ.

1 Nje Ke Corinthe 15:27

Dé ndang kêm Magtub ke tò se ninn’n d’ede nè: «Nube ule nyange malang gir nja Krist’t.»Nyange malang ei gir nja Krist’t, nè Nube kuwe se kar’n á goto tutu. Tede è se takul Nube á nyange malang ei gir tɔgmong’t le Krist.

Hebreuge 1:2

Nè kem̂ ndɔge ke ngeinn’t ɗarinè ɓaa, Nube ade Ngonn kem̂’n kuwe ree ede jèi tàge le’n ade j’ooi. Nube ɔr’n unde’n ke njè kɔi nyan-ndubege malang. E unde nyange se dooge malang takul Ngonn’n nè nga.