Jean 13:22 - Nouveau Testament en Gulay 2004

²² Njèkuwe-girnge an-in kum nan-nan anje ger doo ke è tam tà ɔje’n dè’n.

Jean 13:22 ပူးပေါင်းရင်းမြစ်များ

Matthieu 26:21

Loo ke ndii à usei nyan ɓaa, Jésu ede de ede nè: – Kerɔte kuwe, man m’ede sei ndàt, doo karé dann si’t à ule’m ji dooge’t.

Matthieu 26:22

Kum njékuwe-girnge malang il kororo ade unni gir deje’n tà se gonan-gonan edi nè: – Kuwe-ɓee, ké è man lé láa?

Marc 14:18

Loo ke ei ndii à usei nyan ɓaa, jésu ede de ede nè: – Kerɔte kuwe, man m’ede sei ndàt, doo karé dann si’t à unn dè’m. Doo nè à è ke karé dann njé ke ndii à usei se’m nyan’t nè.

Marc 14:19

Wur de gang mbann ade d’unn gir deji Jésu tà d’ede nè: – Ké è man lé láa?

Tà ke Maje ke Luc ndang 22:21

Nè an-in! è ke njèkule’m ji de’t nga ndi se’m nan’t tà nyankuse’t nè.

Tà ke Maje ke Luc ndang 22:23

Njékuwe-girnge unni gir deji nan tà dann de’t kuwe edi nè: – Ké nan dann jéi’t ayé ra nyan titeke bè wa?

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 13:21

Loo ke Jésu tam tà nè bè ɓaa, kêm’n tò kekek ade tam tàkum njékuwe-girnge’t mbeng ede nè: – Kerɔte kuwe, man m’ede sei ndàt, doo karé dann si’t à unn dè’m kade dé tɔl’m.