Jean 13:21 - Nouveau Testament en Gulay 2004

²¹ Loo ke Jésu tam tà nè bè ɓaa, kêm’n tò kekek ade tam tàkum njékuwe-girnge’t mbeng ede nè: – Kerɔte kuwe, man m’ede sei ndàt, doo karé dann si’t à unn dè’m kade dé tɔl’m.

Jean 13:21 ပူးပေါင်းရင်းမြစ်များ

Matthieu 26:21

Loo ke ndii à usei nyan ɓaa, Jésu ede de ede nè: – Kerɔte kuwe, man m’ede sei ndàt, doo karé dann si’t à ule’m ji dooge’t.

Matthieu 26:38

E ede de ede nè: – Kêm’m ndinge ra’m sár à kase yoo’m. I ndii loo ke nè’t, ɔgi kum si ɓi se’m.

Marc 14:18

Loo ke ei ndii à usei nyan ɓaa, jésu ede de ede nè: – Kerɔte kuwe, man m’ede sei ndàt, doo karé dann si’t à unn dè’m. Doo nè à è ke karé dann njé ke ndii à usei se’m nyan’t nè.

Marc 3:5

Jésu an de ɗêrêr-ɗêrêr ɓaa, wur’n ndir’n njàk-njàk tede kêm majelé le de. Go’t gugu è ede dingem ke ji’n wei tonrin nè nga ede nè: – I ndaje jii. Dingem nè nga ndaje ji’n ɓaa, tel tò karé titeke kété.

Jean 11:33

Jésu an Marie non a, Juipge ke danni nin géa noin a tɔ. Ke loon’t nè kuwe, Jésu an kumndoo le Marie ɓaa, ɔr tà’n deje de ede nè:

Jean 11:35

Ke loon’t nè kuwe, Jésu ur non sut.

Jean 11:38

Kêm Jésu tel tɔse’n se non mbik-mbik ade ɔte aw dè ɓada. Ɓade nè nga è bolè mbal ke dé son ɓaa, d’utu tà se kuberi her ke bòi.

Jean 12:27

Ɗarinè kêm’m tò kekek. Nè ké ri á m’a ra wa? Ké m’a deji Bɔ’m le kade taa’m tà yo’t kêm kàdenn’t nè wa? M’ree tede le kwei ɓaa, m’a m’wei kuwe.

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 13:2

Loo ke Jésu se njékuwe-girnge ndii tà nyankuse’t ɓaa, sú ree dubu tà kunn dè Jésu kêm ɓengre Judas Iskariot ngonn Simon.

Jean 13:22

Njèkuwe-girnge an-in kum nan-nan anje ger doo ke è tam tà ɔje’n dè’n.

Nyanra Njekawkulege 17:16

Loo ke Paul ndi à ngine Silas se Timothée kêm ɓee-bò ke Athènes nga ɓaa, è an magege taai kêm ɓee-bò nè nga pel-pel. Gir’n ke nè á wong ra’n ade kêm’n aw biriri-biriri.

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.