Jean 13:19 - Nouveau Testament en Gulay 2004

¹⁹ Ɗarinè, man m’ede sei tà nè nga kété ɓita kade nyan’n tee ɓai. Titeke bè á loo ke nyan’n à tee ɓaa, sei a kundei kêm si dèm’t titeke man Ngonn doo nga, m’ee Krist kerɔte kuwe.

Jean 13:19 ပူးပေါင်းရင်းမြစ်များ

Matthieu 11:3

– Ké è i nga kuwe á kété d’ede nè: gar-gar a i ree éké jè ndi jè ngine doo ke rang ɓai wa?

Matthieu 24:25

Gir’n ke nè á man m’ede’n sei tà nyange nè nga kété kade ooi.

Tà ke Maje ke Luc ndang 21:13

Loo ke ndɔn’t nyange nè malang à teei dè si’t titeke bè ɓaa, è ndɔ ke kanm kade ɔri go tà le’m man. Loo ke d’a kali sei kaw se si non ngar-ɓeege’t, se non njékonɓeege’t ɓaa,

Jean 1:15

Jean ɔrgo tà ɔje’n dè Ngonn nè nga se ndu’n ke bòi ede nè: – An-in! è ke ndɔ ke m’tam tà le’n m’ede sei m’ede nè: «Doo karé ke è nonm’t kété à ree goom’t gugu non, tede è ndi tutu kété ɓita d’oje’m ɓai.»

Jean 14:29

Ɗarinè m’ede sei tà nè nga kété ɓita kade nyan’n tee ɓai. Titeke bè á, loo ke nyan’n à tee ɓaa, undei kêm si dè’t.

Jean 16:4

Nè man m’ede sei tà nyange nè nga kété tede kade loo ke kàde’n le de à tee ɓaa, kêm si olé’n dè tàge ke kété m’ede sei’t nga. Man m’ede sei tà nyange nè nga kété lé tede nain ke m’nain se si ɓai.

Jean 4:26

Jésu tel edé ede nè: – Man ke m’nda m’tam sei tà nè kuwe á man m’ee Krist nga.

Jean 8:28

Jésu tel ede de ede nè: – Loo ke ndɔn’t a i ɓeri Ngonn doo dɔ kàde kage-ke-dese’t pa ɓita a i geri titeke man nga m’ee Krist. Kêm ndɔn’t nè tá a i geri titeke man kuwe m’in se dè’m m’ra nyan karé lé, nè nyange ke Bɔ’m ndó’m á m’tam tà’n m’ede sei.

Jean 8:58

Jésu ede de ede nè: – Kerɔte kuwe, man m’ede sei ndàt, man m’ndi tutu kété ɓita kade d’oje kà si Abraham nga ɓai.