Jean 13:18 - Nouveau Testament en Gulay 2004

¹⁸ Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 13:18 ပူးပေါင်းရင်းမြစ်များ

Matthieu 10:36

Njékêmkeige le doo karé à teli k’ei njébange le’n.

Matthieu 26:21

Loo ke ndii à usei nyan ɓaa, Jésu ede de ede nè: – Kerɔte kuwe, man m’ede sei ndàt, doo karé dann si’t à ule’m ji dooge’t.

Matthieu 26:23

Jésu tel ile de dè’t ede nè: – E è ke ule ji’n se’m nan’t kêm nyankuse nyan’t kuwe á à ule’m ji dooge’t.

Marc 14:17

Loo ke kàde ur ɓá ɓaa, Jésu ree se njékuwe-girnge ke dɔg-gidé-joo.

Marc 14:18

Loo ke ei ndii à usei nyan ɓaa, jésu ede de ede nè: – Kerɔte kuwe, man m’ede sei ndàt, doo karé dann si’t à unn dè’m. Doo nè à è ke karé dann njé ke ndii à usei se’m nyan’t nè.

Marc 14:20

Jésu ede de ede nè: – E doo karé dann si sei njékuwe-girmge ke dɔg-gidé-joo ke ule ji’n kêm tasa tar’t se’m nan’t nè kuwe.

Tà ke Maje ke Luc ndang 22:21

Nè an-in! è ke njèkule’m ji de’t nga ndi se’m nan’t tà nyankuse’t nè.

Jean 13:21

Loo ke Jésu tam tà nè bè ɓaa, kêm’n tò kekek ade tam tàkum njékuwe-girnge’t mbeng ede nè: – Kerɔte kuwe, man m’ede sei ndàt, doo karé dann si’t à unn dè’m kade dé tɔl’m.

Jean 13:22

Njèkuwe-girnge an-in kum nan-nan anje ger doo ke è tam tà ɔje’n dè’n.

Jean 13:26

Jésu tel ile’n dè’t ede nè: – Doo ke man m’a m’tête mapa kule kum tar’t kade’n ɓaa, è è nga kuwe. Loo ke Jésu tam tà nè nga bè ɓaa, go’t gugu è tête mapa ule kum tar’t ade Judas Iskariot ngonn Simon.

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Jean 15:19

Ke nè á sei le dè nang nè ɓaa, njé ke dè nang nè ayé ndigi sei tede ei ndigi nyan ke è nyan kinge de tá. Sei nga, sei le dè nè nang lé; nè è man kuwe m’tɔr sei dann de’t kɔke m’unde sei se ninn’n dè nang nè. Gir’n ke nè á njé ke dè nang nè ɔri sei njêt.

Jean 15:25

Nè dé ra titeke bè tede kade tà nè ke dé ndang kêm magtub gute-ndu’t le de d’ede nè: «D’ɔr’m njêt karè bè» nga, aw’n loon’t deĵ.

Jean 17:12

Njé ke i um de jim’t nga, kété ke m’nain’n se de dè nang nè ɓai m’ngonm de se tɔgmong ke i ade’m. M’ɔge kum’m ɓi m’an-in’n ngang de garar-garar, m’ade doo karé bè géa tuju dann de’t lé; nè è ke ayé tuju ra’n nga kuwe se kar’n bere. E titeke bè tede kade tà ke tò kêm magtub’t ke tò se ninn’n aw’n loon’t deĵ.

Jean 18:32

Tà ke Jésu tam ɔje dè ɓer ke d’ayé ɓer’n kade kage-ke-dese’t nga aw loon’t deĵ.

Jean 19:24

Njérɔge edi nan edi nè: – Adi jè tili kubu ke bòi yul nè nga lé, nè adi jè turi jala dè’t j’an-in, ké nan kubu nè à è le’n wa? Titeke bè á tà ke dé ndang kêm magtub’t kété nga aw loon’t deĵ. Dé ndang d’ede nè: «Dé kai nan kubuge le’m, nè kubu le’m ke bòi yul ɓaa, dé tur jala dè’t.» E á è nyan ke njérɔge rai titeke bè.

Jean 19:36

Nyange nè teei titeke bè tede kade tà ke Magtub ke tò se ninn’n tam kété nga aw’n loon’t deĵ. Dé ndang kêm magtub’t d’ede nè: «D’a tête kinge’n karé bè géa dann madege’t lé.»

Jean 21:17

Jésu deje Simon njèkon’t mute ede nè: – Simon, ngonn le Jean, ké i ndige’m kerɔte kuwe wa? Kêm Pierre on’n tede deje ke Jésu tel deje’n njèkon’t mute ede nè: – Ké i ndige’m kerɔte kuwe wa? Taɓai Pierre tel ede Jésu ede nè: – Kuwe-ɓee, i ger nyange malang ɓá, i ger titeke m’ndigi kerɔte kuwe. Jésu tel ede Simon Pierre ede nè: – Bè ɓaa, ul ngann batege le’m ade’m sei.

Jean 6:70

Jésu tel deje de ede nè: – Sei ke dɔg-gidé-joo nè nga, ké è man kuwe á m’tɔr sei lé wa? Nè né è bè géa, è ke karé dann si’t tel è doo le sú ke njèkêmyêr.

Nyanra Njekawkulege 1:16

– Ngakonmge se kon nannemge, tà ke Ndil-Kêmnda tam kété kêm Magtub ke tò se ninn’n nga, aw loon’t deĵ. Ndil-Kêmnda ule tà tà David’t ade tam ɔje’n dè Judas kété. Judas nè ɔse wan tel è njèkɔr non njé kuwe Jésuge.

Nyanra Njekawkulege 1:2

sár tee’n kêm ndɔ ke Nube unn’n aw’n se’n danrán. Jésu unn ndu’n se go tɔgmong le Ndil-Kêmnda ade njékawkulege ke è tɔr de unde de se ninn de.

2 Nje Ke Corinthe 4:5

Mber ke j’ile nga, j’ile j’ɔje’n dè ra jé jè kuwe lé. Nè j’ile mber j’ɔje’n dè Kuwe-ɓee Jésu-Krist. Jè ɓaa, jè ɓer kulege le si tede tà le Jésu.

Hebreuge 4:13

Nyankunde le Nube karé bè ke ɓɔyɔ ra’n tàkumn’t goto. Nyan malang tò nata ndái-ndái tàkum è ke ndɔn’t j’à tutei go nyanra jéi kadi nin.

Lookilera’n 2:23

M’a m’ade yo-kos à tɔl ngannenge kabak. Bè tá njékebe nange le Nube malang à geri titeke man m’ee njè ter tàgir le dooge ke dè ɓengre de’t. Man m’uge nanan géa dann si’t se go kule ra’n.