Jean 13:14 - Nouveau Testament en Gulay 2004

¹⁴ Man ke m’ee Kuwe-ɓee a, njèndó dooge nyan nga, ke nè á m’togo nja si ɓaa, gar-gar sei géa è tà le si le kade i togoi nja nan titeke bè tɔ.

Jean 13:14 ပူးပေါင်းရင်းမြစ်များ

Jean 11:2

E Marie nè nga kuwe á ndɔ ke tête wubu ke dé ra se myrrhe dè Kuwe-ɓee Jésu’t a, tel bɔr njà’n se bin dè’n a tɔ. E ngokon’n Lazare á tò tà yo’t.

Nyanra Njekawkulege 20:35

M’ndó sei titeke bè ɔje dè nyan malang, kade ulei ra si ndibe loo ra kule’t gar-gar tede le ra’n se njétɔg gotoge. Adi kêm si olé dè tàge’t ke Kuwe-ɓee Jésu kuwe tam ede nè: «Kunn nyan kade è ranel ngain dum taa nyan.»

Nje Ke Rome 12:10

I tári nan tite ngakon nange bè se kêmnda káng. Ilei riɓar dè njé ke rang’t adi dum dè riɓar le si sei.

Nje Ke Rome 12:16

Adi tàgir le si è karé. Adi ngur k’ee doo ke bò dann made sige’t ra sei pênn-pênn lé. Nè adi ngur ra kule ke pêli-pêli se ngonn koje tá ra sei. An-in ra si ke njékumkunjuge lé.

1 Nje Ke Corinthe 12:3

Gir’n ke nè á man m’ede sei ndàt: ke nè á doo tam ede nè Jésu è doo ke majelé ɓaa, è Ndil-Kêmnda á ule tà nè tànn’t ade tam lé. Ke nè á doo tam ede nè Jésu è Kuwe-ɓee ɓaa, è Ndil-Kêmnda á ule tà nè tànn’t ade tam bè.

1 Nje Ke Corinthe 8:13

Gir’n ke nè á, ke nè á m’an titeke nyankuse à ade ngokon’m à oso dann majelé’t ɓaa, mbate kuse dan nè nga njing è soo’t dum kade ngokon’m oso dann majelé’t tede tà le’m.

2 Nje Ke Corinthe 10:1

Man Paul kuwe, m’ndeje sei se go ndu noje a, se go kêm-maje le Krist a tɔ. Man nga, dooge ke nange tami se’m edi nè: loo ke m’nda tàkum si’t ɓaa, m’ee doo ke sɔl lom-lom; nè loo ke m’goto dann si’t ɓaa, m’ee njè tà tur.

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.

Nje Ke Galatie 5:13

Ngakonmge, sei nga dé ɓar sei le kade i ndii dè si pal. Nè maje kade edi gos dè ndi dè pal’t nè nga le ra’n nyange le danra karè lé. I rai ɓer le nan tede tár ke sei tári nan nga.

Nje Ke Philippes 2:11

Kerɔte kuwe, dooge karé-karé malang à tami ndàt kedi nè Jésu-Krist nga è Kuwe-ɓee le kilei riɓar dè Bɔ’n Nube’t.

1 Timothee 5:10

Gar-gar, njèkei-kinge à è doo ke d’ɔrgo nyanra’n ke maje a, à è njè koto ngannenge maje a, à è njè ra mba a, à è njè togo nja dooge le Nube a, à è njè ra se njé ke ndii dann nyantosowurge’t a, à è njè ra kulege ke maje malang se ndɔ’n-ndɔ’n a tɔ.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

1 Pierre 4:1

Krist nga nyankem̂kon ra ra’n. Sei géa, maje kade unni tàgir le Krist nè nga ke nyankate le rɔ’n se kaiya. Doo ke nyankem̂kon ra ra’n nga à ebe ra’n dè ra majelé’t.

1 Pierre 5:5

Sei basage géa, maje kade ulei dè si adi ngatɔgege. Maje kade sei malang i rai ra si ke ngann njékulege le nan tede Nube ute njé ti rage mbeng, nè è uwe noje se njé kule dè dege.