Jean 13:11 - Nouveau Testament en Gulay 2004

¹¹ Jésu ger doo ke ayé kunn dè’n nga mbak. Gir’n ke nè è tam’n ede nè: «Sei nga unji malang lé.»

Jean 13:11 ပူးပေါင်းရင်းမြစ်များ

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 13:2

Loo ke Jésu se njékuwe-girnge ndii tà nyankuse’t ɓaa, sú ree dubu tà kunn dè Jésu kêm ɓengre Judas Iskariot ngonn Simon.

Jean 13:21

Loo ke Jésu tam tà nè bè ɓaa, kêm’n tò kekek ade tam tàkum njékuwe-girnge’t mbeng ede nè: – Kerɔte kuwe, man m’ede sei ndàt, doo karé dann si’t à unn dè’m kade dé tɔl’m.

Jean 13:26

Jésu tel ile’n dè’t ede nè: – Doo ke man m’a m’tête mapa kule kum tar’t kade’n ɓaa, è è nga kuwe. Loo ke Jésu tam tà nè nga bè ɓaa, go’t gugu è tête mapa ule kum tar’t ade Judas Iskariot ngonn Simon.

Jean 17:12

Njé ke i um de jim’t nga, kété ke m’nain’n se de dè nang nè ɓai m’ngonm de se tɔgmong ke i ade’m. M’ɔge kum’m ɓi m’an-in’n ngang de garar-garar, m’ade doo karé bè géa tuju dann de’t lé; nè è ke ayé tuju ra’n nga kuwe se kar’n bere. E titeke bè tede kade tà ke tò kêm magtub’t ke tò se ninn’n aw’n loon’t deĵ.

Jean 18:4

Jésu ger nyan malang ke ayé tee dènn’t nga mbak. E njiye ngatat tile kum de, è deje de ede nè: – Ké i sangi nan wa?

Jean 2:25

E aw ndoo kade doo karé ɔrgo tà le doo ade’n lé. Tede è ger nyan ke tò dè ɓengre doo’t.