Jean 13:1 - Nouveau Testament en Gulay 2004

¹ Kété ɓita kade ndɔ ra nan Paque ase ɓai nga, Jésu ger titeke kàde ndɔte ɓee dè nang nè tel ke ra Bɔn’t nga ase ɓá. Njé ke le’n ke kinge’n ke ayé ndii dè nang nè ɓai nga, è tár de ngain. E tár de ade al dè loo’n.

Jean 13:1 ပူးပေါင်းရင်းမြစ်များ

Matthieu 26:45

E tel ree ra njékuwe-girnge’t ɓai ede de ede nè: – Ké a ɔdi nan tò ɓi se taa kebe le si nga kuwe ɓai wa? An-in! kàde ke d’ule’m man ke m’ee Ngonn doo ji njé ra majelége’t ase ɓá ta.

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Tà ke Maje ke Luc ndang 22:53

M’ee nan’t se si se ndɔ’m-ndɔ’m kêm kei le Nube nè sei ulei ji si lêm ɔdii man ndɔ karé lé. Nè ɗarinè è kàde’n le si a, è kàde’n le njèkonɓee tilkus’t a tɔ.

Tà ke Maje ke Luc ndang 9:51

Ndɔ ke d’a d’unn Jésu dè nang nè kaw se’n danrán nain ngɔr ta. E ɔje njáng le kaw kêm ɓee-bò ke Jérusalem.

Jean 11:55

Ndɔ ra nan Paque le Juipge nain ngɔr. Dooge ngain in-in se kêm ɓee-ɓee reei kêm ɓee-bò ke Jérusalem kété tede kɔr ra de gonm.

Jean 12:23

E ile de dè’t ede nè: – Gar-gar kàde kule ndubra dè’m man Ngonn doo’t nga ase ɓá ta.

Jean 13:29

Judas è njè ngonm mbu nar nyankuse ke dé tann. Dooge ke nange giri edi nè: Jésu ede’n kade aw ndogo nyan ke awi ndoo’n le ra’n nan Paque. Njé ke nange giri edi nè: Jésu ede’n le kade nobo njéndooge nyan.

Jean 13:3

Jésu ger titeke Bɔ’n um nyange malang jinn’t. E ger titeke in ra Bɔ’n Nube’t a, à tel kaw rann’t gugu a tɔ.

Jean 13:34

Man m’ade sei ndukunn ke kige. I tári nan titeke man géa m’tár’n sei bè tɔ.

Jean 14:28

M’a m’aw nè m’a m’tel ree ra si’t ɓai. Kété kuwe m’ede sei tà nè nga m’ade ooi ɓá. Ke nè á ndɔ ke i tári man ɓaa né a i rai ranel dè tel ke m’a m’tel kaw ra Bɔm’t nga, tede è bòi dum’m.

Jean 14:31

Nè maje kade dooge ke dè nang nè geri tite m’tár Bɔ’m. Gir’n ke nè á m’ra’n nyan malang se go ndukunn le’n. In-in dɔ ade j’awi loo ke rang’t.

Jean 16:28

Man m’in ra Bɔm’t nú á m’ree dè nang nè. Ɗarinè man m’inye nang nè le tel kaw ra Bɔm’t gugu.

Jean 17:1

Loo ke Jésu ede njékuwe-girnge tàge nè gir gang ɓá ɓaa, è unn kum’n ke danrán ede nè: – Bɔ’m, kàde’n ree ɓá ta. Ile riɓar dè ngonni’t, tede kade ngonni géa ile riɓar dèi’t tɔ.

Jean 17:16

Dé nga dé le nang nè lé, titeke man géa, m’ee’n le nang nè lé tɔ.

Jean 17:26

M’ribe se de dè rii m’ade geri nin ɓá, nè né è bè géa m’a m’tel ribe se de dè rii kade geri nin njai. Titeke bè á tár ke i tár’m nga, à urkei kêm de’t tede kade man géa m’um’n se de nan’t bɔk a tɔ.

Jean 17:5

Bɔ’m, riɓar ke m’inge rai’t nú kété ɓita unde nang nè ɓai nga, i tel ile dèm’t ɗarinè ta.

Jean 18:4

Jésu ger nyan malang ke ayé tee dènn’t nga mbak. E njiye ngatat tile kum de, è deje de ede nè: – Ké i sangi nan wa?

Jean 19:28

Jésu ger titeke ɗarinè gir nyan malang gang ɓá. Gir’n ke nè á è tam ede nè: – Kunde mann ra’m. E tam titeke bè le kade tà ke tò kêm magtub ke tò se ninn’n aw’n loon’t deĵ.

Jean 2:13

Ndɔ ra nan Paque le Juipge nain ngɔr. Jésu in aw kêm ɓee-bò ke Jérusalem.

Jean 6:4

Nè ndɔ ra nan Paque le Juipge nain ngɔr.

Jean 7:30

Loo ke Jésu tam tà nè titeke bè ɓaa, dé sang le kuwe’n, nè doo karé bè géa ule ji’n ɔde’n lêm lé tede kàde le’n nain ɓai.

Jean 7:6

Jésu ede de ede nè: – Man ɓaa, ndɔ le’m ke kanm nain ɓai, nè sei ɓaa i ndii tchên se ndɔge malang.

Jean 8:20

Jésu ndi ngɔr se ke kɔg-loo ngonm nar’t. E tam tàge nè nga loo ke ndi à ndó’n de nyan kêm kei le Nube. Nè doo karé bè géa uwe’n lé tede kàde’n le’n nain ɓai.

Nje Ke Rome 8:37

Nè jè têti rɔ nyange nè nga malang takul tɔgmong le Nube ke njè tár jèi nga kum jéi ke kété.

1 Nje Ke Corinthe 1:8

E Kuwe-ɓee le jéi Jésu-Krist nga kuwe á ade a i ndai njáng dè kunde-kêm’t le si sár ndɔ ke ngeinn’t. Titeke bè á tà karé bè géa à uwe dè si kêm ndɔn’t le Kuwe-ɓee le jéi Jésu-Krist nga lé.

Hebreuge 3:14

Ke nè á jè ndai njáng dè kundekem̂’t le jéi ke desêin sár ndɔ ke ngeinn’t ɓaa, j’à j’oréi nan se Krist dè nyanbawge’t le’n kerɔte kuwe.

Hebreuge 3:6

Nè Krist ɓaa, è Ngonn ke ase; è á Nube ɔr’n unde’n ke njèkan dè loo kem̂ kei le’n. E ra kule le’n se ngonn koje. Ke nè á jè ndai kem̂ jéi káng dè kundekem̂ tchên ke jè ndii jè pitii ra jéi’t nga ɓaa, j’à jè kei le Nube kuwe.

Hebreuge 6:11

Nè jè ndige kade nanan géa dann si’t ute ra’n kalang titeke kété sár kade è an’n nyan ke è unde kem̂’n tchên dè’t nga se kum’n ndɔ ke rang.

1 Pierre 1:13

Bè ɓaa, adi tàgir le si ndikum a, i ndii kum si karè. Undei kem̂ si tchên dè noje ke d’a d’uwe se si ndɔ tel ree’t le Jésu-Krist.

1 Jean 4:19

Jèi ɓaa, jè tári Nube tede è kuwe á tár jèi kété.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.