Jean 12:6 - Nouveau Testament en Gulay 2004

⁶ Judas nga usu’n nyan dè njéndooge’t lé, nè è tam tà nè nga titeke bè tede k’ee ke è njè koto mbu nar nyankuse ke dé tann d’ade ngonm. E mêndé nar nè nga ndêin-ndêin.

Jean 12:6 ပူးပေါင်းရင်းမြစ်များ

Matthieu 21:13

Jésu ede de ede nè: – Dé ndang kêm magtub ke tò se ninn’n d’ede nè: «Kei le’m nga ,d’a ɓar’n kei kɔje tà se Nube.» Nè sei ɓaa, i telii ke mbonreen loo ɓɔyɔ ra le gon-ɓogege.

Tà ke Maje ke Luc ndang 8:3

se Jeanne, dinye le Suza njèkan dè nyange le ngar Hérode, se Suzanne a, se njé ke rang bule a tɔ. Dinyege nè malang unni nyankingege le de rai se Jésu se njékuwe-girnge.

Jean 10:13

E tee an-in tede è njèkul batege lé.

Jean 12:5

– Ké bain á d’ige wubu itir nè nga kum nar kule ke ndɔ aru mute le kai nar’n njéndooge lé wa?

Jean 13:29

Judas è njè ngonm mbu nar nyankuse ke dé tann. Dooge ke nange giri edi nè: Jésu ede’n kade aw ndogo nyan ke awi ndoo’n le ra’n nan Paque. Njé ke nange giri edi nè: Jésu ede’n le kade nobo njéndooge nyan.

1 Nje Ke Corinthe 6:10

njéɓog-ge, njékêmkeinge, njé ke yibe ule mbe dè de’t, njé tête tàge éké njé banm dooge táa nyange le de nga, à ilei nja de kêm Konɓee’t le Nube ndan lé.

Nje Ke Galatie 2:10

Nyan karé ke ei ndigi le kade jè ra ɓaa, è le kade j’ade kem̂ jé olé dè njéndooge’t. E ke nè nga è nyan ke m’tɔse kum’m dè’t m’ra se ngarankem̂’m kuwe tɔ.

1 Nje Ke Thessalonique 5:22

Majelé ke rara géa ɔgi ra si dè’t kɔke.

Jacques 2:2

Bainléa doo karé ule ninge bise ke dé ra se nar-ɔr jinn’t a, ule kubu ke ndolé rann’t ree’n loo kebe nan’t. Bainléa doo karé ke njèndoo ule kubu ke tò yoro rann’t ree’n loo kebe nan’t nè nga tɔ.

Jacques 2:6

Nè sei ɓaa, ilei rasɔl dè njèndoo’t. Ké nange á ei njékon sei njanm-njanmge a, njé kali sei kawi se si loo gangtà’t nga wa? Ké è dé bawge nè nga lé ɓai wa?