Jean 12:49 - Nouveau Testament en Gulay 2004

⁴⁹ E man kuwe á m’in se dè ra’m m’tam tàge nè nga lé, nè Bɔ’m ke njèkule’m kuwe á unn ndu’n ade’m ɔje dè tàge ke kum tam se kile mber’n a tɔ.

Jean 12:49 ပူးပေါင်းရင်းမြစ်များ

Jean 14:10

Ké i unde kêmi dè’t titeke man se Bɔ’m jè karé bere lé wa? Ké i ger titeke m’um se’n nan’t bɔk a, è géa um se’m nan’t bɔk a tɔ lé wa? Tàge ke m’ede sei nga, è man kuwe á m’in se dè ra’m m’ede sei lé, nè è Bɔ’m ke um se’m nan’t bɔk kuwe á ra kulege le’n.

Jean 14:24

Doo ke tár’m lé nga an dè tà le’m sêw-sêw lé. Tà ke sei ooi nè nga in ra’m man’t lé, nè in ra Bɔ’m ke njèkulem’t nga kuwe.

Jean 14:31

Nè maje kade dooge ke dè nang nè geri tite m’tár Bɔ’m. Gir’n ke nè á m’ra’n nyan malang se go ndukunn le’n. In-in dɔ ade j’awi loo ke rang’t.

Jean 15:15

Ɗarinè man m’ɓar sei ngann njéndige gugu lé ta, tede ngonn njèndi nga ger nyanra kuwe’n lé. Man m’ɓar sei kotárge le’m tede nyan malang ke m’oo tà’n ra Bɔm’t nga, m’ribe se si dè m’ade i geri ɓá.

Jean 17:8

Tàge ke i ede’m kété nga, man géa m’ree’n m’ede de a, dé taa a tɔ. Dé ger get titeke man nga m’in rai’t. Kule ke i ule’m nga d’um kêm de dè’t kuwe.

Jean 3:11

Kerɔte kuwe man m’edi ndàt, jè tam tà nyan ke jè ger a, j’ɔrgo tà nyan ke j’an se kum jé a tɔ. Nè sei taai tà ke j’ɔrgo j’ade sei nga lé.

Jean 3:32

E ɔrgo tà nyange ke è an se kum’n a, oo se mbi’n a tɔ. Nè doo karé bè géa taa tà le’n ke è ɔrgo nga lé.

Jean 5:19

Jesu tel unn tà tam ede de ede nè: – Kerɔte kuwe, man m’ede sei ndàt, Ngonn asekum ra nyan karé bè se dè ra’n lé, nè nyan ke è an ra Bɔn’t á è ra. Tede nyan malang ke Bɔ ngonn ra nga, ngonn’n géa à ra titeke bè tɔ.

Jean 5:30

Man m’asekum ra nyan karé se dè ra’m lé. M’gangtà se go tà ke m’oo. Gangtà le’m nga è se go rebe’n tede m’sang le ra nyan ke kêm man á ndige lé, nè nyan ke kêm’m ke njèkule’m á ndige.

Jean 6:68

Simon Pierre tel ilé dè’t ede nè: – Kuwe-ɓee, ké nan le jé á j’ayé kinyei kaw rann’t ɓai wa? I kuwe se kari bere á aw se tàge ke doo à ndii’n kumgajer sár se non.

Jean 7:16

Jésu tel ile de dè’t ede nè: – Nyan le’m ke m’ndó dooge nga in ram’t lé, nè in ra è njèkulem’t nga.

Jean 8:26

M’aw se tàge ngain ke ɔji dè si le tam a, m’aw se tàge ngain le gang dè si’t a tɔ. Nè njèkule’m nga tam ngarankum tà. Tàge ke m’oo tann’t á m’ede dooge ke dè nang nè.

Jean 8:28

Jésu tel ede de ede nè: – Loo ke ndɔn’t a i ɓeri Ngonn doo dɔ kàde kage-ke-dese’t pa ɓita a i geri titeke man nga m’ee Krist. Kêm ndɔn’t nè tá a i geri titeke man kuwe m’in se dè’m m’ra nyan karé lé, nè nyange ke Bɔ’m ndó’m á m’tam tà’n m’ede sei.

Jean 8:42

Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.

Lookilera’n 1:1

Nyange ke tooi loo ɓɔyɔn’t ke Nube ribe dè ade Jésu-Krist. Jésu-Krist ribe dè nyange ke tooi loo ɓɔyɔn’t nè nga ade ɓer kulege le’n. Nyange ke Nube ade Jésu-Krist ribe dè ade ɓer kulege le’n nga, gar-gar ei nyange ke à reei ngɔr kuwe. Jésu-Krist ule doo le’n ke danrán karé ade ree tɔje Jean ɓer le’n nyange nè nga.