Jean 12:48 - Nouveau Testament en Gulay 2004

⁴⁸ Nanan ke ute’m mbeng taa tàge le’m lé ɓaa, njègangtà dènn’t ndi tutu ɓá ta. Tà le’m ke m’tam nga kuwe à gangtà dènn’t ndɔ ke ngeinn’t.

Jean 12:48 ပူးပေါင်းရင်းမြစ်များ

Matthieu 10:15

Kerɔte kuwe, man m’ede sei ndàt, ndɔ gangtà’t nga nyan ke ndɔ ke tee dè njé ke ɓeekon ke Sodome se Gomorhhe nga géa è soo’t dum le dooge ke kêm ɓee-bò’t nè nga ɓai.

Matthieu 21:42

Jésu tel ede de ede nè: – Tà ke dé ndang kêm magtub ge ke tò se ninn’n d’ede nè: «Kuberi her ke njékunde keige mbati nin nga, tel è kuberi her ke njè mong dè kum kei. E ke nè á è kule ra Kuwe-ɓee. Jè j’an ke nyan ke dum kum jé.» Tà nè nga ké sei tutei ndɔ karé bè ndan lé ɓai wa?

Matthieu 25:31

Loo ke man ke m’ee Ngonn doo m’a m’tel ree se dooge ke danrán malang dann ndubra’t le’m, kêm ndɔn’t nè nga m’a m’al ɗáng ndi dè kutu-ngar’t le’m.

Marc 12:10

Magtub ke tò se ninn’n tam ede nè: «Kuberi her ke njékunde keige an-in ke nyan lé nga, tel è njè mong kum kei ke get-get.

Marc 16:16

Doo ke um kêm’n dè Tà ke Maje’t ade d’ule’n manné njonm ɓaa, d’a d’aje’n. Nè doo ke um kêm’n dè’t lé ɓaa, tà à uwe dè’n ndɔ gangtà’t.

Marc 8:31

Unn gir kêm ndɔn’t nè nga, Jésu ede njékuwe-girnge ede nè: – Man ke m’ee Ngonn doo nga, nyankêmkonge ngain à rai man. Ngatɔgege le Israel se njékɔrgir gute-nduge se maw njékuje nyan-mesege à utei man mbeng a, à tɔli man a tɔ. Ndɔ ke njèkon’t mute ɓaa, m’a m’unde loo tee dann njé ke koo’t.

Tà ke Maje ke Luc ndang 10:16

Jésu tel ede njékuwe-girnge ede nè: – Nanan ke ur mbi’n oo’n tà le si ɓaa, è man kuwe á ur mbi’n oo’n tà le’m. Doo ke rara ke ute sei mbeng ɓaa, è man kuwe á ute’m mbeng. Ke nè á doo ute’m man mbeng ɓaa, è njèkule’m á ute’n mbeng m è man lé.

Tà ke Maje ke Luc ndang 17:25

Nè kété ɓita kade m’tel m’ree ɓaa, gar-gar nyantosowurge à rai man a, dooge ke ndii dè nang nè ɗarinè à utei man mbeng a tɔ.

Tà ke Maje ke Luc ndang 20:17

Nè Jésu mer de an de gerer ɓaa deje ede nè: – A ɓaa tà ke jè tutei kêm Magtub’t le Nube ke tam ede nè: «Kuberi her ke njékunde keige ilei piring kɔke nga, tel kuberi her ke njèkade loo rɔte dè kum kei ndi tà nan’t maje» nga, ké gir’n ke get è ri wa?

Tà ke Maje ke Luc ndang 7:30

Nè Pharisienge se njéndó dooge gute-ndu Nube d’ute nyan ke Nube ndige kade dé ra nga mbeng mbati kade Jean ule de manné njonm.

Tà ke Maje ke Luc ndang 9:22

Taɓai è ede de ede nè: – Man ke m’ee Ngonn doo nga, gar-gar m’a m’inge nyantosowur. Ngatɔgege le juipge se maw njékuje nyan-mesege a, se njékɔrgir gute-nduge à adi d’ade ɓer’m kàde kage-ke-dese’t. Nè ndɔ ke njèkon’t mute ɓaa, m’a m’unde loo tee dann njé ke koo’t.

Tà ke Maje ke Luc ndang 9:26

Ke nè á doo karé ra rasɔl dèm’t se dè tàge’t le’m ɓaa, man ke m’ee Ngonn doo nga, ndɔ ke m’a m’tel ree dann ndubra’t le’m se le Bɔ’m se le njékêmndage ke danrán a tɔ ɓaa, ra’m à sɔl’m dènn’t tɔ.

Jean 11:24

Marthe tel ede Jésu ede nè: – M’ger maje titeke à unde loo tee dann njé ke koo’t ndɔ ke ngeinn’t.

Jean 5:45

An-in tá nè a i giri titeke è man á m’a m’ile tà dè si’t non Bɔm’t, nè è Moise ke sei undei kêm si tchên dènn’t nga á è njèkile tà dè si’t.

Jean 6:39

Njé ke Bɔ’m ke njèkule’m ade’m se de malang nga, è ndige le kade doo karé bè géa dann de’t tuju lé. Nè è ndige le kade m’ade undei loo teei dann njé ke koo’t ndɔ ke ngeinn’t.

Jean 8:47

Nanan ke è le Nube ɓaa à ur mbi’n le koo’n tàge le Nube. Nè sei uri mbi si ooi tàge le Nube lé, tede sei sei lennge lé.

Nyanra Njekawkulege 17:31

E ɔje ndɔ karé ke le gang’n tà se dè naje’n dè dooge malang ke ndii dè nang nè. Nube ɔr doo karé unde’n ke njègangtà ɓá. Doo nè nga, Nube ade unde loo tee dann njé ke koo’t tede kade dooge malang undei kêm de dènn’t.

Nyanra Njekawkulege 3:23

Nanan ke ur mbi’n oo’n tà le njéribe-dè-tàge ke tà Nube’t nè nga lé ɓaa, d’a d’ade kum’n à udu dann kosdooge’t le Nube.»

Nje Ke Rome 2:16

Nyange malang à tooi nata ndái-ndái kêm ndɔ ke Nube à ade Jésu-Krist à gang’n tà dè nyange ke majelé ke dooge rai se go ngein. Tà ke Maje ke m’ile mber’n nga tam bè kuwe.

2 Nje Ke Corinthe 4:3

Ke nè á Tà ke Maje le jé tò putru ɓila ɓai, tò putru tede le njé ke d’ayé kaw ke loo tuju’t.

2 Nje Ke Thessalonique 1:8

Kem̂ ndɔn’t nè nga, kuwe jéi Jésu à ade kure nyanra njé ke geri Nube lé se njé ke ilei koje dè Tà ke Maje’t le kuwe jéi Jésu-Krist lé à ɔde kum de.

Hebreuge 10:25

Adi j’inyei loo kebe nan le jéi titeke njé ke nange ebi ra de dè’t se ndɔge, ndɔge nga lé. Adi j’ulei dingem kem̂ nan’t dum ke kété tede sei an-in ndɔ tel le Kuwe-ɓee Krist nain ngɔr ta.

Hebreuge 12:25

Kem̂ si dè ra si’t nè bainléa a kin-in mbati kooi tà tà Nube ke ndi ede sei tà’t nga. Kosdooge ke Israel ke ndɔ ke mbati kooi tà tà Moise’t ke njè kede de tà dè nang nè nga, ndɔ ke d’ade kure nyan ra de ɔde kum de. Jèi ɓaa, Nube ndi danrán nú á ede’n jèi tà. Jèi géa, ke nè á jè mbati kooi tà tànn’t ɓaa, kure nyan ra jéi à ɔde kum jéi dum le de ei nè ɓai m loo naje’n goto.

Hebreuge 2:3

Kaje ke bò nè nga, ke nè á j’an-in ke nyan lé ɓaa, ké tà à uwe dè jéi lé titeke bain wa? Kaje ke bò nè nga, Kuwe-ɓee kuwe unn gir kile mber’n kété ɓita njé ke ooi tà’n tànn’t se mbi de edi jèi ade aw go lenn’t deĵ ɓai.

Hebreuge 4:12

Tà le Nube è tà ke tò kumgajer ke ra kule ngain dum kuye kaskar ke ate ngang joo. E aw sár tee ngarankem̂ doo’t se tàgir le’n, se dè kur rage se wubu ke kem̂ kinge ra’t a tɔ. Tà le Nube ndi ter tàgir le doo ke dè ɓengrenn’t se nyan ke doo ɔje kem̂n’t le ra ɓai a tɔ.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

2 Pierre 3:3

Gar-gar, maje kade i geri nyange nè kété ɓita kade ndɔ’n ree ɓai. Njé sɔke looge à undei loo teei le ringei se tà sɔke loo titeke kem̂ de ɔje,

2 Pierre 3:7

Nè danran se nang ke ɗarinè nga, Nube unde de konn se go tà ke in tànn’t kuwe ɓai ngine’n ndɔ ke à gang’n tà dè njékaltàge le tuju’n de kɔke. Ndɔ’n nè nga, danran se nang nè géa por à ró de rák-rák a tɔ.