Jean 12:42 - Nouveau Testament en Gulay 2004

⁴² Nè nè bè géa, dooge ngain dann njékɔr non Juipge’t undei kêm de dè Jésu’t. Nè rai se go ngein tede rɔ ke Pharisienge à rɔi de kêm kei kebe nan’t.

Jean 12:42 ပူးပေါင်းရင်းမြစ်များ

Matthieu 10:32

Nanan ke tam ndàt non dooge’t ede nè: n’ee le’m ɓaa, man géa m’a m’tam ndàt non Bɔ’m ke danrán titeke doo nè nga è le’m man kuwe.

Tà ke Maje ke Luc ndang 12:8

Man m’ede sei ndàt, nanan ke tam ndàt tàkum dooge’t ede nè n’ee le’m ɓaa, man ke m’ee Ngonn doo nga géa, m’a m’tam ndàt tàkum dooge ke danrán le Nube titeke doo nè nga è le’m man kuwe tɔ.

Tà ke Maje ke Luc ndang 23:13

Pilate ɓar maw njékuje nyan-mesege se njékɔr non dooge a, se kosdooge a tɔ, ɔse nja de nan’t.

Tà ke Maje ke Luc ndang 6:22

Ke nè á dooge ɔri sei njêt a, dé mbate sei a, dé taje sei a, se d’an sei ke dooge ke majelé tede k’ee ke sei njékuwe-gir’m man ke m’ee Ngonn doo nga ɓaa, adi ra si nel sei!

Jean 11:45

Dooge bule dann Juipge’t reei ra Marie’t. Loo ke ei teri nyange ke Jésu ra an-in ɓaa, undei kêm de dènn’t.

Jean 12:11

E tede tà le Lazare nè á Juipge bule inyei go maw njékuje nyan-mesege ɓaa undei kêm de dè Jésu’t tá ta.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Jean 19:38

Go nyange ke teei’t nè nga, Joseph ke ɓee le’n è Arimathée aw deje Pilate kade inye loo ade ɔr ninn Jésu. Pilate ndige se’n dè’t. Joseph aw ɔr ninn Jésu kàde kage-ke-dese’t. Joseph nè nga, kété è njèkuwe-gir Jésu se go ngein tede è ɓel kum Juipge.

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 7:13

Nè né è bè géa, doo karé ke tam tà ndàt ɔje’n dè Jésu goto tede dé ɓel kum Juipge.

Jean 7:31

Dooge ngain dann doobulege’t umi kêm dè Jésu’t. Ei tami edi nè: – Loo ke ndɔn’t Krist à ree nga, ké à ra nyankɔbege ngain dum ège ke doo nè ra nga wa?

Jean 9:22

Njékojennge tami titeke bè tede ei ɓeli Juipge. Juipge nga umi tà le de nan’t kété edi nè: Nanan ke tam ndàt titeke Jésu nga è Krist ɓaa, j’à rɔi nin kɔke kêm kei kebe nan’t.

Jean 9:34

Pharisienge in-in se doo ke ndɔ ke è njèkumtɔ nga edi nè: – I ke d’oji dann majelé’t bere mbak taa i ndige le tel k’ee njè ndó jè nyan wa? Ke loon’t nè dé rɔ’n kêm kei kebe nan’t d’ile’n nata.

Nyanra Njekawkulege 5:41

Njékawkulege undei loo teei loo gangtà’t se ranel tede Nube an de ke dooge ke asikum kade d’ile rasɔl dè de’t tede ri Kuwe-ɓee Jésu.

Nje Ke Rome 10:10

Kunde ke j’undei ngarankêm jéi dè Nube’t á è ɔr’n tà dè jéi’t. Jè tami tà kundekêm le jéi se tà jéi ndàt á Nube aje’n jèi tɔ.

1 Jean 4:15

Ke nè á doo karé tam ndàt ede nè Jésu è Ngonn Nube ɓaa, Nube um se’n nan’t bɔk a, è géa um nan’t bɔk se Nube a tɔ.

1 Jean 4:2

Nyan ke kade i geri Ndil ke in ra Nube’t á tò nè: Doo ke rara ke tam ndàt ede nè Jésu-Krist ree dè nang nè se danra’n ɓaa, è doo ke Ndil Nube in kem̂n’t kuwe.