Jean 12:38 - Nouveau Testament en Gulay 2004

³⁸ Juipge rai titeke bè le kade tà ke Esaie njèribe-dè-tà ke tà Nube’t tam kété mari aw’n loon’t deĵ. E tam ede nè: «Kuwe-ɓee, ké nange á undei kêm de dè tà’t le jé nga wa? Ké nange á ndɔ ke kété Nube tɔje de tɔgmong le’n wa?»

Jean 12:38 ပူးပေါင်းရင်းမြစ်များ

Matthieu 15:7

Sei njékede gosge! Tà ke Esaie tam kété mari ɔje’n dè si ede nè:

Matthieu 16:17

Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.

Matthieu 27:35

Loo ke njérɔge ɓeri nin kàde kage-ke-dese’t ɓá ɓaa, ei tɔri kubuge le’n ke rann’t turi jala dè’t le kan ké à ei le nan wa?

Jean 12:37

Jésu ra nyankɔbege ngain ade Juipge an-in kuwe. Nè né è bè géa unni mbi de dè tà’t le’n.

Jean 12:39

Esaie njèribe-dè-tà ke tà Nube’t tel ɔrgir nyan ke ade Juipge asi kundei kêm de dè Nube’t lé nga ede nè:

Jean 15:25

Nè dé ra titeke bè tede kade tà nè ke dé ndang kêm magtub gute-ndu’t le de d’ede nè: «D’ɔr’m njêt karè bè» nga, aw’n loon’t deĵ.

Jean 17:12

Njé ke i um de jim’t nga, kété ke m’nain’n se de dè nang nè ɓai m’ngonm de se tɔgmong ke i ade’m. M’ɔge kum’m ɓi m’an-in’n ngang de garar-garar, m’ade doo karé bè géa tuju dann de’t lé; nè è ke ayé tuju ra’n nga kuwe se kar’n bere. E titeke bè tede kade tà ke tò kêm magtub’t ke tò se ninn’n aw’n loon’t deĵ.

Jean 19:24

Njérɔge edi nan edi nè: – Adi jè tili kubu ke bòi yul nè nga lé, nè adi jè turi jala dè’t j’an-in, ké nan kubu nè à è le’n wa? Titeke bè á tà ke dé ndang kêm magtub’t kété nga aw loon’t deĵ. Dé ndang d’ede nè: «Dé kai nan kubuge le’m, nè kubu le’m ke bòi yul ɓaa, dé tur jala dè’t.» E á è nyan ke njérɔge rai titeke bè.

Nje Ke Rome 10:16

Nè dooge malang ke mbati taai Tà ke Maje nga, Esaie njèribe-dè-tà ke tà Nube’t ribe dè tà nè ɔje’n dè de ede nè: «Kuwe-ɓee, ké nan um kêm’n dè tà ke j’ede de nga wa?»

Nje Ke Rome 10:20

Esaie, njèribe-dè-tà ke tà Nube’t aw sár tam ede nè: «Njé ke sangi man lé á m’ade ingei man. Njé ke deji ká’m lé á m’tee ke kum de’t pan.»

1 Nje Ke Corinthe 1:24

Nè Juipge se njè ke ei Juipge lé ke Nube ɓar de nga, Krist è tɔgmong se kumkunju le Nube.

Nje Ke Galatie 1:16

Nube ade kum’m gang dè Ngonnenn’t tede kade m’ile mber tà le’n made dooge ke ei Juipge lé. Ke loon’t nè kuwe m’aw ra doo karé’t bè m’deje’n tà lé.