Jean 12:32 - Nouveau Testament en Gulay 2004

³² Man nga, loo ke ndɔn’t d’a d’unn’m lat kɔke dè nang nè ɓaa, m’a m’ndɔr dooge malang ke ram’t.

Jean 12:32 ပူးပေါင်းရင်းမြစ်များ

Jean 1:7

Doo nè ree le kɔrgo tà le lookar kade dooge malang undei kêm de dè tà ke è ɔrgo.

Jean 12:34

Doobulege ilei Jésu dè’t edi nè: – Magtub gute-ndu ede jè kété titeke Krist nga à ndi kumgajer se non dè nang nè. A ɓaa, ké bain taɓai á i tam ede nè: «Gar-gar d’a d’unn Ngonn doo nga lat kɔke dè nang nè» ɓai wa? Ké Ngonn doo nè nga è nan wa?

Jean 18:32

Tà ke Jésu tam ɔje dè ɓer ke d’ayé ɓer’n kade kage-ke-dese’t nga aw loon’t deĵ.

Jean 19:17

Jésu kuwe unn kage-ke-dese le’n oto. E unde loo tee’n kêm ɓee-bò ke Jérusalem aw’n ngang loo’t nata. E loo «Ngó-non-dooge» ke dé ɓar’n «Golgotha» se tà hébreu.

Jean 3:14

Ndɔ ke kété Moise ra li nan tà kage’t dɔ kêm dile’t. Man Ngonn doo nga géa, gar-gar d’a ɓer’m dɔ titeke bè tɔ.

Jean 6:44

Ke nè á Bɔ’m ke njèkule’m ndɔr doo ke ram’t lé ɓaa, doo karé géa ase kin se dè’n ree ram’t lé. Doo ke ree ram’t nga, m’a m’ade à unde loo tee dann njé ke koo’t ndɔ ke ngeinn’t.

Jean 8:28

Jésu tel ede de ede nè: – Loo ke ndɔn’t a i ɓeri Ngonn doo dɔ kàde kage-ke-dese’t pa ɓita a i geri titeke man nga m’ee Krist. Kêm ndɔn’t nè tá a i geri titeke man kuwe m’in se dè’m m’ra nyan karé lé, nè nyange ke Bɔ’m ndó’m á m’tam tà’n m’ede sei.

Nje Ke Galatie 3:13

Krist uge dè jé ɔr jè ji ndu-mann’t le gute-ndu. E tel ra’n ke doo ke ndu-mann uwe dè’n bè tede tà le jéi. Titeke ke bè á dé ndang’n kem̂ Magtub ke tò se ninn’n d’ede nè: «Nanan ke dé ɓer’n kàde kage’t ɓaa, ndu-mann uwe dè’n ɓá ta.»

1 Timothee 2:6

Jésu-Krist inye ra’n è kuwe ade yo uge’n dè dooge malang. E ke nè á è tà ke è ɔrgo kété kem̂ ndɔn’t le’n nga.

Hebreuge 2:9

Nè jè tɔse kum jé dè nyan ke nè’t: Jésu, è ke dé tel se’n d’ade tɔgmong le’n nain go le dooge ke danrán ndêin bè, ɓita go’t gugu dé tel d’ule ndubra se riɓar dènn’t tede nyankem̂konge ke inge ji yo’t. Takul kem̂noje le Nube, è á Jésu inge’n yo weii’n tede dooge malang.

1 Pierre 2:24

Krist nga oto majelége le jéi dènn’t aw’n weii’n kade kage-ke-dese’t tede kade j’ebi ra jéi dè ra majelége’t le jéi le teli ndii kumgajer ɔje dè nyanra ke se dè naje’n. Takul dòge ke è inge rann’t á j’aji.

1 Pierre 3:18

Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.

1 Jean 2:2

E nga inye ra’n ade yo ke nyan kɔr kure kaiya tede kade kem̂ Nube tin’n mbit dè majelége’t le jéi. Nube à ade kem̂’n à tin mbit dè majelége’t le jéi se kar jéi lé, nè à ade kem̂’n à tin mbit dè majelége’t le dooge malang ke dè nang nè.

Lookilera’n 5:9

Nyankundege ke sɔ se ngatɔgege ke kɔr-joo-gidé-sɔ nè ɔsi pa ke kige ɗɔyi Ngonn bate edi nè: «I kuwe se kari asekum taa magtub nè le tutu nyankorji ke dé tinye’n tà’n. Tede è i kuwe á ndɔ ke dé tɔli. E i kuwe á uge dè girkoje dooge malang dè nang nè ke tà tam de è gai-gai se kosdooge a, se girkoje dooge se dè-ɓee-dè ɓee se mesi ade Nube.