Jean 12:27 - Nouveau Testament en Gulay 2004

²⁷ Ɗarinè kêm’m tò kekek. Nè ké ri á m’a ra wa? Ké m’a deji Bɔ’m le kade taa’m tà yo’t kêm kàdenn’t nè wa? M’ree tede le kwei ɓaa, m’a m’wei kuwe.

Jean 12:27 ပူးပေါင်းရင်းမြစ်များ

Matthieu 11:25

Kêm ndɔn’t nè nga, Jésu ɔje tà se Nube ede nè: – Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák .

Matthieu 11:26

Oiyo Bɔ’m, m’tɔyi titeke bè tede è ke nè á i an ke nyan ke maje tà kumi’t.

Matthieu 26:42

Jésu ɔte aw heb ɗêk ɔje tà se Nube njékon’t joo ede nè: – Bɔ’m ke nè á loo ke kade ute nyantosowur nè nga dèm’t mbeng ke rang goto ɓaa, i ra nyan ke kêmi ndige.

Matthieu 26:45

E tel ree ra njékuwe-girnge’t ɓai ede de ede nè: – Ké a ɔdi nan tò ɓi se taa kebe le si nga kuwe ɓai wa? An-in! kàde ke d’ule’m man ke m’ee Ngonn doo ji njé ra majelége’t ase ɓá ta.

Tà ke Maje ke Luc ndang 22:44

Kàde Jésu gete get-get ade ɔje tà se Nube dum dè tà ke è ɔje se’n kété-kété. Tete unn gir ndeen rann’t ɗêin-ɗêin tite mese ke ndeen nang bè.]

Tà ke Maje ke Luc ndang 22:53

M’ee nan’t se si se ndɔ’m-ndɔ’m kêm kei le Nube nè sei ulei ji si lêm ɔdii man ndɔ karé lé. Nè ɗarinè è kàde’n le si a, è kàde’n le njèkonɓee tilkus’t a tɔ.

Jean 11:41

Dé ndubri kuberi her ke bòi nga d’ile rang. Jésu an loo ke dɔ danrán tam ede nè: – Bɔ’m, m’rai oiyo tede i oo ndu kɔ le’m.

Jean 12:23

E ile de dè’t ede nè: – Gar-gar kàde kule ndubra dè’m man Ngonn doo’t nga ase ɓá ta.

Jean 13:21

Loo ke Jésu tam tà nè bè ɓaa, kêm’n tò kekek ade tam tàkum njékuwe-girnge’t mbeng ede nè: – Kerɔte kuwe, man m’ede sei ndàt, doo karé dann si’t à unn dè’m kade dé tɔl’m.

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

1 Timothee 1:15

Tà nè nga è tà kerɔte ke le kade nanan géa taa um kem̂’n dè’t bɔk-bɔk: Jésu-Krist ree dè nang nè le kaje njé ra majelége. Man nga kuwe m’ee ke desêin sàk-sàk le njé ra majelége.

Hebreuge 2:14

Ngannge ke d’oje de se go danra nga ei dooge ke yo on ɓee dè de’t. Jésu géa ade d’oje’n ke doo made de bè tɔ. E ra tite bè tede le kɔr’n tɔgmong le njè kem̂ majelé ke njè tɔ ko dooge wont kɔke se go kwei le’n.

Hebreuge 5:7

Krist nga, loo ke ndɔ ke è ndi se dè’n dɔ dè nang nè ɓai nga, è ɔje tà se Nube a, è ndête’n se mann non kumn’t se ndu’n ke bòi beng a tɔ. Nube asekum taa Krist tà yo’t tede koje ke è ile dènn’t.