Jean 12:26 - Nouveau Testament en Gulay 2004

²⁶ Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Jean 12:26 ပူးပေါင်းရင်းမြစ်များ

Matthieu 16:24

Taɓai Jésu ede njékuwe-girnge ede nè: – Ke nè á doo karé ndige kunn rebe goom’t ɓaa, maje kade inye go tàgir ke ɔje dè ra’n kɔke a, maje kade uwe dè nja ra’n se ndɔge malang le kwei titeke man m’ra’n bè ɓita unn dè nja’m têr-têr ɓai.

Matthieu 25:21

Kuwe’n tel ile’n dè’t ede nè: «Maje ngain, i i ngonn njèndi ke maje, m’ase kum kêm’m dèi’t kuwe. Nyan ke ndêin bè ke ndɔ ke m’adi nga, i tɔse kumi dè’t ade tee kɔde. M’a m’ɔri kundei ke njèkan dè nyange le’m ke rang ɓai. I ree, i ra ranel se’m man kuwei.»

Marc 8:34

Taɓai è ɓar doobulege se njékuwe-girnge ke rann’t ede de ede nè: – Ke nè á doo karé ndige le k’ee njèkuwe-gir’m ɓaa, maje kade inye go tàgir ke ɔje dè ra’n kɔke a, maje kade unn kage-ke-dese le’n ndolè’n goo’m a tɔ.

Tà ke Maje ke Luc ndang 12:37

Ngann njéndige nè nga, loo ke kuwe de tel à ree á inge de dè ɓi’t lé ɓaa, ra de à nel de. Kerɔte kuwe, man m’ede sei ndàt, kuwe de à ule kubu ra kule rann’t, à uwe ɓede’n se ndar le ɓar de kade de nyankuse kade d’use a tɔ.

Tà ke Maje ke Luc ndang 6:46

Ké bain á sei ɓari man «Ngar, Ngar» se ndɔge malang, nè i rai nyan ke man m’unn ndu’m kade i rai nga lé wa?

Tà ke Maje ke Luc ndang 9:23

Go’t gugu, Jésu ede dooge malang ke ndai rann’t ede nè: – Ke nè á doo karé ndige kunn dè nja’m têr-têr ɓaa, maje kade an ra’n ke nyan lé a, maje kade uwe dè nja ra’n le kwei tite man m’ra’n bè, ɓita unn rebe goom’t se ndɔge malang ɓai.

Jean 10:27

Batege le’m nga uri mbi de ooi ndu’m. Man m’ger de mbak, à umi nan goom’t a tɔ.

Jean 13:16

Kerɔte kuwe, man m’ede sei ndàt, ngonn njèndi à bòi dum dè kuwe’n lé a, ngonn njèkule à dum dè njèkule’n lé a tɔ.

Jean 14:15

Ke nè á i tári man ɓaa, an-in dè ndukunnge le’m sêw-sêw.

Jean 14:3

M’a m’aw le gɔl loo ndi si. Loo ke m’aw m’gɔl loo ndi si gir gang ɓá ɓaa, m’a m’tel ree le koto si kàdem’t tede kade loo ke m’a m’ndi tutu ɓaa, sei géa a i ndii se’m nan’t tutu tɔ.

Jean 15:20

Adi kêm si olé dè tà ke kété m’ede sei’t nga: «Ɓer bòi dum dè kuwe’n lé.» Ke nè á dooge rai kum’m ndoo ɓaa, sei géa à rai kum si ndoo tɔ. Ke nè á ei an-in dè tà le’m sêw-sêw ɓaa, sei géa à an-in dè tà le si sêw-sêw tɔ.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 21:22

Jésu tel ede Simon ede nè: – Ke nè á m’ndige le kade n’ndi bè sár kade m’tel m’ree’n ɓaa, ké usi ri wa? I ɓaa, unn rebe goom’t.

Nje Ke Rome 1:1

Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.

Nje Ke Rome 14:18

Doo ke ra kule ade Krist titeke bè nga taa kum Nube a, dooge malang d’a taa kêm’n a tɔ.

2 Nje Ke Corinthe 4:5

Mber ke j’ile nga, j’ile j’ɔje’n dè ra jé jè kuwe lé. Nè j’ile mber j’ɔje’n dè Kuwe-ɓee Jésu-Krist. Jè ɓaa, jè ɓer kulege le si tede tà le Jésu.

2 Nje Ke Corinthe 5:8

Jè nda kêm jé káng ade j’an titeke kinye danra kaw ndi ra Kuwe-ɓee’t nga è soo’t ngain.

Nje Ke Galatie 1:10

Ɗarinè, ké m’aw ndoo taa kum dooge éké m’aw ndoo taa kum Nube wa? Ke nè á m’sang le taa kum dooge karè ɓaa, bainléa ɓila man m’ee le Krist lé ta.

Nje Ke Philippes 1:23

Nyange ɔsi kàde’m loo joo, ngur kin kaw ndi se Krist ra’m pênn-pênn. E á m’an ke nyan ke à too’m soo’t ngain.

Nje Ke Colosses 3:24

Sei geri mbak titeke Kuwe-ɓee à unde nja si a, a ingei nyan-ndube ke è unde konn tede le njé ke le’n. Kuwe si è Krist, è è á i rai kule adi nin.

Nje Ke Colosses 4:12

Epaphras, doo ke ɓee le si nú ra sei lapya. E ɓer kule le Nube ke ndi ra rɔ se ndɔge malang tede le si loo kɔje tà’t le’n se Nube. E ra titeke bè kade i ndai dè nja si’t njáng a, i maji ɔri njêt a, i geri nyan malang ke kem̂ Nube ndige a tɔ.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

1 Jean 5:3

Tár Nube nga ɔje dè kan dè ndukunnge le’n sêw-sêw. Ndukunnge le Nube nga doo asekum kan dè de sêw-sêw karè.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.

Lookilera’n 14:4

Ei dooge ke rai nyan se dè naje’n a, inyei ra de nyêin dann mage polé le dooge ke dè nang nè lé a tɔ. Loo malang ke Ngonn bate aw tutu nga, d’unn dè nja’n têr-têr. Dé nè nga dé dooge ke Ngonn bate gang dè de dann dooge ke dè nang nè. E gang dè de le kade dé ko nyange ke desêin le Nube a, le’n è a tɔ.