Jean 12:20 - Nouveau Testament en Gulay 2004

²⁰ Dooge reei kêm ɓee-bò ke Jérusalem loo ra nan’t tede le ɗɔi Nube. Grec ke nange ei se de tɔ.

Jean 12:20 ပူးပေါင်းရင်းမြစ်များ

Marc 7:26

Dinye nga è Grec, doo ke dɔ ke d’oje’n kêm ɓee ke Phénicie ɓeekon ke Syrie. E deje Jésu le kade rɔ ndil ke majelé kêm ngonn’n ke dinye’t kɔke.

Jean 12:1

Jésu aw kêm ɓee ke Béthanie, ra ndɔ mute-mute ɓita ndɔ ra nan Paque ase deje ɓai. Béthanie nga, è ɓee le Lazare ke ndɔ ke Jésu ade tɔse ndel in gir yo’t.

Jean 12:19

Pharisienge edi nan ede nè: – An-in! nyan karé bè ke soo jéi’t goto ta tede dooge malang ndɔmin nan goyé’t ɓá ta.

Jean 7:35

Juipge deji nan edi nè: – Ké loo ke ra n’a n’aw tutu á j’à j’asi kingei n’ee gugu lé wa? Ké n’a n’in le kaw ɓéee le dooge ke ei Juipge lé le tel rayé ke njè ndó de nyan ta wa?

Nyanra Njekawkulege 14:1

Paul se Barnabas awi kêm kei kebe nan’t le Juipge titeke kété rai kêm ɓee-bò ke Antioche, ɓeekon ke Pisidie. Ei tami tà adi nunge tchanm adi dooge. Dooge ngain dann Juipge se njé ke ei Juipge lé teli njétaakêm-Kristge.

Nyanra Njekawkulege 16:1

Paul ree tee kêm ɓee-bòge ke Derbe se Lystre. An! njètaakêm-Krist karè bè ri’n nè Timothée ndi kêm ɓee-bò ke Lystre. E ngonn le dinye karé ke è Juip ke njètaakêm-Krist. Nè Timothée nga, bɔ’n è Grec.

Nyanra Njekawkulege 17:4

Njé ke nange dann Juipge’t ke kum de gang dè tà’t nè nga teli umi go Paul se Silas bɔk. Kos Grecge ke ilei koje dè Nube’t se dinyege ke njényan-kingege se konmolége ngain géa teli umi go Paul se Silas a tɔ.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 21:28

Juipge tami tà beng edi nè: – Sei ngannkà Israel ke dingem, i din-in jè! An-in! doo ke njè kaw se loo-loo ndó dooge nyan le kade utei jéi kosdooge le Nube se gute-ndu’n éké kêm kei le Nube mbeng nga á nda nè. Taɓai dooge ke ei Juipge lé géa ɔr de ree se de kêm kei ke tò se ninn’n le Nube ade telii ke nyan ke mine.

Nyanra Njekawkulege 8:27

Philippe in ke loon’t kuwe aw. Dingem karé ke ɓeekon ke Ethiopie unde loo tee pan. Dingem nè nga è njèkuju. E doo ke bò ke njèkan dè nyanbawge le Kandas dinye le ngar ke ɓeekon ke Ethiopie. Doo nè nga ree mba kêm ɓee-bò ke Jérusalem le ɗɔi Nube.

Nje Ke Rome 1:16

Ma m’ra rasɔl dè tà kile mber Tà ke Maje’t nga lé, tede è tɔgmong le Nube le kaje’n nanan ke um kêm’n dè’t, Juipge kuwe kété ɓita njé ke ei Juipge lé ɓai.

Nje Ke Rome 10:12

Bè ɓaa, ɗarinè tò gai le Juipge se njé ke ei Juipge lé goto ta. Nube karé bere á è Kuwe-ɓee le de malang. Dooge malang ke ɓari ri’n nga, è uwe se de noje se nyanbawge.

Nje Ke Galatie 2:3

Tite è se’m. E nga è Juip lé nè doo unde tɔge dènn’t ade uje tà mɔte’n lé.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Colosses 3:11

Ɗarinè tò gai le Juipge se njé ke ei Juip lé goto, tò gai le doo ke njè kuje tà mɔte’n se è ke nal kuje tà mɔte’n goto. Doo ke dɔ éké doo ke raikarè goto ta. Ɗarinè tò gai le ɓer éké doo ke ndi dè’n pal goto a tɔ. Nè Krist kuwe karé bere á è doo dè dooge malang a, ndi kem̂ de’t malang a tɔ.