Jean 12:2 - Nouveau Testament en Gulay 2004

² Dé ra nyankuse se ri Jésu. Marthe è njè kai dooge nyankuse. Lazare géa è nan’t se dooge ke ndi à usei nyan se Jésu.

Jean 12:2 ပူးပေါင်းရင်းမြစ်များ

Matthieu 26:6

Jésu ndi kêm ɓee ke Béthanie kei le Simon ke kété banje ra’n.

Marc 14:3

Jésu ndi kêm ɓee ke Béthanie kei le Simon ke ndɔ ke kété banje ra’n. Jésu ndi à use nyan. Dinye karé bè ree se ku wubu ke dé ra se her ke ri’n nè albatre aw’n go Jésu’t kei. Dinye nè nga ree se wubu ke ete maje ngain ke dé ɓar’n nard kuwe deri rusu ku’n táp-táp. Wubu nè nga è wubu ke nar’n ur kugu, nè dinye nè uwe tà dap tête tête dè Jésu’t.

Tà ke Maje ke Luc ndang 12:37

Ngann njéndige nè nga, loo ke kuwe de tel à ree á inge de dè ɓi’t lé ɓaa, ra de à nel de. Kerɔte kuwe, man m’ede sei ndàt, kuwe de à ule kubu ra kule rann’t, à uwe ɓede’n se ndar le ɓar de kade de nyankuse kade d’use a tɔ.

Tà ke Maje ke Luc ndang 14:12

Go’t gugu Jésu ede doo ke njè ɓar’n se nyankuse nè nga ede’n nè: – Ndɔ ke rang loo ke ade d’ade ra mur tête tà ɓee ke kada éké ndɔɔ ɓaa, maje kade i ɓar madige, se ngakoinge, se njénojege lei, se njémade-tà-keige lei ke njényan kingege lé. Tede dé nè nga bainléa d’asekum tel ɓari se nyankuse gute made’t. Loo ke dé ra sei titeke bè ɓaa, bainléa è nar kunde njai kuwe á i inge nè ɓá ta.

Tà ke Maje ke Luc ndang 22:27

Bainléa dooge ei joo. E ke karé ndi tà table kuse-nyan’t a, è ke karé è njèkunn nyankuse ree’n a tɔ. Ké nan è doo ke bò dum made’n dann de ei ke joo nè nga wa? Ké è doo ke ndi tà table kuse-nyan’t nè lé wa? Man géa m’ndi dann si’t asenan se ngonn njèndi bè.

Tà ke Maje ke Luc ndang 5:29

Go’t gugu, Lévi ade dé ra mur tête tà ɓee ke bò kêm kei le’n tede le Jésu. Njétaa tir madennge se dooge ke rang ngain on-in se de mur nan’t tɔ.

Lookilera’n 3:20

An! m’nda tà kei’t nata m’unde tà kei. Ke nè á doo karé oo ndu’m á ɔr tà kei ade’m ɓaa, m’a m’aw kem̂ kei goon’t, m’a m’use se’n nyan a, è géa à use se’m nyan a tɔ.