Jean 12:17 - Nouveau Testament en Gulay 2004

¹⁷ Doobulege ke ndɔ ke ei nan’t se Jésu loo ke ndɔ ke ɓar’n Lazare ade tɔse’n ndel in gir yo’t nga, ɔri ser nyan ke an-in se kum de adi dooge ke rang ooi ke kété-kété.

Jean 12:17 ပူးပေါင်းရင်းမြစ်များ

Jean 1:19

E ke nè á è tà ke Jean ɔrgo loo ke Juipge ke kêm ɓee-bò ke Jérusalem ulei njékuje nyan-mesege se njé ke girkà’t le Lévi le kade dejii edi nè: – Ké i nga i nan wa?

Jean 1:32

Jean ɔrgo tà nè nga ede nè: – M’an Ndil-Kêmnda tò asenan se der-nda bè in danrán ree ndi dènn’t.

Jean 1:34

Man m’an nyan nè nga se kum’m; gir’n ke nè á ndɔ ke m’tam’n titeke è nè nga è Ngonn Nube kerɔte kuwe.

Jean 11:31

Juipge danni nan pê-pê ra Marie’t kei le sɔli kêm’n. Loo ke ei an-in titeke è ɔse nang rat in le tee nata ɓaa, umi nan goon’t. Ei giri titeke à aw dè ɓada le non.

Jean 11:42

Kerɔte kuwe man ɓaa, m’ger mbak tite oo ndu kɔ le’m se ndɔge malang. Nè m’tam tà nè nga tede tà le doobulege ke an-in dè’m girm nè, tede kade undei kêm de dèm’t titeke è i kuwe ule’m dè nang nè.

Jean 12:9

Juipge bule ngain ooi titeke Jésu ndi kêm ɓee ke Béthanie. Ei reei som-som tede le kan Jésu á se kar’n lé. Nè ei reei le kan-in Lazare ke Jésu ade tɔse ndel in gir yo’t nga tɔ.

Jean 19:35

Doo ke njèkɔrgo tà nè kede sei nga an nyange nè se kum’n. Tà ke è ɔrgo nga è ngarankum tà. Doo nè nga ger titeke è tam ngarankum tà le kade sei géa undei kêm si dè Jésu’t tɔ.

Jean 21:24

E njèkuwe-gir-Jésu nè nga kuwe á ɔrgo tà nyange ke ndɔ ke an se kum’n a, se tàge ke ndɔ ke oo se mbin’n a tɔ. E ndang de kêm Magtub’t nè. Jè ger titeke tà ke è ɔrgo nga è ngarankum tà kerɔte kuwe.

Nyanra Njekawkulege 1:22

Doo nè nga, gar-gar maje kade è doo ke ndɔ ke è se jéi nan’t, unn gir ndɔ ke Jean ule’n Jésu manné njonm sár tee’n ndɔ ke Nube unn’n dann jéi’t seen aw’n se’n danrán.

Nyanra Njekawkulege 5:32

Jè jè njékɔrgo tà nyange nè nga. Ndil-Kêmnda ke Nube ade njé ke rai nyan ke kêm’n ndige géa, è njèkɔrgo tà nyange nè nga tɔ.

Lookilera’n 1:2

Jean nga ɔrgo nyange malang ke è an se kum’n. E ɔrgo tà le Nube a, le Jésu-Krist a tɔ.