Jean 12:10 - Nouveau Testament en Gulay 2004

¹⁰ Unn gir kêm ndɔn’t nè nga, maw njékuje nyan-mesege ɔji njáng le kade dé tɔl Lazare kɔke.

Jean 12:10 ပူးပေါင်းရင်းမြစ်များ

Matthieu 12:14

Loo ke Pharisienge undei loo teei ɓaa, awi ɔri nan tà dè nyange ke kum kade adi dé ra le kuwe’n Jésu tɔl’n kɔke.

Matthieu 2:16

Loo ke Hérode an titeke baw-nyangerge ulei mbe dènn’t ɓaa, wong ase’n nák. E ule ade dé tɔl ngannge ke dingem malang ke rai ɓal joo se njé ke ɓal de ase joo lé ɓai a tɔ. Se go kurloo ke baw-nyangerge ɔji Hérode nga, è ade d’unn gir tɔl ngannge ke dingem kêm ɓee ke Bethléhem sár d’ɔse’n ngei ninn ɓeekon le’n bere mbak.

Tà ke Maje ke Luc ndang 16:31

Abraham tel ilé de’t ede nè: «Ke nè á ngakoinge uri mbi de ooi tà ke Moise ndang kêm magtub gute-ndu’t se tà ke njéribe-dè-tàge ke tà Nube tami nga lé ɓaa, né doo karé unde loo tee dann njé ke koo’t aw inge de géa, d’ade tur hal de lé.»

Jean 11:57

Maw njékuje nyan-mesege se Pharisienge unni ndu de edi nè: – Ke nè á doo karé ger loo ke n’ee Jésu nga n’ee tutu ɓaa, maje kade tɔje jè looyé le kade j’ade d’aw d’uwé.

Jean 12:11

E tede tà le Lazare nè á Juipge bule inyei go maw njékuje nyan-mesege ɓaa undei kêm de dè Jésu’t tá ta.

Jean 12:9

Juipge bule ngain ooi titeke Jésu ndi kêm ɓee ke Béthanie. Ei reei som-som tede le kan Jésu á se kar’n lé. Nè ei reei le kan-in Lazare ke Jésu ade tɔse ndel in gir yo’t nga tɔ.