Jean 11:52 - Nouveau Testament en Gulay 2004

⁵² Jésu à wei tede girkoje le Juipge á go karé lé, nè le kɔse nja ngann le Nube ke ɗarinè yali nan se loo-loo nan’t tede kade teli umi nan’t bɔk tite kosdooge ke karé bere.

Jean 11:52 ပူးပေါင်းရင်းမြစ်များ

Tà ke Maje ke Luc ndang 15:8

Eké loo ke dinye karé aw se nar kule ke ndɔ dɔg jinn’t. Ke nè á nar karé tee dann madege’t oso nang kêm kei le’n. Ké dinye nè nga à unde por tu lampe’t kɔii’n loo tede le sang’n nar nè nga jêke^-jêke^ sár kade tel inge gugu lé wa?

Tà ke Maje ke Luc ndang 2:32

Njèkaje dooge nga, è lookar le kade dooge malang ke dè nang nè dé geri a, à è riɓar le kosdooge ke ei ngannkà Israel a tɔ.

Jean 1:12

Nè dooge malang ke uwei nin ke ra de’t undei kêm de dènn’t ɓaa, ade de tɔgmong le kade teli ei ngann le Nube.

Jean 1:29

Barè lookar’n, loo ke Jean an Jesu à ree ke rann’t ɓaa, è tam ede nè: – An-in! Ngonn Bate le Nube ke njèkɔr kaiya dè dooge’t dè nang nè nga.

Jean 10:16

M’aw se batege ke rang ke ndai kêm gar’t nè nga lé ɓai. Dé nè nga, gar-gar è tà le kade m’ɔse nja de nan’t tɔ. D’a d’oo ndu’m, d’a dé kos batege ke karé luk-luk, njèkul de géa à è karé luk-luk a tɔ.

Jean 12:32

Man nga, loo ke ndɔn’t d’a d’unn’m lat kɔke dè nang nè ɓaa, m’a m’ndɔr dooge malang ke ram’t.

Nyanra Njekawkulege 18:10

M’a m’ee der giri, doo karé bè géa à kuwei rai majelé lé, tede m’aw se kosdooge le’m ke bulei ɗik-ɗik kêm ɓee-bò’t nè nga.

Nje Ke Rome 3:29

Ké Nube nga è Nube le Juipge kuwe se kar de wa? Ké è Nube le njé ke ei Juipge lé nga tɔ lé wa? Loo naje’n goto, Nube nga è Nube le dooge ke ei Juipge lé nga tɔ.

Nje Ke Rome 4:17

Dé ndang kêm Magtub’t le Nube d’ede nè: «I Abraham nga, m’teli ke bɔ dooge ke bulei ɗik-ɗik.» Abraham è bɔ jéi malang non Nube’t ke è unde kêm’n dènn’t. E Nube ke njè kade dooge ke weii teli ndii kumgajer a, nyange ke gotoi ɓai géa è ɓar de ade undei loo teei a tɔ.

Nje Ke Ephese 1:5

Nube ɔje kem̂n’t kété mari le tel jéi ke ngann kem̂nge se go tár ke è tár jéi takul Jésu-Krist. E ke nè á è nyan-maje ke è ɔje kem̂n’t njáng se go kem̂ndige le’n.

Nje Ke Ephese 3:11

Se go nyan ke kété mari sár ɗarinè. Nyan ke Nube ɔje kété mari ke desêin nga kile ra’n ke nata ɗarinè takul Kuwe jéi Jésu-Krist.

Jacques 1:1

Man Jacques, ɓer kule le Nube se Kuwe-ɓee Jésu-Krist, m’ndang magtub nè m’ade girkàge le Israel ke dɔg-gidé-joo ke yali nan karé-karé m’ra’n de lapya.

1 Pierre 1:1

Man Pierre, njèkawkule le Jésu-Krist, m’ndang magtub nè m’ade njé ke Nube ɔr de unde de se ninn de ke ei njé nanmge ke sanrin nan awi ndii kem̂ ɓeekonge ke Pont, Galatie, Cappadoce, Asie a, se Bithynie a tɔ.

1 Jean 2:2

E nga inye ra’n ade yo ke nyan kɔr kure kaiya tede kade kem̂ Nube tin’n mbit dè majelége’t le jéi. Nube à ade kem̂’n à tin mbit dè majelége’t le jéi se kar jéi lé, nè à ade kem̂’n à tin mbit dè majelége’t le dooge malang ke dè nang nè.

1 Jean 3:1

An-in! tár ke bò ke Bɔ jéi Nube tár jèi á ɓar’n jèi ke ngannenge. Jèi jèi ngannenge kerɔte kuwe. Gir’n ke nè á dooge ke dè nang nè geri jèi ke ngann’n lé. Dé ger jèi ke ngann Nube lé tede Nube géa dé ger’n lé.

1 Jean 3:10

E ke nè á d’a ger’n ngann Nube se ngann le njè kem̂ majelé nga njai-njai. Nanan ke ra nyan ke se dè naje’n lé se ndɔ’n-ndɔ’n ɓaa, è le Nube ndan lé. Nanan ke tár ngokon’n lé ɓaa, è le Nube ndan lé tɔ.

1 Jean 3:2

Kotárge le’m, ɗarinè jèi ngann Nube. Nè táa ke jè táai nan se’n nga, ɗarinè tò nata ndái-ndái lé ɓai. Nè né è bè géa, nyan karé ke jè geri á tò nè: Ndɔ ke Krist à tel kunde loo tee pan ɓaa, j’à tooi táai nan se’n tcha-tcha tede j’à j’an-in nin se kum jéi ndan-ndan kem̂ ndɔn’t nè nga.

Lookilera’n 5:9

Nyankundege ke sɔ se ngatɔgege ke kɔr-joo-gidé-sɔ nè ɔsi pa ke kige ɗɔyi Ngonn bate edi nè: «I kuwe se kari asekum taa magtub nè le tutu nyankorji ke dé tinye’n tà’n. Tede è i kuwe á ndɔ ke dé tɔli. E i kuwe á uge dè girkoje dooge malang dè nang nè ke tà tam de è gai-gai se kosdooge a, se girkoje dooge se dè-ɓee-dè ɓee se mesi ade Nube.