Jean 11:5 - Nouveau Testament en Gulay 2004

⁵ Jésu tár Marthe se Marie ngain. Ngokon de Lazare géa è tár’n ngain tɔ.

Jean 11:5 ပူးပေါင်းရင်းမြစ်များ

Tà ke Maje ke Luc ndang 10:38

Loo ke Jésu se njékuwe-girnge à awi rebe ɓai ɓaa, è aw kêm ɓee karé’t bè. Dinye karé ke ri’n nè Marthe aw se’n kêm kei le’n ra’n mba.

Tà ke Maje ke Luc ndang 10:40

Nè kêm Marthe tò kekek tede kulege gai-gai an-in dè’n king-king. E unde-loo tee pitring ree ra Jésu’t ede’n ede nè: – Kuwe-ɓee, kinye ke Marie inye’m tà kulege’t se kar’m bere nga, ké usi nyan lé wa? Ede’n ade in ree ra se’m.

Tà ke Maje ke Luc ndang 10:41

Kuwe-ɓee tel ile Marthe dè’t ede nè: – Marthe, Marthe, i ade kêmi olé bɔt-bɔt a, i ndɔje rai ɔje dè nyange bule a tɔ.

Jean 11:1

Dingem karé bè ri’n nè Lazare ndi kêm ɓee ke Béthanie. Ngakon nange ke dinye joo, Marthe se Marie ndii se’n kêm ɓee’t nè nga tɔ. Ndɔ karé bè ratur ra Lazare ngain ade tò tà yo’t.

Jean 11:3

Marthe se Marie ulei kule ra Jésu’t edi nin edi nè: – Kuwe-ɓee, an! madi ke i tár’n ngain nga tò tà yo’t.

Jean 11:36

Juipge tami edi nè: – An-in! tár ke n’tár’n non.

Jean 11:6

Jésu oo mbak titeke Lazare tò tà yo’t, nè né è bè géa, è tel è nain loo ke è ndi tutu nga ase ndɔ joo ɓai.

Jean 11:8

Njékuwe-girnge deji nin edi nè: – Ngar, i a Juipge sangi tilei nin se kuberi her le tɔli nin ɗarinè ɓai nè kuwe, ké a i tel kaw kêm ɓeekon le de ke Judée nga ɓai wa?

Jean 16:27

Bɔ’m kuwe tár sei tede sei géa i tári man tɔ. Umi kêm si dèm’t titeke man m’in ra Nube’t.

Jean 17:26

M’ribe se de dè rii m’ade geri nin ɓá, nè né è bè géa m’a m’tel ribe se de dè rii kade geri nin njai. Titeke bè á tár ke i tár’m nga, à urkei kêm de’t tede kade man géa m’um’n se de nan’t bɔk a tɔ.