Jean 11:32 - Nouveau Testament en Gulay 2004

³² Loo ke Marie ree tee loo ke Jésu nda tutu tête kum’n an’n ɓaa, unde burmba nonn’t ede’n ede nè: – Kuwe jé, ke nè á ndɔ ke i nè ɓaa, ngokon jé ayé kwei bè lé ɓai.

Jean 11:32 ပူးပေါင်းရင်းမြစ်များ

Tà ke Maje ke Luc ndang 17:16

E ɔse keje’n nanga non Jésu’t ra’n oiyo. Doo nè nga, è doo ke ɓeekon ke Samarie.

Tà ke Maje ke Luc ndang 5:8

Loo ke Simon ke dé ɓar’n Pierre an bè ɓaa, ɔse keje’n nanga non Jésu’t ede’n ede nè: – Kuwe-ɓee ute rai ram’t kɔke, tede man m’ee njè ra majelé.

Tà ke Maje ke Luc ndang 8:41

Dingem karé bè ri’n nè Jairus ree tee pan. Doo nè nga, è ngar dè kei kebe nan. E oso nang nja Jésu’t ndête’n ɓɔk-ɓɔk le kade aw se’n kêm kei le’n,

Jean 11:2

E Marie nè nga kuwe á ndɔ ke tête wubu ke dé ra se myrrhe dè Kuwe-ɓee Jésu’t a, tel bɔr njà’n se bin dè’n a tɔ. E ngokon’n Lazare á tò tà yo’t.

Jean 11:21

Marthe ede Jésu ede nè: – Kuwe jé, ke nè á ndɔ ke i nè ɓaa, ngokon’m ayé kwei bè lé ɓai.

Jean 11:37

Njé ke nange ke dann de’t tami edi nè: – N’ee ke ndɔ ke n’ade njèkumtɔ an loo nga, ké bain á n’ase kɔge yo tɔl Lazare nga lé wa?

Jean 4:49

Njèkan dè njérɔge le ngar tel ede Jesu ede nè: – Kuwe-ɓee i ree pa ɓita ade tà ngonn’m tête ɓai.

Lookilera’n 22:8

E man Jean kuwe á m’oo tà nè se mbi’m a, m’an nyange nè se kum’m a tɔ. Loo ke m’oo tà nè a, m’an nyange nè bè ɓaa, m’oso nang nja doo ke danrán ke kété tɔje’m nyange nè nga le ɗɔi’n.

Lookilera’n 5:14

Nyankundege ke sɔ nè nga tami edi nè: «Oiyo, maje kade è titeke bè kuwe.» Ngatɔgege ɔsi keje de nang ɗɔyi Ngonn bate.

Lookilera’n 5:8

Loo ke è taa magtub nè nga pat ɓaa, nyankunde ke sɔ se ngatɔgege ke kɔr-joo-gidé-sɔ ɔsi keje de nang non Ngonn bate’t ɗɔyi nin. Ei karé-karé malang ei se kundu-jêng se baige ke dé ra se nar-ɔr. Wubu ke dé ra se katchatcha rusu kem̂ baige nè neĵ-neĵ. Wubu ke ra se katchatcha nga è kɔje tà se Nube le njé ke tooi se ninn de.