Jean 11:2 - Nouveau Testament en Gulay 2004

² E Marie nè nga kuwe á ndɔ ke tête wubu ke dé ra se myrrhe dè Kuwe-ɓee Jésu’t a, tel bɔr njà’n se bin dè’n a tɔ. E ngokon’n Lazare á tò tà yo’t.

Jean 11:2 ပူးပေါင်းရင်းမြစ်များ

Marc 14:3

Jésu ndi kêm ɓee ke Béthanie kei le Simon ke ndɔ ke kété banje ra’n. Jésu ndi à use nyan. Dinye karé bè ree se ku wubu ke dé ra se her ke ri’n nè albatre aw’n go Jésu’t kei. Dinye nè nga ree se wubu ke ete maje ngain ke dé ɓar’n nard kuwe deri rusu ku’n táp-táp. Wubu nè nga è wubu ke nar’n ur kugu, nè dinye nè uwe tà dap tête tête dè Jésu’t.

Tà ke Maje ke Luc ndang 7:13

Loo ke Kuwe-ɓee Jésu tête kum’n an kon ngonn nè nga ɓaa, kêm’n aw biriri-biriri ade ede nè: – Ebe’t non.

Tà ke Maje ke Luc ndang 7:19

– Ké i nga kuwe á ndɔ ke d’ede nè a i ree éké jè ndi jè ngine doo ke rang ɓai wa?

Jean 11:21

Marthe ede Jésu ede nè: – Kuwe jé, ke nè á ndɔ ke i nè ɓaa, ngokon’m ayé kwei bè lé ɓai.

Jean 11:3

Marthe se Marie ulei kule ra Jésu’t edi nin edi nè: – Kuwe-ɓee, an! madi ke i tár’n ngain nga tò tà yo’t.

Jean 11:32

Loo ke Marie ree tee loo ke Jésu nda tutu tête kum’n an’n ɓaa, unde burmba nonn’t ede’n ede nè: – Kuwe jé, ke nè á ndɔ ke i nè ɓaa, ngokon jé ayé kwei bè lé ɓai.

Jean 12:3

Marie unn wubu ke dé ra se walé nyan karé ke ri’n nè nard. E ree se wubu ke nar’n è ngain nè nga ngɔr se litre karé, ɔr tà tête nja Jésu’t, taɓai bɔr nja Jésu se bin dè’n. Kete wubu nè nga taa loo ke kêm kei nè pel-pel.

Jean 13:13

Sei ɓari man njèndó dooge nyan a, Kuwe-ɓee a tɔ. Sei ɓari man loon’t kuwe tede man nga m’ee njèndó dooge nyan a, man Kuwe-ɓee a tɔ.

Jean 13:14

Man ke m’ee Kuwe-ɓee a, njèndó dooge nyan nga, ke nè á m’togo nja si ɓaa, gar-gar sei géa è tà le si le kade i togoi nja nan titeke bè tɔ.